ရန်ကုန်မြို့တွင်း အဆင့်မြင့်အိမ်ရာတွေရဲ့ ပြီးစီးမှုအခြေအနေ

ရန်ကုန်မြို့တွင်းဆောက်လုပ်ပြီးစီးနေတဲ့ အဆင့်မြင့်အိမ်ရာတွေရဲ့ လက်ရှိတည်ဆောက်ပြီးစီးမှု အခြေအနေ တွေကို စုစည်းဖော်ပြပါတယ်။

ဂိုးလ်ဒင်းစီးတီး

သည်စီမံကိန်းကတော့ လက်ရှိမှာအဆောက်အအုံအဆင့် ၁ ကို အကြမ်းထည်ဆောက်လုပ်ပြီးစီးနေပြီ ဖြစ်ပါတယ်။အထပ်ပေါင်း ၃၃ ထပ်ပါဝင်ပြီး လာမယ့် ၂၀၁၈ ခုနှစ်မှာ ပြီးစီးအောင်ဆောက်လုပ်အကောင်အထည်ဖော်နေတာ ဖြစ်ပါတယ်။ စီမံကိန်းအတွင်းမှာတော့ လူနေအဆောက်အအုံတွေအပြင် ဟိုတယ် ၊ အဆင့်မြင့်ဈေးဆိုင်တွေနဲ့ အနားယူအပန်းဖြေနိုင်တဲ့ ဥယျာဉ်တွေလည်းပါဝင်တယ်လို့ သိရပါတယ်။

ရောင်းချမှုမှာတော့ စီမံကိန်းအပိုင်း ၂ ကို ရောင်းချလျက်ရှိပြီး အခန်းဈေးနှုန်းတွေကတော့ တစ်စတုရန်းပေကို အမေရိကန်ဒေါ်လာ ၃၀၀ ဝန်းကျင် သတ်မှတ်ပေးထားတယ်လို့ သိရပါတယ်။

ရိုစ့်ဟေးလ်

သည်စီမံကိန်းကတော့ လက်ရှိမှာ ဖောင်ဒေးရှင်းလုပ်ငန်းတွေ စတင်လုပ်ကိုင်နေပြီဖြစ်ပါတယ်။ ရောင်းချမှုအနေနဲ့ကတော့ အခန်းလက်ကျန် အနည်းငယ်သာကျန်ရှိတော့တယ်လို့ သိရပါတယ်။ ဝန်ဆောင်မှုတွေကတော့ ရေကူးကန်၊ ဘား ၊ နားနေဆောင် ၊ Function room စတာတွေပါဝင်တယ်လို့သိရပါတယ်။

အခန်းအမျိုးအစားတွေကတော့ အိပ်ခန်းသုံးခန်းပါဝင်တဲ့ အခန်းကနေ အိပ်ခန်းငါးခန်းပါဝင်တဲ့ ပန့်ဟောက်စ်တွေအထိ အစားစားရှိပါတယ်။ ဈေးနှုန်းတွေကတော့ တစ်စတုရန်းပေကို ဒေါ်လာ ၄၀၀ ဝန်းကျင်ရှိတယ်လို့ သိရပါတယ်။ အဆိုပါအိမ်ရာစီမံကိန်းကိုတော့ ကမ္တာအေးဘုရားလမ်းနှင်းဆီကုန်း ဘိုးဘွားရိပ်သာအနီးမှာ ဆောက်လုပ်အကောင်အထည်ဖော်နေတာဖြစ်တယ်လို့ သိရပါတယ်။

Credit: The Modern