ပထမဆုံး American Business Corner ရုံးခန်း မန္တလေး၌ ဖွင့်လှစ်

အမေရိကန် ပြည်ထောင်စု၏ အမေရိကန် စီးပွားရေးကော်နာ (American Business Corner-ABC) ရုံးခန်းကို အာဆီယံနိုင်ငံများအတွင်း ပထမဆုံးအနေဖြင့် မန္တလေးမြို့ ရတနာပုံဈေး (၃၄ လမ်းနှင့် ၇၈ လမ်းထောင့်) ရှိ မန္တလေးတိုင်း ကုန်သည်များနှင့် စက်မှုလက်မှုလုပ်ငန်းရှင်များအသင်းရုံး (MRCCI) တွင် မတ်လ ၁၂ ရက် နံနက်ပိုင်းက ဖွင့်လှစ်ခဲ့သည်။

ယင်းရုံးမှတဆင့် မြန်မာနှင့် အမေရိကန်နှစ်နိုင်ငံကြား စီးပွားရေးလုပ်ငန်းများ ပူးပေါင်းဆောင်ရွက်လိုသည့် လုပ်ငန်းရှင်များကို ကူညီချိတ်ဆက်ဆောင်ရွက်ပေးနိုင်ရန် ဖွင့်လှစ်ခြင်းဖြစ်ကြောင်း၊ ထို့ပြင် ABC အနေဖြင့် နှစ်နိုင်ငံ ကုန်သွယ်မှု၊ တီထွင်ဖန်တီးမှု၊ နည်းပညာပိုင်းဆိုင်ရာကဏ္ဍများတွင် အဓိကလုပ်ဆောင်မည်ဖြစ်ကြောင်း အာဆီယံစီးပွားရေးဆိုင်ရာကောင်စစ်ဝန် Mrs.Mergaret Hanson-Muse က ပြောကြားသည်။

“နှစ်နိုင်ငံကြားမှာရှိတဲ့ စီးပွားရေးလုပ်ငန်းတွေကို ပိုမိုအားကောင်းလာအောင် ဆက်သွယ်ကူညီဆောင်ရွက်ပေးခြင်းဖြင့် နှစ်နိုင်ငံကြား ချစ်ခင်ရင်းနှီးမှုနဲ့ အမေရိကန်နဲ့ မြန်မာနိုင်ငံသားတွေ အချင်းချင်းဆက်ဆံရေး ပိုမိုတိုးမြှင့်နိုင်ဖို့ ရည်ရွယ်ပါတယ်”ဟု မြန်မာနိုင်ငံဆိုင်ရာ အမေရိကန်သံအမတ် Mr.Scot Marciel က ပြောကြားသည်။

ABC ရုံးခန်းကို မန္တလေးမြို့တွင် ဖွင့်လှစ်နိုင်ရန် MRCCI အသင်းရုံးသို့ ၂၀၁၅ ခုနှစ် ဩဂုတ်လအတွင်းက လာရောက်ဆွေးနွေးခဲ့ပြီး မန္တလေးတိုင်းတွင် စီးပွားရေးလုပ်ငန်းများလုပ်ကိုင်ရန် ကောင်းမွန်သောနေရာ၊ နယ်ပယ်များရှိလာစေရန် ဝန်ကြီးချုပ်နှင့် အစိုးရအဖွဲ့က ကူညီဆောင်ရွက်ပေးနေကြောင်း ၎င်းက ပြောကြားသည်။

မြန်မာနိုင်ငံအနေဖြင့် စီးပွားရေးအခွင့်အလမ်းများ ဖော်ဆောင်ရာတွင် နိုင်ငံတစ်ခုတည်းကို မမှီခိုလိုဘဲ နိုင်ငံပေါင်းများစွာရှိ စီးပွားရေးဈေးကွက်မြောက်မြားစွာအပေါ်တွင် မှီခိုရမည်ဖြစ်ကြောင်း မန္တလေးတိုင်း ဝန်ကြီးချုပ် ဒေါက်တာ ဇော်မြင့်မောင်က ပြောကြားသည်။

“ABC (ရုံး) လာဖွင့်တာဟာ အမေရိကန်တစ်ခုတည်းတင်မဟုတ်ဘဲ တောင်အမေရိကတိုက်ကြီးတစ်ခုလုံးကို လှမ်းမျှော်ကြည့်ရပါမယ်”ဟု ၎င်းက ပြောဆိုသည်။

အမေရိကန် ပြည်ထောင်စု၏ American Business Corner (ABC) ကို ၂၀၁၂ ခုနှစ်၌ အိန္ဒိယနိုင်ငံတွင် စတင်ဖွဲ့စည်းခဲ့ပြီး အာဆီယံနိုင်ငံများထဲတွင် မြန်မာနိုင်ငံကို ပထမဆုံးရွေးချယ်ဖွင့်လှစ်ခဲ့ခြင်းဖြစ်ကြောင်း ABC ထံမှ သိရသည်။

Credit: The Voice