ပြည်ပ အိမ်ခြံမြေ သတင်း | Posted by အေးမြတ်သူ
တန်ကြေး ကန်ဒေါ်လာ ၁ ဘီလီယံခန့်ရှိ၊ နယူးယောက်အုပ်ချုပ်ရေးအဖွဲ့က ဒုက္ခသည်များကို နှင်ထုတ်မည်ဟု ကြေညာထားရာ အိမ်ခြံမြေ developer တို့အကြား လှုပ်လှုပ်ခတ်ခတ်ဖြစ်နေ
ပါကစ္စတန်လေကြောင်းလိုင်းနှင့် အစိုးရအဖွဲ့ ငွေကြေးပြတ်လပ်နေမှုကြောင့် နယူးယောက်ရှိ ဒေါ်လာ ၁ ဘီလီယံတန် ဟိုတယ်ကြီးကို ရောင်းထုတ်လိုနေသော်လည်း ရွှေ့ပြောင်းဒုက္ခသည် ထောင်သောင်းချီ နေထိုင်လျက်ရှိနေ
အမေရိကန်ပြည်၊ နယူးယောက်မြို့ရှိ ရုစဗဲ့ဟိုတယ် (Roosevelt) မှ ရွှေ့ပြောင်းဒုက္ခသည်များကို ပြောင်းရွှေ့ခိုင်းမည်ဟု မြို့အုပ်ချုပ်ရေးအဖွဲ့က ကြေညာလိုက်ရာ ကူးသန်းရောင်းဝယ်ရေးကဏ္ဍ အိမ်ခြံမြေ developer တို့အကြား လှုပ်လှုပ်ရွရွ ဖြစ်သွားသည်။ ရုစဗဲ့ဟိုတယ်၏ ပိုင်ရှင်မှာ ပါကစ္စတန်အစိုးရ၏ နိုင်ငံတကာလေကြောင်းလိုင်း (PIA) ဖြစ်ပြီး ဟိုတယ်ကြီးကို ရောင်းထုတ်လိုနေသည်။
သတင်းရင်းမြစ်များ၏ ပြောကြားချက်အရ တန်ကြေးကန်ဒေါ်လာ ၁ ဘီလီယံခန့် ရှိနိုင်သည်ဟု ဆိုသည်။
Developer တို့က အဆိုပါခေတ်ဟောင်းဟိုတယ်ကြီးကို ဖြိုချဖွယ်ရှိပြီး မြေအကျယ်အဝန်း စတုရန်းပေ ၄၂၀၀၀ ရှိသော ထိုနေရာတွင် ကြမ်းခင်းဧရိယာ စတုရန်းပေ ၁ ဒသမ ၈ သန်းရှိသည့် မိုးမျှော်တိုက်ကြီး ဆောက်လုပ်ဖွယ်ရာရှိကြောင်း သတင်းရင်းမြစ်တို့က ပြောသည်။
(▲ ရုစဗဲ့ဟိုတယ်အပြင်ဘက်တွင် ကလေးများ ကျောင်းဆင်းပြန်အလာကို စောင့်မျှော်နေသူများ။ ဓာတ်ပုံ-Michael Nagle)
PIA က အရောင်းအပ်နှံထားသော အိမ်ခြံမြေကုမ္ပဏီ JLL အနေဖြင့် တရားဝင် အရောင်းကြော်ငြာ မထုတ်ပြန်ရသေး။
လာမည့်နွေဦးပေါက်တွင် အရောင်းကြော်ငြာဖွယ်ရှိသည်ဟု ခန့်မှန်းရသည်။
သို့သော် Tishman Speyer, Related Companies, SL Green နှင့် Vornado တို့ အပါအဝင် အိမ်ခြံမြေ developer တို့နှင့် တရားဝင်အဆင့်မဟုတ်သော ပြောဆိုညှိနှိုင်းမှုများ ရှိခဲ့ကြောင်း အိမ်ခြံမြေလောက သတင်းရင်းမြစ်တို့က Realty Check သို့ ပြောသည်။
ရုစဗဲ့ဟိုတယ်သည် block တစ်ခုလုံးတွင် ဖြန့်ကျက်တည်ရှိပြီး Madison လမ်းနှင့် Vanderbilt လမ်းတို့က ဝန်းပတ်ထားသည်။
(▲ ပဉ္စမရိပ်သာလမ်းပေါ်မှ JP Morgan Chase ၏ ရုံးချုပ် ဆောက်လုပ်နေပုံမြင်ကွင်း။ ဓာတ်ပုံ-Christopher Sadowski)
ပါကစ္စတန်လေကြောင်းလိုင်းနှင့် အစိုးရ၏ ငွေကြေးပြတ်လပ်နေမှုကြောင့် PIA က ရုစဗဲ့ဟိုတယ်ကြီးကို ရောင်းထုတ်လိုနေသည်။
ပါကစ္စတန်အစိုးရသည် IMF ချေးငွေ ဒေါ်လာ ၇ ဘီလီယံ ဖိအားကလည်း ရှိနေသည်။ ရုစဗဲ့ဟိုတယ်ကြီးတွင် ရွှေ့ပြောင်းဒုက္ခသည် ထောင်သောင်းချီ ဝင်ရောက်နေထိုင်လျက်ရှိပြီး အားလုံးမှာ တရားဝင် ဝင်ရောက်လာကြသူများမဟုတ်ဘဲ အချို့မှာ ရာဇဝတ်မှတ်တမ်းရှိသူများဖြစ်သည်။
၎င်းတို့သည် ရုစဗဲ့ဟိုတယ်တွင် နေထိုင်လျက်ရှိသည်မှာ ၂ နှစ်ခန့် ရှိခဲ့ပြီ ဖြစ်သည်။
(▲ နယူးယောက်မြို့လယ် မန်ဟက်တန်အရပ်မြင်ကွင်း။ ဓာတ်ပုံ-Christopher Sadowski)
(▲ One Vanderbilt ၏ ရှေ့မျက်နှာစာ။ ဓာတ်ပုံ-Helayne Seidman)
(▲ One Vanderbilt ၏ ရှုခင်းကြည့်အဆောင်မှတဆင့် နယူးယောက်မြို့လယ်ရှုခင်းကို ကြည့်ရှုနေသော အမျိုးသမီးတစ်ဦး ဓာတ်ပုံ-Reuters)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: NYC’s Roosevelt Hotel may fetch $1B in sale after migrants move out: sources Photo Credit- Michael Nagle, Reuters, Helayne Seidman, Christopher Sadowski
