ဖိလစ်ပိုင်လေဆိပ်က စင်္ကာပူချန်ဂီလေဆိပ်အား ကမ္ဘာ့ဗိသုကာပွဲတော်တွင် အနိုင်ရ

26 Feb 2020 10:35 am တွင် တင်ခဲ့သည်

1294 ကြိမ် ကြည့်ရှု့ပြီး

ပြည်တွင်း အိမ်ခြံမြေ သတင်း | Posted by နှင်းအိခင်

### Unicode Version ###

ဖိလစ်ပိုင်နိုင်ငံရှိ Mactan Cebu International Airport (MCIA) လေဆိပ်က ကမ္ဘာ့ဗိသုကာပွဲတော်တွင် သူတို့၏ ခေတ်အမီဆုံးဒီဇိုင်းဖြင့် စင်္ကာပူလေဆိပ်အား အနိုင်ပိုင်းခဲ့ပြီဖြစ်ကြောင်း The Asian Policy ဂျာနယ်က ဖော်ပြခဲ့သည်။

Mactan Airport Terminal 2 ရှိ လှေဝမ်းဗိုက်မှောက်ခုံပုံစံများဖြင့် လှိုင်းတွန့်ပုံအမိုးက အကဲဖြတ်ဒိုင်များအား အံ့အားသင့်စေခဲ့ခြင်းကြောင့် ဆောက်လုပ်ပြီးစီးပြီးသော ပို့ဆောင်ရေးအဆောက်အအုံအမျိုးအစားတွင် ကမ္ဘာ့အမြင့်ဆုံး(အဆောက်အအုံအတွင်း)ရေတံခွန် Jewel Changi ရှိသည့် ချန်ဂီလေဆိပ်အား အနိုင်ယူနိုင်ခဲ့ခြင်းဖြစ်သည်။

နိုင်ငံတကာဒီဇိုင်းပညာရှင်များအသင်း IDA ၏ ဗိသုကာပညာရှင်အကြီးအကဲ ဝင်စတန်ရှုက ယင်းဒီဇိုင်းအား သေချာပေါက်ပြီးပြည့်စုံသောဒီဇိုင်းအဖြစ် ချီးကျူးခဲ့သည်။

သူက အမေရိကန်ဒေါ်လာ ၁ ဒသမ ၂၅ ဘီလျံ အကုန်ကျခံဖော်ဆောင်ခဲ့သည့် အဆိုပါရေတံခွန်ကိုလည်း တည်ဆောက်ရန် ထူးထူးကဲကဲအားထုတ်ရမည့် အလွန်ခမ်းနားသောအဆောက်အအုံတစ်ခုအဖြစ် ချီးမွမ်းခဲ့သေးသည်။ သို့သော်လည်း ရင်းမြစ်ပိုမိုနည်းပါးစွာသုံးစွဲအကောင်အထည်ပေါ်လာသည့် ဆောက်လုပ်ဖော်ဆောင်မှုကို အကဲဖြတ်ဒိုင်များက ရှာနေခဲ့ကြသည်ဖြစ်ရာ ဖိလစ်ပိုင်လေဆိပ်က ထိုအကြောင်းအရာနှင့်ကွက်တိကိုက်ညီခဲ့ပေသည်။

ထိုဖိလစ်ပိုင်လေဆိပ်အား ဒီဇိုင်းရေးဆွဲခဲ့ကြသူများမှာ ဖိလစ်ပိုင်ဒီဇိုင်နာတစ်ဦးဖြစ်သည့် Budji Layug နှင့် (ဘရတ်ပစ်နှင့် အန်ဂျလီနာဂျိုလီအပါအဝင် ဟောလိဝုဒ်ထိပ်တန်းစာရင်းဝင် ထင်ရှားကျော်ကြားသူများနှင့်လက်တွဲဆောင်ရွက်နေသည့်) စီဘူးမြို့မှ ကမ္ဘာကျော်ပရိဘောဂပြုလုပ်သူ Kenneth Cobonpue တို့ဖြစ်သည်။

လမ်းမတော်မြို့နယ်ရှိ ပြင်ဆင်ပြီး အသင့်နေ (၈) လွှာ အခန်းကောင်းအရောင်း ✨

1,250 သိန်း (ကျပ်)

လမ်းမတော် | ရန်ကုန်တိုင်းဒေသကြီး

ကမာရွတ်မြို့နယ် ဂရန်းဟန်သာဆေးရုံအနီး ဆင်မလိုက်တာဝါရှိ carparking ပါ ပြင်ဆင်ပြီး အခန်းသန့် အရောင်း/အင

6,800 သိန်း (ကျပ်)