ပြည်ပ အိမ်ခြံမြေ သတင်း | Posted by ရွှေစင်ဝင်း
မင်္ဂလာနှစ်ပတ်လည် အသီးသီးတွင် သက်ဆိုင်ရာ လက်ဆောင်တစ်မျိုးစီကို ကိုယ်စားပြုနေသည်။
ဥပမာ အိမ်ထောင်သက် ၂၅ နှစ်မှာ ငွေ (silver) နှင့် ဆက်နွှယ်နေပြီး အိမ်ထောင်သက် နှစ် ၅၀ မှာ ရွှေကို ကိုယ်စားပြုသည်။
အမေရိကန်ပြည်၊ ကန်ဆတ်ပြည်နယ်မှ လယ်သမားကြီးတစ်ဦးမှာမူ အိမ်ထောင်သက် နှစ် ၅၀ အထိမ်းအမှတ်အဖြစ် ဇနီးကို သမားရိုးကျ ရွှေမပေးဘဲ တမူထူးခြားသော နည်းလမ်းကို ရွေးချယ်ခဲ့သည်။
လီ ဝီလ်ဆင်အမည်ရှိ လယ်သမားကြီးက ဇနီးဖြစ်သူ Renee ကို surprise လုပ်ပေးရန်အတွက် မြေဧကပေါင်း ၈၀ တွင် နေကြာပင်ပေါင်း ၁ ဒသမ ၂ သန်း စိုက်ပျိုးခဲ့သည်။
သူ၏ စနစ်တကျ စီစဉ်ကြိုးစားမှုများကြောင့် ပဉ္စလက်ဆန်သော အဝါရောင်ကွင်းပြင်ကြီးပေါ်ထွန်းလာခဲ့သည်။
မျက်စေ့တဆုံး မျှော်လေတိုင်း အဝါတောက်တောက် နေကြာတို့ အတိပြီးနေသည်။
တစ်ဧကလျှင် နေကြာပင်ပေါင်း ၁၅၀၀၀ ခန့်ရှိရာ နေကြာတို့ ပွင့်ဖူးလာချိန်တွင် ပန်းများ အဆုံးအစမဲ့ မှတ်ထင်ရသည်။
ခင်ပွန်းဖြစ်သူ၏ ကြီးကျယ်ခမ်းနားသော လက်ဆောင်ကြောင့် ရီနီမှာ ဘဝင်ခိုက်နေသည်။
“ကျွန်မ အလွန်ဝမ်းသာကြည်နူးရပါတယ်။ မျက်စေ့တဆုံး နေကြာခင်းကြီးထက် ပိုကောင်းတဲ့ anniversary လက်ဆောင် မရှိနိုင်တော့ပါဘူး” ဟု ရီနီက ပြောသည်။
ဝီလ်ဆင်တို့ နှစ်ဦးမှာ ဆယ်ကျော်သက်အရွယ်ကတည်းက သိကျွမ်းခဲ့ကြသူများ ဖြစ်သည်။
“ကျွန်တော်တို့ အထက်တန်းကျောင်းမှာ ဆုံစည်းခဲ့ကြတာပါ။ သူက အသက် ၁၆ နှစ်အရွယ်အထိ ရည်းစားမထားခဲ့ဘူး။ ကျွန်တော်က သူ့ရဲ့ ၁၆ နှစ်ပြည့်မွေးနေ့မှာ ဖုန်းဆက်ခဲ့တယ်။ အဲဒီအချိန်မှာ ကျွန်တော်တို့ အတွဲဖြစ်သွားတာပါ” ဟု ဝီလ်ဆင်က ရှင်းပြသည်။
“ကျွန်တော်တို့ရဲ့ first date က စကိတ်စီးခဲ့ကြတာပါ။ ကန်ဆတ်ပြည်နယ်၊ ဟာပါမြို့မှာ ကျင်းပတဲ့ FFA စကိတ်စီးပွဲမှာပါ”
ယင်းနောက်ပိုင်းကတည်းက ချစ်သူနှစ်ဦးမှာ ဘဝကို အတူဖြတ်သန်းခဲ့ကြရာ ယခုအခါ အိမ်ထောင်သက် နှစ် ၅၀ တိုင်ခဲ့ပြီဖြစ်ပြီး ၎င်းတို့အကြား ချစ်ခြင်းတရားမှာ ပိုမိုခိုင်မြဲလာနေသည်။
အပြောကျယ်လှသော နေကြာခင်းကြီးမှာ နောက်ထပ် ရက်သတ္တ ၂ ပတ်ခန့် ဆက်လက်ပွင့်ဖူးနေဦးမည် ဖြစ်သည်။
ဝီလ်ဆင်၏ ဝါစွေးစွေး နေကြာလွင်ပြင်ကြီးကို အမှတ် ၅၄ အဝေးပြေးလမ်းမကြီးတစ်လျှောက် မိုင်ပေါင်းများစွာကပင် လှမ်းမျှော်တွေ့ရနိုင်သည်။
(▲ လယ်သမားကြီး လီ ဝီလ်ဆင်က အိမ်ထောင်သက် နှစ် ၅၀ ပြည့်လက်ဆောင်အဖြစ် ဇနီးဖြစ်သူ ရီနီကို surprise ဖြစ်စေရန် မြေဧကပေါင်း ၈၀ တွင် နေကြာပင်ပေါင်း ၁ ဒသမ ၂ သန်း စိုက်ပျိုးပေးခဲ့သည်။ ဓာတ်ပုံ-YouTube)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Adoring Husband Plants 1.2 Million Sunflowers Across 80 Acres to Surprise Wife on 50th Anniversary
