ရှာဟစ်ခန်သည် ပါကစ္စတန်မှ အမေရိကန်ပြည်ထောင်စုသို့ ဗိသုကာပညာသင်ယူရန် ထွက်ခွာလာခဲ့ချိန်တွင် အသက် ၁၆ နှစ်အရွယ်သာရှိသေးသည်။ အမေရိကသို့ ထွက်ခွာလာသည့်အချိန်မှာ ၁၉၆၇ ခုနှစ်၊ ဇန်န၀ါရီလဖြစ်ပြီးသူ၏ အိတ်ကပ်ထဲတွင် ဒေါ်လာ ၅၀၀ မျှသာရှိသည်။
ဗိသုကာအတတ်ပညာဖြင့် အသက်မွေးလျှင် ၀င်ငွေမည်မျှသာ ရနိုင်သည်ကိုသိရှိပြီးနောက် အီလီနွိုက်တက္ကသိုလ် ပထမနှစ်စတွင်ပင် သူ၏ အိပ်မက်ကိုစွန့်လွှတ်လိုက်၏။
“ဗိသုကာပညာကို ကျွန်တော်မြတ်နိုးပါတယ်။ ဒါပေမယ့် ဗိသုကာပညာရှင် တွေဟာငွေအများကြီး မရနိုင်ဘူးဆိုတာ ခပ်စောစောသိလိုက်ရတယ်” ဟုရှာဟစ်ခန်က ပြန်ပြောင်းပြောပြသည်။
ရှာဟစ်ခန်ကို ရှက်ခန်ဟုလည်း ခေါ်ကြပြီး ပါကစ္စတန်နိုင်ငံ၊ လာဟိုးမြို့၌ ၁၉၅၀ ခုနှစ်၊ ဇူလိုင် ၁၈ တွင် မွေးဖွားသည်။
မိဘများမှာလူလတ်တန်းစားများဖြစ်ကြသည်။ ဗိသုကာပညာရပ် ကိုကျောခိုင်းပြီးရှာဟစ်ခန် သည် စက်မှုအင်ဂျင်နီယာ ပညာသင်ရန် ဆုံးဖြတ်ခဲ့သည်။
အမေရိကသို့ ရောက်သည့် ပထမဆုံးညတွင် ၀ိုင်အမ်စီအေခန်းမတွင် တည်းခိုခဲ့၏။
အခန်းခ ၂ ဒေါ်လာသာပေးရသော် လည်းငွေပြတ်သွား မည်ကိုများစွာပူပန်သောရှာဟစ်ခန်သည် မိုးလင်းသောအခါတွင် အလုပ်လုပ်ရန်အတွက် အလုပ်လိုက်ရှာလေသည်။
ထိုအကြောင်းနှင့် စပ်လျဉ်း၍ သတင်းမီဒီယာ တစ်ခုနှင့် တွေ့ဆုံမေးမြန်းခန်းတစ်ခုတွင် ဖြေကြားခဲ့ရာ၌
“အိပ်ယာထပြီးတော့ ရိုက်လမ်းပေါ်မှာလျှောက်ကြည့်တယ်။ အဲဒီမှာပန်းကန်ဆေးသမားအလုပ်ခေါ်တာတွေ့တယ်။ တစ်နာရီကို ၁ ဒသမ ၂၀ ဒေါ်လာရမယ်။ ဟုတ်ပြီ။ ဒါကိုငါလုပ်ရမယ်။ ဒါဟာ ငါ့အတွက် ထွက်ပေါက်ပဲ လို့ တွေးလိုက်တယ်”
ဟုဆိုသည်။
Shahid Khan: Got up and walked up on Wright Street and they were hiring dishwashers - a buck 1.2 an hour. I was, "Wow, I think I'm gonna make it. This is my liberation. I control my destiny and -
Byron Pitts: A job washing dishes...
Shahid Khan: Yes.
အဆိုပါငွေမှာပါကစ္စတန်တွင် လူ ၁၀၀ လျှင် ၉၉ ဦးရှာနိုင်သည့် ၀င်ငွေထက် ပိုမိုများပြားကြောင်း ရှာဟစ်ခန်က ဆိုသည်။ ကျောင်းပြီးသော အခါတွင် ရှာဟစ်ခန်သည် Flex-N-Gate အမည်ရှိမော်တော် ကားပစ္စည်းများ ထုတ်လုပ်သည့်ကုမ္ပဏီတွင် ၀င်ရောက်လုပ်ကိုင်သည်။ ၁၉၈၀ ပြည့်နှစ် တွင် ကုမ္ပဏီဝန်ထမ်းရှာဟစ်ခန်သည် ယင်းကုမ္ပဏီကိုဒေါ်လာ ၈၀၀၀၀၀ ဖြင့် ၀ယ်ယူလိုက်တော့သည်။
အမေရိကတွင် ရောင်းချပြီးသမျှ လူစီးနှင့် ထရပ်ကားအားလုံး၏ သုံးပုံနှစ်ပုံတွင် Flex-N-Gate မှ ထုတ်လုပ်သည့်ပစ္စည်း များကိုတပ်ဆင် ထားကြခြင်းဖြစ် သည်။ ပြီးခဲ့သော ၂၀၁၅ ခုနှစ်အတွင်းကန်ဒေါ်လာ ၃ ဒသမ ၅ ဘီလီယံဖိုးရောင်းချခဲ့ရသည်။ ယနေ့အချိန်တွင် ကမ္ဘာပေါ်၌ အချမ်းသာဆုံးပုဂ္ဂိုလ်များတွင် တစ်ဦးအပါအ၀င်ဖြစ်နေပြီဖြစ်ပြီး ဖော့ဘ်မဂ္ဂဇင်းကြီးက ကမ္ဘာပေါ် တွင်အချမ်းသာဆုံးပုဂ္ဂိုလ် ၄၀၀ စာရင်းတွင် နံပါတ် ၈၄ နေရာ၌ ထည့်သွင်းဖော်ပြခြင်းခံခဲ့ရသည်။
ရှာဟစ်ခန်သည် အမေရိကန်ဘောလုံး အသင်းဖြစ်သော ဂျက်ဆင်ဗီလီဂျာဂွါးနှင့် အင်္ဂလန်ဘောလုံး ကလပ် ဖြစ်သော ဖူလ်ဟမ်အသင်း တို့ကိုလည်း ၀ယ်ယူထားသူ ဖြစ်သည်။
၂၀၁၃ ခုနှစ် ဇူလိုင်တွင် လန်ဒန်အခြေစိုက် ဖူဟမ်အသင်းကို ၀ယ်ယူရန်အတွက် မိုဟာမက် အယ်လ်ဖာယက်နှင့် ညှိနှိုင်းဆွေးနွေးခဲ့ပြီးနောက် ၂၀၁၃ ခုနှစ် ဇူလိုင် ၁၂ ရက်တွင် ပေါင် သန်း ၁၅၀ မှ ၂၀၀ အကြားဈေးနှုန်းဖြင့် ၀ယ်ယူခဲ့သည်ဟု ခန့်မှန်းရသည်။
၂၀၁၆ ခုနှစ်၊ မတ်လစာရင်းများအရရှာဟစ်ခန်၏ အသားတင်ကြွယ်ဝမှုမှာ ကန်ဒေါ်လာ ၆ ဒသမ ၅ ဘီလီယံကျော်ရှိသည်။
ထို့ကြောင့် တစ်ချိန်ကပန်းကန်ဆေးခဲ့ ရသောရှာဟစ်ခန် သည် တစ်ကမ္ဘာလုံးအတိုင်းအတာတွင် ၃၆၀ ဦးမြောက် အချမ်းသာဆုံးပုဂ္ဂိုလ်ဖြစ်ပြီးပါကစ္စတန်တွင်မူအချမ်းသာဆုံး ပုဂ္ဂိုလ်ဖြစ်နေပြီ ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
