လန်ဒန်အိမ်ခြံမြေဈေးကွက်သို့ တရားမ၀င်ငွေကြေးများ စီးဝင်မှုဗြိတိန်ဟန့်တားမည်

ခြစားမှုတိုက်ဖျက်ရေး ထိပ်သီးအစည်းအဝေးအတွက် ကမ္ဘာ့ခေါင်းဆောင်များနှင့် အဖွဲ့အစည်းများအား ကြိုဆိုရန် ပြင်ဆင်နေသော ဗြိတိန်ဝန်ကြီးချုပ် ဒေးဗစ်ကင်မရွန်က လန်ဒန်အိမ်ခြံမြေ ဈေးကွက်၌ တရားမ၀င် ငွေကြေးများ စီးဝင်နေမှုကို ဟန့်တားမည့် အစီအစဉ်များအား မေ ၁၂ ရက်တွင် ကြေ ညာခဲ့သည်။ ဗြိတိန်တွင် နိုင်ငံခြားပိုင်ကုမ္ပဏီ ၁၀၀၀၀၀ ကျော်ရှိနေပြီး အများစုသည် အမည်မသိ နိုင်ငံခြားမှတ်ပုံတင် ကုမ္ပဏီများ ဖြစ်ကြသည်။ ယင်းကုမ္ပဏီများက ၎င်းတို့၏ ပိုင်ရှင်အစစ်အမှန်များကို ထုတ်ဖော်ကြရမည်ဖြစ်ကြောင်း ကင်မရွန်၏ အစီအစဉ်သစ်က ဆိုသည်။

ပနားမား စာရွက်စာတမ်းများ ပေါက်ကြား မှုကြောင့် ပြည်သူလူထုက ဒေါသအုံကြွနေပြီး ခြစားမှုကို တစ်ကမ္ဘာလုံးက တိုက်ဖျက်ရန် လန်ဒန်ထိပ်သီး အစည်းအဝေး၌ ဆွေးနွေးရေး ပြင်ဆင်နေစဉ် ငွေကြေးခ၀ါချမှုကို တိုက်ဖျက်ရန် ရည်ရွယ်သော ယင်းဆောင်ရွက်ချက်များကို ကင်မရွန်က ကြေညာခဲ့ခြင်း ဖြစ်သည်။

ခြစားမှုတိုက်ဖျက်ရေး ထိပ်သီးအစည်းအဝေး သို့ နိုင်ဂျီးရီးယား၊ အာဖဂန်နစ္စတန်၊ ကိုလံဘီယာ၊ ဂါနာ၊ နော်ဝေ၊ သီရိလင်္ကာတို့မှ ခေါင်းဆောင်များ တက်ရောက်မည်ဖြစ်ပြီး အမေရိကန်နိုင်ငံခြားရေးဝန်ကြီး ဂျွန်ကယ်ရီ၊ ကမ္ဘာ့ဘဏ်နှင့် အပြည်ပြည်ဆိုင်ရာ ငွေကြေးရန်ပုံငွေအဖွဲ့ ဥက္ကဋ္ဌတို့ကလည်း ယင်းအစည်းအဝေးသို့ တက်ရောက်ကြ မည်ဖြစ်ပြီး မြန်မာနိုင်ငံမှ တက်ရောက်မည် မဟုတ်ကြောင်း သိရသည်။

ထိပ်သီးအစည်းအဝေးသို့ တက်ရောက်မည့် နိုင်ငံများတွင် အကြီးအကျယ် ခြစားနေသော နိုင်ငံများမှ ခေါင်းဆောင်များ တက်ရောက်မည်ဖြစ်ကြောင်း နိုင်ဂျီးရီးယားနှင့် အာဖဂန်နစ္စတန်ကို အမည်တပ် ပြောကြားခဲ့သော ကင်မရွန်၏ ပြောမှား ဆိုမှားကြောင့် ၎င်း၏ ကြိုးပမ်းမှုများ အဟန့်အတား ဖြစ်ခဲ့ရသည်။ ခြစားမှု တိုက်ဖျက်ရေးကို နှိမ်နင်းနေသော နိုင်ဂျီးရီးယားသမ္မတ မူဟန်မာဒူဘူ ဟာရီက ဗြိတိန်အနေဖြင့် လန်ဒန်သို့ ထွက်ပြေးခဲ့သည့် ခြစားသော တာဝန်ရှိသူများက ခိုးယူထားသော ပိုင်ဆိုင်မှုများကိုသာ ပြန်ပေးရန် လိုလားကြောင်း တုံ့ပြန်ပြောကြားခဲ့သည်။ ကင်မရွန်က နောက်ပိုင်းတွင် အာဖဂန်နှင့် နိုင်ဂျီးရီးယားသမ္မတတို့၏ ခြစားမှု တိုက်ဖျက်ရေး ကြိုးပမ်းမှုများကို ဂုဏ်ပြုပြောကြားခဲ့သည်။

ဗြိတိန်တွင် အထူးသဖြင့် လန်ဒန်အိမ်ခြံမြေ ဈေးကွက်တွင် နိုင်ငံခြားကုမ္ပဏီများက ပိုင်ဆိုင်မှု ၄၄၀၀၀ ခန့်ရှိကြောင်း သိ ရသည်။ ၂၀၀၄ ခုနှစ်မှ ၂၀၁၄ ခုနှစ်အတွင်း ဗြိတိန်တွင် ဒေါ်လာ သန်း ၂၆၀ ခန့်ကျော် တန်ဖိုးရှိသော အိမ်ခြံမြေများအား ခြစားမှုနှင့် ဆက်နွှယ်မှုအဖြစ် စုံစမ်းစစ်ဆေးခဲ့ကြောင်း Transparency International က ဆိုသည်။ ထို ပမာဏသည် အစွန်အဖျားသာ ဖြစ်ကြောင်း TI က ပြောကြားခဲ့သည်။

ဗြိတိန်တွင် အိမ်ခြံမြေပိုင်ဆိုင်သော နိုင်ငံခြား ကုမ္ပဏီများသည် ပိုင်ရှင်အစစ်အမှန်အား လူသိရှင်ကြား မှတ်ပုံတင်ရမည့်အပြင် ဗြိတိန်တွင် အိမ်ခြံမြေ၀ယ်ရန် ကြိုးပမ်းသော နိုင်ငံခြား ကုမ္ပဏီများသည် မှတ်ပုံတင် စာရင်းသွင်းခြင်းကို ဆောင်ရွက်ရမည် ဖြစ်ကြောင်း ကင်မရွန်က ပြောကြားခဲ့သည်။ လောလောဆယ်တွင် အိမ်ခြံမြေပိုင်ဆိုင်မှုကို အမည်မထင်မရှား အယောင်ပြ ကုမ္ပဏီများက မှတ်ပုံတင်နိုင်သောကြောင့် ပိုင်ရှင်အစစ်အမှန်ကို ဖော်ထုတ်ရန် ခဲယဉ်းသည်။ အိမ်ခြံမြေပိုင်ဆိုင်မှုနှင့် ပတ်သက်ပြီး ပိုင်ရှင်အစစ်အမှန်ကို မှတ်ပုံတင် တင်စေခြင်းသည် ကမ္ဘာတွင် ပထမဆုံး ဖြစ်မည်ဖြစ်ကြောင်း ဗြိတိန်အစိုးရက ပြောကြားခဲ့သည်။ ပြင်သစ်၊ နယ်သာလန်၊ နိုင်ဂျီးရီးယား၊ အာဖဂန်နစ္စတန် အပါအ၀င် ကမ္ဘာ့နိုင်ငံများကလည်း အလားတူ ပိုင်ဆိုင်မှု မှတ်ပုံတင်ခြင်းများ ဆောင်ရွက်မည်ဟု ပြောကြာထားသည်။

Credit: eleven media group