ဂွင်းနက်ပက်ထရိုးက သူ၏ ဒေါ်လာ ၄ ဒသမ ၉ သန်းတန် စံအိမ်အတွင်း အပေါ်ပိုင်းအဝတ်မပါဘဲ ချက်ပြုတ်နေသည့် ဗွီဒီယိုမှာ လူမှုကွန်ရက်တွင် ဂယက်ရိုက်

ဟောလိဝုဒ်ကြယ်ပွင့် ဂွင်းနက်ပက်ထရိုးက အမေရိကန်ပြည်၊ ကယ်လီဖိုးနီးယားပြည်နယ်၊ မွန်တီစီတိုမြို့ရှိ စံအိမ်တွင် လွတ်လွတ်လပ်လပ်နေထိုင်လျက်ရှိပုံ၊ လှပသော နေအိမ်အတွင်း အပေါ်ပိုင်း အဝတ်အစားမပါဘဲ ချက်ပြုတ်နေပုံကို ၎င်းကိုယ်တိုင် လူမှုကွန်ရက်တွင် မျှဝေလာသည်။

အသက် ၅၂ နှစ်အရွယ်ရှိ ဂွင်းနက်ပက်ထရိုးက သူ၏ အင်စတာဂရမ်အကောင့်မှတဆင့် ဗွီဒီယိုဖိုင် မျှဝေလာခြင်းဖြစ်ပြီး အိုးတစ်လုံးအတွင်းသို့ ချက်ပြုတ်စရာများ ထည့်သွင်းနေပုံကို တွေ့ရသည်။

ဗွီဒီယိုတွင် စတင်တွေ့ရသည်မှာ ဂွင်းနက်ပက်ထရိုးသည် မီးဖိုရှေ့တွင် အပေါ်ပိုင်း အဝတ်မပါဘဲ ရပ်နေပုံကို တွေ့ရသည်။

၎င်းက ကင်မရာကို ကျောပေးထားသည်။

ဂွင်းနက်ပက်ထရိုးက ၎င်းချက်သောဟင်းလျာနှင့် ပတ်သက်ပြီး ပြောဆိုထားသည်မှာ တပ်စ်ကန်စတိုင် ပရိုတိန်း ကြွယ်ဝသော မနက်စာအိုးဟု ဆိုထားပြီး ဝက်အူချောင်း၊ ကြက်ဥနှင့် အဖြူရောင်ပဲများ ပါဝင်သည်။

ထိုသို့ အပေါ်ပိုင်းအဝတ်မပါသော အပိုင်းပြီးလျှင် ဂွင်းနက်ပက်ထရိုးက အခြားမြင်ကွင်းများကိုလည်း ပြသခဲ့သည်။

၎င်းက အိုးထဲတွင် အသားနှင့် ပဲများ ထည့်လိုက်သည်ကိုလည်း တွေ့ရသည်။ ထို့အပြင် ဒေါက်ခွရွက်၊ ခရမ်းချဉ်သီးတို့လည်း ထည့်ပြီး ကြက်ဥကြော် ၃ လုံးနှင့် ရောလိုက်သည်ကို တွေ့ရသည်။

ဗွီဒီယိုထဲတွင် ဟင်းသီးဟင်းရွက်များ လှီးနေပုံကိုလည်း ရိုက်ကူးပြသထားသည်။

ထိုနေရာတွင်မူ ဂွင်းနက်ပက်ထရိုးမှာ ဘောင်းဘီတို၊ လက်ပြတ်အင်္ကျီတို့ဖြင့် ဖြစ်ပြီး ခေတ္တနားကာ ကော်ဖီသောက်သည်ကို တွေ့ရသည်။

(ဂွင်းနက်ပက်ထရိုးက မွန်တီစီတိုမှ သူ၏ ဒေါ်လာ ၄ ဒသမ ၉ သန်းတန် စံအိမ်အတွင်း အပေါ်ပိုင်း အဝတ်မပါဘဲ ချက်ပြုတ်နေပုံကို ဗွီဒီယိုရိုက်ကူးထားခဲ့သည်။ ဓာတ်ပုံ-gwynethpaltrow/Instagram)

(ဂွင်းနက်ပက်ထရိုးက တပ်စ်ကန်စတိုင် ဟင်းလျာ ချက်ပြုတ်ပုံကို အင်စတာဂရမ်တွင် မျှဝေခဲ့သည်။ ဓာတ်ပုံ-gwynethpaltrow/Instagram)

(အသက် ၅၂ နှစ်အရွယ် A-lister ၏ အိမ်ထောင်ဖက်မှာ Brad Falchuk ဖြစ်ပြီး သူ၏ ဗွီဒီယိုဖိုင်မှာ ကြည့်ရှုမှု အကြိမ်ရေ ၁၃၅၀၀၀ ကျော် ရှိနေပြီ ဖြစ်သည်။ ဓာတ်ပုံ- gwynethpaltrow/Instagram)

ဗွီဒီယို၏ နောက်ပိုင်းတွင် ဂွင်းနက်ပက်ထရိုးက ချက်ပြုတ်ပြီးစီးသွားသော ဟင်းလျာ၏ပုံကို ပြသခဲ့ပြီး အိမ်ပြင်သို့ ယူသွားကာ အိမ်နောက်ဘက် ခြံဝန်းထဲတွင် မနက်စာ စားသောက်ခဲ့သည်။

ဂွင်းနက်ပက်ထရိုး၏ ရည်ရွယ်ချက်မှာ တပ်စ်ကန်ဟင်းချက်နည်းကို ပြသလိုခြင်းဖြစ်သော်လည်း ကြည့်ရှုသူများစွာမှာ ထိုအချက်ကို အာရုံမရောက်ကြ။

ထိုအထဲတွင် ဂွင်းနက်ပက်ထရိုး၏ သမီးဖြစ်သူ အသက် ၂၁ နှစ်အရွယ်ရှိ Apple Martin လည်း အပါအဝင် ဖြစ်သည်။

သမီးဖြစ်သူ ကောလိပ်ကျောင်းသူ Apple က မိခင်၏ ဗွီဒီယိုအောက်တွင် မှတ်ချက်လာပေးသည်မှာ “မေမေ့အင်္ကျီကို သမီးမေ့ပြီး ဖွက်ထားမိသလား မသိဘူး” ဟု အရွှန်းဖောက် မှတ်ချက်ပေးသည်။

ရုပ်ရှင်မင်းသမီး Jennifer Garner ကလည်း “မင်းကောင်လေး ဖြစ်လို့ရမလား” ဟု မှတ်ချက်ပေး နောက်ပြောင်ထားသည်။

(ဂွင်းနက်ပက်ထရိုးက ၎င်းချက်ပြုတ်ခဲ့သော ကြက်ဥချောင်းနှင့် ကြက်ဥများပါသော ဟင်းလျာကို “ချစ်သူကောင်လေး မနက်စာ” ဟု အရွှန်းဖောက် ညွှန်းဆိုသည်။ ဓာတ်ပုံ-gwynethpaltrow/Instagram)

(ဗွီဒီယိုဖိုင်ထဲတွင် ဂွင်းနက်ပက်ထရိုး ကော်ဖီသောက်နေပုံလည်း တွေ့ရသည်။ ဓာတ်ပုံ -gwynethpaltrow/ Instagram)

(ဗွီဒီယို၏ နောက်ပိုင်းတွင် ဂွင်းနက်ပက်ထရိုးက ချက်ပြုတ်ပြီးစီးသွားသော ဟင်းလျာ၏ပုံကို ပြသခဲ့ပြီး အိမ်ပြင်သို့ ယူသွားကာ အိမ်နောက်ဘက် ခြံဝန်းထဲတွင် မနက်စာ စားသောက်ခဲ့သည်။ ဓာတ်ပုံ-gwynethpaltrow/Instagram)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Gwyneth Paltrow Shares Cheeky Topless Cooking Video as She Whips Up Breakfast Inside $4.9 Million Montecito Mansion Photo Credit- gwynethpaltrow/Instagram