ဒေါ်နယ်ထရမ့်သားကြီး ထရမ့်ဂျူနီယာ အချစ်သစ်တွေ့သည့် ကောလာဟလများကြောင့် ချစ်သူဖြစ်သော သံအမတ်ကြီး Kimberly Guilfoyle နှင့် လမ်းခွဲမည့် အခြေအနေ ဖြစ်ပေါ်နေ၊ ဖလော်ရီဒါမှ ဒေါ်လာ ၁၀ သန်းတန် စံအိမ်ကြီးကို ဘယ်သူရမလဲ

ဒေါ်နယ်ထရမ့် ဂျူနီယာသည် အမေရိကန်သမ္မတအဖြစ် ဒုတိယအကြိမ် ပြန်လည်ရွေးကောက်ခံထားရသော ဒေါ်နယ်ထရမ့်၏ အကြီးဆုံးသား ဖြစ်သည်။

ကင်ဘာလေ ဂဲဖွိုင် (Kimberly Guilfoyle ) သည် ဒေါ်နယ်ထရမ့်၏ ၂၀၂၀ ရွေးကောက်ပွဲ မဲဆွယ်ကာလတွင် ရန်ပုံငွေရရှိရန် ဦးဆောင်ခဲ့သူဖြစ်ပြီး ၂၀၂၄ ခုနှစ်၊ ဒီဇင်ဘာလ ၁၀ ရက်တွင် ဒေါ်နယ်ထရမ့်က သူမအား ဂရိနိုင်ငံဆိုင်ရာ အမေရိကန်သံအမတ်ကြီးအဖြစ် ခန့်အပ်ခဲ့သည်။

ကင်ဘာလေသည် ထရမ့်ဂျူနီယာမတိုင်မီ အိမ်ထောင် ၂ ဆက် ရှိခဲ့ဘူးပြီး ဆန်ဖရန်စစ္စကိုမြို့တော်ဝန် ဂါဗင်နယူးဆမ်နှင့် ပရိဘောဂလုပ်ငန်းရှင်တို့ ဖြစ်သည်။

ယင်းနောက်ပိုင်းတွင် ကင်ဘာလေက ထရမ့်ဂျူနီယာနှင့် ချစ်ကြိုက်ခဲ့ပြီး လက်မထပ်ဘဲ အတူနေလျက် ရှိသည်။

ယခုအခါ ထရမ့်ဂျူနီယာက ဖလော်ရီဒါပြည်နယ်မှ ဘက်တီနာ အန်ဒါဆန်ဟူသော မိန်းကလေးနှင့် ချစ်ကြိုက်နေကြောင်း သတင်းများ ထွက်ပေါ်လာပြီးနောက် ကင်ဘာလေနှင့် လမ်းခွဲမည့် အခြေအနေ ပေါ်ပေါက်နေသည်။

အသက် ၄၆ နှစ်ရှိပြီ ဖြစ်သော ထရမ့်ဂျူနီယာနှင့် ကင်ဘာလေတို့ တွဲခဲ့သည်မှာ ၆ နှစ်ကျော် ရှိခဲ့ပြီ ဖြစ်သည်။

မကြာသေးမီက ထရမ့်ဂျူနီယာသည် ဖလော်ရီဒါရှိ အပန်းဖြေစခန်းမြို့တွင် အန်ဒါဆန်နှင့် ပျော်ရွှင်နေသော ဓာတ်ပုံများ ထွက်ပေါ်လာသည်။

မိုင်အမ်မီကမ်းခြေတွင် ညစာစားပြီးနောက် ၂ ဦးအတူ လက်တွဲကာ သွားလာနေသည့် ဓာတ်ပုံများ တွေ့ရသည်။

ထိုစားသောက်ဆိုင်မှာ အန်ဒါဆန်၏ အိမ်မှ အနည်းငယ်သာ ဝေးကွာသည်။

၎င်းတို့နှစ်ဦးသည် ထိုမြို့တွင် နေ့ညများစွာ အတူရှိခဲ့ကြကြောင်း Daily Mail သတင်းဌာနက ဖော်ပြသည်။

(ထရမ့်ဂျူနီယာသည် ကင်ဘာလေနှင့် လမ်းခွဲကာ အန်ဒါဆန်နှင့် တွဲနေသည်ဆိုသော သတင်းများ ထွက်ပေါ်သည်။ ဓာတ်ပုံ-Lou Rocco )

(၎င်းတို့နှစ်ဦး လမ်းခွဲမည်ဆိုပါက ဖလော်ရီဒါပြည်နယ် ဂျူပီတာ ကျွန်းရှိ ကန်ဒေါ်လာ ၉ ဒသမ ၇ သန်းတန် စံအိမ်ကို မည်သူက ရယူမည်နည်းဟု ဆုံးဖြတ်ရမည် ဖြစ်သည်။ ဓာတ်ပုံ-Realtor)

(စံအိမ်အတွင်း အိပ်ခန်း ၆ ခန်းနှင့် ရေချိုးခန်း ၅ ခန်းပါဝင်ကာ ခြံအကျယ် ၁၈ ဧကရှိသော ကမ်းခြေစံအိမ် ဖြစ်သည်။ ဓာတ်ပုံ-Realtor)

(၎င်းတို့ စုံတွဲ မဝယ်ယူမီတွင် အကြီးစား မွမ်းမံမှုများ ပြုလုပ်ခဲ့သည်။ ဓာတ်ပုံ-Realtor)

စိတ်ဝင်စားဖွယ် ကောင်းသည်မှာ ကင်ဘာလေကို ဒေါ်နယ်ထရမ့်က ဂရိနိုင်ငံဆိုင်ရာ သံအမတ်ကြီးအဖြစ် ခန့်အပ်လိုက်သည့် ကာလဝန်းကျင်တွင် ထရမ့်ဂျူနီယာ၏ အချစ်ရေးသတင်းများ ထွက်ပေါ်လာခြင်း ဖြစ်သည်။

(အန်ဒါဆန်- ပုံတွင်တွေ့ရသူ-သည် Palm Beach အပန်းဖြေမြို့တွင် ထရမ့်ဂျူနီယာနှင့်အတူ ဖြတ်သန်းခဲ့သည်။ ဓာတ်ပုံ-Rodrigo Varela)

(နှစ်ဦးပိုင်စံအိမ်မှာ ဒေါ်နယ်ထရမ့်နေထိုင်သော မာရာလာဂိုစံအိမ်ကြီးနှင့် မိနစ် ၃၀ ခရီးသာ ကွာဝေးသည်။ ဓာတ်ပုံ-Realtor)

(အံ့မခန်း ခမ်းနားလှပေသော ရေကူးကန်။ ဓာတ်ပုံ-Realtor)

(ဧည့်ခံဖျော်ဖြေရန် နေရာများစွာရှိသည်။ ဓာတ်ပုံ-Realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Donald Trump Jr. and Kimberly Guilfoyle Spark Furious Split Rumors Amid His New ‘Romance’—but Who Will Get Their $10 Million Florida Mansion? (realtor) Photo Credit- Lou Rocco, Rodrigo Varela, Realtor