ပြည်ပ အိမ်ခြံမြေ သတင်း | Posted by ရွှေစင်ဝင်း
အမေရိကန်ပြည်၊ ဝါရှင်တန်ဒီစီတွင် ကန်ဒေါ်လာ ၂၃ သန်းတန် စံအိမ်ကို ဝယ်ယူသွားသူမှာ Meta တည်ထောင်သူ ဘီလျံနာ Mark Zuckerberg ဖြစ်ကြောင်း ပေါ်ပေါက်လာသည်။
ဒေါ်နယ်ထရမ့် သမ္မတပြန်ဖြစ်လာသည့် ဒုတိယသက်တမ်းကာလတွင် နည်းပညာနယ်မှ သူဌေးကြီးများ ဝါရှင်တန် ဒီစီ၌ ခြေကုပ်ယူလာမှုများ များပြားလာနေရာ Mark Zuckerberg လည်း ပါဝင်လာသည်။
Mark Zuckerberg ယခုဝယ်ယူလိုက်သော နေအိမ်မှာ အိမ်ဖြူတော်မှ ၁၅ မိနစ်ခရီးသာ ဝေးကွာပြီး Naval Observatory ဝန်းအတွင်းရှိ ဒုသမ္မတ JD Vance ၏ အိမ်တော်သို့ လမ်းလျှောက်သွားရုံဖြင့် ရောက်သည်။
Politico ၏ ဖော်ပြချက်အရ ဒီလာဝယ်အခြေစိုက် LLC တစ်ခုမှတဆင့် ငွေသားဖြင့် ပေးချေကာ ဝယ်ယူခဲ့ခြင်းဖြစ်ပြီး ဝါရှင်တန်ဒီစီ၏သမိုင်းတွင် တတိယမြောက် ဈေးအကြီးဆုံးအိမ်ခြံမြေအရောင်းအဝယ် ဖြစ်ခဲ့သည်။
(▲ အိမ်ဖြူတော်မှ ၁၅ မိနစ်ခရီးသာ ဝေးကွာသော ကန်ဒေါ်လာ ၂၃ သန်းတန် စံအိမ်ကို ဝယ်ယူသွားသူမှာ Meta ၏ စီအီးအို Mark Zuckerberg ဖြစ်ကြောင်း ပေါ်ပေါက်လာသည်။ ဓာတ်ပုံ-Anice Hoachlander)
(▲ အဆိုပါစံအိမ်ကို ဒီလာဝယ်အခြေစိုက် LLC တစ်ခုမှတဆင့် ငွေသားဖြင့် ပေးချေကာ ယခုနှစ် မတ်လ အတွင်း ဝယ်ယူခဲ့ခြင်းဖြစ်ကြောင်း Meta ၏ ပြောရေးဆိုခွင့်ရပုဂ္ဂိုလ်တစ်ဦးက အတည်ပြု ပြောကြားသည်။ ဓာတ်ပုံ-Rod Lankey Jr)
(▲ ယခုစံအိမ်နေရာတွင် ယခင်က ကန်ဒေါ်လာ ၅ ဒသမ ၁၅ သန်းတန် အိမ်တစ်လုံး ရှိခဲ့ပြီး ၂၀၁၃ ခုနှစ်တွင် ဖြိုဖျက်ခဲ့သည်။ ယင်းနောက် ဗိသုကာပညာရှင် Robert M. Gurney က ဒီဇိုင်းရေးဆွဲပေးကာ ဆောက်လုပ်ခဲ့ပြီး အကျယ်အဝန်း စတုရန်းပေ ၁၅၄၀၀ ရှိသည်။ ဓာတ်ပုံ- Anice Hoachlander)
(▲ Meta သည် မူဝါဒရေးရာနှင့် ပတ်သက်ပြီး ဆောင်ရွက်ဖွယ်ရှိသည်များကို ဆက်လက်အကောင်အထည် ဖော်နေချိန်တွင် Zuckerberg မှာ ဝါရှင်တန်ဒီစီတွင် အချိန်အတန်ကြာ နေထိုင်ရဖွယ်ရှိကြောင်း Meta ၏ ပြောရေးဆိုခွင့်ရပုဂ္ဂိုလ်က အတည်ပြုသည်။ )
နယူးယောက်ပို့စ် သတင်းဌာနက ကြည့်ရှုခွင့်ရခဲ့သော ဆောက်လုပ်ရေးမှတ်တမ်းများအရ စံအိမ်အတွင်း အိပ်ခန်း ၅ ခန်း၊ ရေချိုးခန်း ၇ ခန်း၊ မီးဖိုဆောင် ၂ ခုနှင့် မီးလင်းဖို ၃ ခုတို့ ပါဝင်ကြောင်းသိရသည်။
(▲ လင်းလင်းချင်းချင်းရှိသော စံအိမ်ဖြစ်ပြီး ယခုအခါ Outdoor amenities များဖြစ်သော ဘတ်စ်ကက်ဘောကွင်းနှင့် ရေကူးကန်ဘေးအိမ်တို့လည်း ပါဝင်လာသည်။ ဓာတ်ပုံ- Anice Hoachlander)
(▲ စံအိမ်အတွင်း အိပ်ခန်း ၅ ခန်းနှင့် ရေချိုးခန်း ၇ ခန်း ပါဝင်သည်။ ဓာတ်ပုံ- Anice Hoachlander)
(▲ ဒေါ်နယ်ထရမ့်၏ ဒုတိယမြောက် သမ္မတ သက်တမ်းကာလအတွင်း ဝါရှင်တန်ဒီစီသို့ အခြေချလာသည့် သူဌေးကြီးများ များပြားလာချိန်တွင် Zuckerberg ကလည်း ယခုနေအိမ် ဝယ်ယူလိုက်ခြင်း ဖြစ်သည်။ ဓာတ်ပုံ-REUTERS)
(▲ Massachusetts Avenue Heights အရပ်တွင် တည်ရှိပြီး ခြံဝန်းအကျယ်မှာ ၁ ဧကနီးပါး ရှိသည်။ ဓာတ်ပုံ- Anice Hoachlander)
(▲ စံအိမ်အတွင်း မှန်များကာရံထားသော လူသွားလမ်းများ ပါဝင်သည်။ ဓာတ်ပုံ- Anice Hoachlander)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Mark Zuckerberg identified as the buyer of a $23M DC mansion located minutes from the White House Photo Credit- Anice Hoachlander, Reuters, Rod Lankey Jr
![[ဥုံ- အမိတာဘ ဟရီး] မြောက်ကိုရီးယားတွင် နှစ်ပေါင်း ၁၀၀၀ သက်တမ်းရှိ ဗုဒ္ဓရုပ်ပွားတော်ကြီး တူးဖော်တွေ့ရှိ](https://imh-images-prod.s3.ap-southeast-1.amazonaws.com/pictures/news/dr5b5kh/1144651-0441335001745309178-02.jpg)
![[အကြင်နာ အကဲစမ်းပွဲ]](https://imh-images-prod.s3.ap-southeast-1.amazonaws.com/pictures/news/dr5b5kh/1146040-0591199001746596268-02.jpg "[အကြင်နာ အကဲစမ်းပွဲ]")
![[အချစ်ဆိုသည်မှာ…] အမေရိကန်တွင် ခင်ပွန်းဖြစ်သူ ကွယ်လွန်သွားသော်လည်း ချစ်သူများနေ့ရောက်တိုင်း ခင်ပွန်းပို့လိုက်သော ပန်းစည်းလက်ခံရရှိနေသောဖြစ်ပုံ...](https://imh-images-prod.s3.ap-southeast-1.amazonaws.com/pictures/news/dr5b5kh/1145962-0396218001746510095-02.jpg "[အချစ်ဆိုသည်မှာ…] အမေရိကန်တွင် ခင်ပွန်းဖြစ်သူ ကွယ်လွန်သွားသော်လည်း ချစ်သူများနေ့ရောက်တိုင်း ခင်ပွန်းပို့လိုက်သော ပန်းစည်းလက်ခံရရှိနေသောဖြစ်ပုံ...")
![[ထူးဆန်းသော တင်တောင်းငွေနှင့် ဥပဒေလက်တစ်လုံးခြား] အိန္ဒိယတွင် ခင်ပွန်းဖြစ်သူနှင့် အတူအိပ်ရန် ငြင်းဆန်နေသည့် အမျိုးသမီးမှာ အခြားတစ်ဦးနှင့် ကိုယ်ဝန်ရလာ၊ ရင်သွေးကို လက်မခံပါက အမှုဆင်တရားစွဲမည်ဟု ခင်ပွန်းကို ခြိမ်းခြောက်သည့်ဖြစ်ရပ် လူပ...](https://imh-images-prod.s3.ap-southeast-1.amazonaws.com/pictures/news/dr5b5kh/1145912-0436202001746509718-02.jpg "[ထူးဆန်းသော တင်တောင်းငွေနှင့် ဥပဒေလက်တစ်လုံးခြား] အိန္ဒိယတွင် ခင်ပွန်းဖြစ်သူနှင့် အတူအိပ်ရန် ငြင်းဆန်နေသည့် အမျိုးသမီးမှာ အခြားတစ်ဦးနှင့် ကိုယ်ဝန်ရလာ၊ ရင်သွေးကို လက်မခံပါက အမှုဆင်တရားစွဲမည်ဟု ခင်ပွန်းကို ခြိမ်းခြောက်သည့်ဖြစ်ရပ် လူပ...")
