တိုက်ခန်းများ အရောင်းအဝယ်ပါးသဖြင့် တရားမဝင်ဆောက်လုပ်မှု လျော့နည်းသွား

တိုက်ခန်းအရောင်း အဝယ်များ ကျဆင်းသွားသဖြင့် ခွင့်ပြုချက်မဲ့ တည်ဆောက်သည့် တရားမဝင်အထပ်မြင့်အဆောက် အအုံများ ဆောက်လုပ်မှု လျော့ နည်းသွားကြောင်း ရန်ကုန်မြို့တော်စည်ပင် (အင်ဂျင်နီယာနှင့်အဆောက်အအုံဌာန)မှ သတင်းရရှိသည်။

‘‘အခန်းတွေက ထင်သလောက် ရောင်းမထွက်တော့ မဆောက်ရဲကြတော့ဘူး။ ဒဏ် ကြေးတွေကလည်း တိုးလိုက်တဲ့ အတွက်ကြောင့် အခုလိုလျော့ လာတာ’’ဟု အဆိုပါဌာနမှ တာ ဝန်ရှိသူတစ်ဦးကပြောသည်။

၂၀၁၅ သြဂုတ်အထိ စာရင်း များအရ လိုင်စင်မဲ့ ကန်ထရိုက် တာများ တည်ဆောက်သည့် ခွင့်ပြုချက်မဲ့ အဆောက်အအုံ နှစ် ထောင့်ငါးရာခန့် ရှိသော်လည်း ဒီဇင်ဘာ ပထမပတ်တွင် အဆောက်အအုံ သုံးထောင်ခန့်သာရှိ၍ ထင်သလောက် မြင့်တက်လာခြင်း မရှိကြောင်း သိရသည်။

၂၀၁၅ အတွင်း တိုက်ခန်း အရောင်းအဝယ်များ ကျဆင်းခြင်းကြောင့် ရပ်ကွက်များအတွင်း တရားမဝင် တည်ဆောက်သည့် ကန်ထရိုက်တာများအထိ ရိုက် ခတ်ပြီး အခန်းဈေးနှုန်းများကျဆင်းလာခြင်း၊ အရောင်းအဝယ်လုပ် မည့်သူနည်းပါးလာခြင်းတို့ကြောင့်ဆောက်လုပ်မှု လျော့ကျသွားခြင်းဖြစ်သည်။

ခွင့်ပြုချက်မဲ့ အဆောက်အအုံများ ဆောက်လုပ်ခြင်းကို တစ်ရက်လျှင် ဒဏ်ကြေးငွေ ကျပ်တစ်သောင်းမှ ငါးသောင်းသို့ တိုးမြှင့်လိုက်ပြီး ခွင့်ပြုသည့် ဧရိယာထက် ပိုမိုဆောက်လုပ်ပါက တစ်သောင်းမှ တစ်သောင်းခွဲအထိ တိုးမြှင့်လိုက်သဖြင့် ဆောက်လုပ်သူ လျော့ကျလာခြင်းဖြစ်ကြောင်း လမင်းဧရာဆောက်လုပ်ရေးကုမ္ပဏီ မန်နေဂျင်းဒါရိုက်တာ ဦးစိုးမြင့်ကပြောသည်။

ခွင့်ပြုချက်မဲ့ အဆောက်အအုံများ တည်ဆောက်မှု လျော့နည်းလာသကဲ့သို့ အဆောက်အအုံ ဆောက်လုပ်ခွင့် တရားဝင်တောင်းခံနှုန်းမှာလည်း ယခင်နှစ်ကထက် ထက်ဝက်လျော့ကျလာ ကြောင်း ရန်ကုန်မြို့တော်စည်ပင် သာယာရေးကော်မတီက သတင်းထုတ်ပြန်ထားသည်။

တရားမဝင် ဆောက်လုပ်မှု များ လျော့နည်းစေရန် ရန်ကုန်မြို့တော် လျှပ်စစ်ဓာတ်အားပေး ရေး ကော်ပိုရေးရှင်းနှင့် ပူးပေါင်းကာ လျှပ်စစ်မီးမရရှိအောင်ပြုလုပ်သည်အထိ တားမြစ်ထားသည်။

ခွင့်ပြုချက်မဲ့ အဆောက်အအုံအများစုကို သင်္ဃန်းကျွန်း၊ သာကေတ၊ တောင်ဥက္ကလာပ၊ မရမ်းကုန်းနှင့် လှိုင်မြို့နယ်များတွင် အများဆုံး တည်ဆောက်နေပြီး ပြီးခဲ့သည့်နှစ်က ထောင်နှင့်ချီသော အဆောက်အအုံများကို တရားစွဲဆိုခဲ့ကာ ထပ်မံတရားစွဲဆိုမည့် အဆောက်အအုံများစွာ ရှိသေး ကြောင်း သိရသည်။

Credit : 7Day Daily