ဘီလ်ဂိတ်၏ ကန်ဒေါ်လာ ၆၃ သန်းတန်နေအိမ်ကြီးမှာ မျက်မှောက်ခေတ်အိမ်ခြံမြေဈေးကွက်တွင် ကျွန်ုပ်တို့ မြင်တွေ့ရလေ့ရှိသည့် အသွင်မျိုးမ ဟုတ်ဘဲစိတ်ကူးယဉ်သိပ္ပံရုပ်ရှင်များထဲမှ အသွင် သဏ္ဍာန်မျိုးဖြစ်နေသည်။
အမေရိကန်ပြည်ထောင်စု၊ ၀ါရှန်တန်ဒီစီရှိ ၀ါရှင်တန်ရေကန်ကြီးဘေးတွင်တည်ရှိကာ အကျယ်အ၀န်း စတုရန်းပေ ၆၆၀၀၀ ရှိသည်။ အဆိုပါနေအိမ်ကို ဇာနာဒူ ၂.၀ ဟုအမည်ပေးထားသည်။
တောင်ကုန်းဘေးတွင် ဆောက်လုပ်ထားပြီးဆန်းကြယ် လှသောဒီဇိုင်းအသွင်ရှိသည့် အဆိုပါနေအိမ်ကြီးကို ၇ နှစ်အချိန် ယူဆောက်လုပ်ခဲ့ရသည်။ ၂၀၀၉ ခုနှစ်တွင် ယင်းနေ အိမ်ကြီး၏ တန်ဖိုးမှာကန်ဒေါ်လာ ၁၄၇ ဒသမ ၅ သန်းအထိတန်ကြေးရှိနေပြီ ဖြစ်သည်။
နေအိမ်ဆောက်လုပ်ပြီးနောက်ပိုင်းအဆိုပါအိမ်အတွက် အထွေထွေအခွန်ဆောင်ရသည့်ပမာဏကန်ဒေါ်လာ ၁ ဒသမ ၀၆၃ သန်းအထိရှိခဲ့သည်။
ဘီလ်ဂိတ်၏ နေအိမ်မှာအခြားပုံမှန်နေအိမ်များထက် ထူးခြားဆန်းကြယ်သည့် facility များစွာ ပါဝင်သည်။
ယင်းတို့အနက် အချို့ မှာနေအိမ်ခြံဝန်းအတွင်း ၁၈ မီတာကျယ်သောရေကူးကန်ရှိပြီးအဆိုပါရေကူးကန်တွင် ရေအောက်တေးဂီတစနစ် ပါဝင်သည်။ စားသောက်ခန်းမှာ စတုရန်းပေ ၁၀၀၀ အထိကျယ်ဝန်းပြီး အားကစားခန်းမကိုလည်းစတုရန်းပေ ၂၅၀၀ ခန့်အထိကျယ်ပြန့်စွာဆောက်လုပ်ထားသည်။
ရုပ်ရှင်ရုံမှာစတုရန်းပေ ၁၅၀၀ ကျယ်ဝန်းပြီး လူ ၂၀ ၀င်ဆန့်သည်။ လူ ၁၅၀ ခန့် လက်ခံနိုင်သည့် ဧည့်ခန်းပါဝင်ပြီးရေချိုးခန်းမှာ ၂၄ ခန်းအထိ ပါဝင်သည်။
ကားဂိုဒေါင်မှာကား ၂၃ စင်းခန့်အထိရပ်နားနိုင်သည်။
စတုရန်းပေ ၂၁၀၀ ကျယ်ဝန်းသော စာဖတ်ခန်းပါဝင်ပြီးစာအုပ်စင်နှစ်ခုသည် လျှို့ ဝှက်နေရာနှစ်ခုကို အံဝှက်တံခါးသဖွယ် တပ်ဆင်ထားသည်။
ယင်းအနက် စာအုပ်စင်တစ်ခု လျှို့ ဝှက်တံခါးအဖြစ် တပ်ဆင်ထားသည့်အခန်းမှာအရက်ဘားခန်း ဖြစ်သည်။
အဆိုပါ စာဖတ်ခန်းအတွင်းထားရှိသည့် ရှားပါးပစ္စည်းတစ်ခုမှာမိုနာလီဆာအပြုံးပန်းချီကားကိုရေးဆွဲခဲ့သည့် ကမ္ဘာကျော်ပန်းချီဆရာကြီးလီယိုနာဒိုဒါဗင်ချီ၏ လက်ရေးမှတ်တမ်းစာအုပ် ဖြစ်ပြီးအဆိုပါစာအုပ်ကို ဘီလ်ဂိတ် က၁၉၉၄ ခုနှစ် နိုဝင်ဘာ ၁၁ ရက်တွင် ကန်ဒေါ်လာသန်း ၃၀ ကျော်ဖြင့် လေလံဆွဲ ၀ယ်ယူခဲ့ခြင်း ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
