စစ်ကိုင်းတိုင်းဒေသကြီး ကလေးဝမြို့နယ်တွင် ပြီးခဲ့သည့် ဇူလိုင်လနှင့် သြဂုတ်လတို့တွင် မိုးများသည်းထန်စွာ ရွာသွန်းမှုကြောင့် ချောင်းရေ မြောင်းရေများ လျှံတက်ကာ လယ်ယာ မြေ၊ အိုးအိမ်နှင့် အခြားကြီးမားသော ပျက်စီးဆုံးရှုံးမှုများနှင့် ရင်ဆိုင်ကြုံတွေ့ရပြီး ပြန်လည်ထူထောင်ရေး လုပ်ငန်းများကို နိုင်ငံတော်၏ စေတနာ၊ ပြည်သူများထဲမှ စေတနာရှင် အလှူရှင် များနှင့် လူမှုကူညီရေးအသင်းအဖွဲ့ များ၏ ထောက်ပံ့ကူညီမှုများဖြင့် မြေနေရာသစ်များဖော်ထုတ်၍ နေအိမ်သစ်များကို လူအင်အား၊ စက်အင်အားများဖြင့် စနစ်တကျ အချိန်နှင့်တစ်ပြေးညီ အရှိန်အဟုန်မြှင့် ပြန်လည်တည်ဆောက်ပေးလျက်ရှိသည်။
ယခုအခါ ရပ်ကွက်/ကျေးရွာ အုပ်စုလေးခုမှ ရေမျောပျက်စီးသွားသော နေအိမ် ၉၁ လုံးရှိသည့်အနက် ၄၉ လုံးအား သွပ်မိုး၊ ပျဉ်ကာ၊ ပျဉ်ခင်း တစ်ထပ်အမျိုးအစားဖြင့် ပြန်လည်တည်ဆောက်ပြီးစီးကာ ကျန်ရှိသည့် ၄၂ လုံးမှာ ၅၃ ရာခိုင်နှုန်းခန့် ပြီးစီးနေပြီဖြစ်သည့်အပြင် တစ်စိတ်တစ်ပိုင်းပျက်စီးသွားသော လူနေအိမ် ၁ဝ၁ လုံး အနက် ၇၅ လုံးတို့မှာလည်း ၅၃ ရာခိုင်နှုန်း ပြုပြင်ပြီးစီးပြီး ကျန် ၂၆ လုံးမှာ ၇၄ ရာခိုင်နှုန်းပြီးစီးနေပြီ ဖြစ်သည်။
အဆိုပါ ရေဘေးသင့်ကျေးရွာများ အတွက် ရွာသစ်တည်ထောင်ခြင်း၊ လူနေအိမ်အသစ်များ ပြန်လည် ဆောက်လုပ်ခြင်းကို တိုင်းဒေသကြီး အစိုးရအဖွဲ့၏ ဦးဆောင်မှုဖြင့် ခရိုင်/မြို့နယ်စီမံခန့်ခွဲမှု ကော်မတီ ဥက္ကဋ္ဌနှင့် ဇုန်အလိုက်တာဝန်ပေးထားသော ခရိုင်/မြို့နယ်အဆင့် ဌာနဆိုင်ရာ အကြီးအကဲများက အနီးကပ်ကြီးကြပ်ကာ လုပ်ငန်းများ အမြန်ပြီးစီးနိုင်ရေး ဆောင်ရွက်လျက်ရှိကြောင်း သိရသည်။
Credit: MOI Webportal Myanmar
