ထရမ့်က အခွန်တိုးမြှင့်ကောက်ခံနေမှုများကြောင့် ကမ္ဘာ့စီးပွားရေး ကသောင်းကနင်းဖြစ်နေချိန်တွင် အမေရိကန်မှ နေအိမ်ဝယ်လက်တို့က ဗြိတိန်တွင် အိမ်ရှာဖွေမှု အလွန်များပြားလာနေ

အမေရိကန်ပြည်မှ ပြည်သူတို့သည် ဗြိတိန်တွင် နေအိမ်ရှာဖွေမှုများ အလွန်များပြားလာလျက် ရှိနေကြောင်း ဗြိတိန် အိမ်ခြံမြေဝက်ဘ်ဆိုက်ဖြစ်သော RightMove က ဖော်ပြသည်။

၂၀၂၅ နှစ်စပိုင်းမှသည် မေလ ပထမပတ်အထိ ဗြိတိန်တွင် အမေရိကန်ပြည်သူတို့ နေအိမ်ရှာဖွေမှု ပမာဏမှာ ပြီးခဲ့သောနှစ် အလားတူကာလထက် ၁၉ ရာခိုင်နှုန်း မြင့်တက်လာကြောင်း RightMove က ဖော်ပြသည်။

အမေရိကန်သမ္မတ ဒေါ်နယ်ထရမ့်က အခွန်တိုးမြှင့်ကောက်ခံမှုများ အကြီးအကျယ်လုပ်ဆောင်လာမှု များကြောင့် ကမ္ဘာ့စီးပွားရေး မရေရာမှုများအလယ်တွင် ဗြိတိန်၌ အိမ်ဝယ်ရန် စုံစမ်းလာသူ များပြားလာခြင်းဖြစ်ကြောင်းလည်း RightMove က ဖော်ပြသည်။

အမေရိကန်ဝယ်လက်တို့ အဓိကစိတ်ဝင်စားသည်မှာ အီဒင်ဘာ့ဂ် (စကော့တလန်) မှ နေအိမ်များဖြစ်ပြီး ဒုတိယအနေဖြင့် လန်ဒန်ဝန်းကျင်ရှိ အိမ်ခြံမြေများဖြစ်ကြောင်း RightMove ၏ အချက်အလက်များတွင် ဖော်ပြသည်။

အမေရိကန်မှ အိမ်ခြံမြေစုံစမ်းလာမှုများမှာ ၂၀၁၇ ခုနှစ်နောက်ပိုင်း အမြင့်မားဆုံးဖြစ်သည်ဟု ဆိုသည်။

ထိုသို့ စုံစမ်းမှုများတွင် အမေရိကန်မှ ဗြိတိန်သို့ ပြောင်းရွှေ့ အခြေချလိုသူများ၊ ဒုတိယအိမ်အဖြစ် ဝယ်ယူထားလိုသူများနှင့် ဝယ်ယူအငှားချလိုသူများ အစရှိသဖြင့် အမျိုးမျိုးရှိသည်။

သို့သော် အမေရိကန်မှ စုံစမ်းသူအများစုမှာ အိပ်ခန်း ၂ ခန်း (သို့မဟုတ်) ၎င်းထက်နည်းသော နေအိမ်ငယ်လေးများကို အဓိကစုံစမ်းခြင်းဖြစ်ရာ အမြဲအခြေချနေထိုင်ရန်ထက် ရင်းနှီးမြှုပ်နှံရန် (သို့မဟုတ်) အပန်းဖြေရန်အတွက် ဝယ်ယူလိုခြင်းဖြစ်နိုင်ကြောင်း RightMove က သုံးသပ်သည်။

(ဒေါ်နယ်ထရမ့်ကြောင့် ကမ္ဘာ့စီးပွားရေး ကမောက်ကမဖြစ်နေချိန်အတွင်း ဗြိတိန်တွင် အိမ်ဝယ်လိုသူများ များပြားလာနေသည်။ ဓာတ်ပုံ-AFP Via Getty Images)

ပြီးခဲ့သော ၁၀ နှစ်အတွင်း အမေရိကန်မှ ဗြိတိန်တွင် အိမ်စုံစမ်းသူ အများစုမှာ လန်ဒန်ဝန်းကျင်တွင်သာ စိတ်ဝင်စားခဲ့ကြသည်။

ယခုအခါတွင်မူ စကော့တလန်ကို ပိုမိုစိတ်ဝင်စားလာနေကြသည်။

စကော့တလန်၏ အိမ်ခြံမြေဈေးနှုန်းမှာ လန်ဒန်အောက် ပိုမိုသက်သာသောကြောင့်လည်း ဝယ်လက်များ စိတ်ဝင်စားခြင်း ဖြစ်တန်ရာချေ ရှိသည်။

အမေရိကမှ အိမ်ခြံမြေစုံစမ်းသူတို့ အဓိကစိတ်ဝင်စားသည်မှာ အီဒင်ဘာ့ဂ်နှင့် ဂလပ်စဂိုမြို့ကြီးများ ဖြစ်သည်။

လက်ရှိအားဖြင့် အမေရိကမှ အိမ်ခြံမြေဝယ်လိုသူများသည် ဂလပ်စဂိုကို လန်ဒန်မြို့မှ Islington, Kensington နှင့် Chelsea အရပ်များထက် ပိုမိုစိတ်ဝင်စားနေသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: US house hunters searching for UK homes rockets after Donald Trump’s tariffs turmoil Photo Credit- AFP via Getty Images