ပြည်ပ အိမ်ခြံမြေ သတင်း | Posted by အေးမြတ်သူ
ဗြိတိန်နိုင်ငံတွင် မိုက်ကယ် ကယ်ရိုးလ်အမည်ရှိ အမှိုက်ကောက်သမား အမျိုးသားတစ်ဦးသည် ပေါင် ၉ ဒသမ ၇ သန်း (ဒေါ်လာ ၁၃ ဒသမ ၁ သန်း) ကို သောက်စားပျော်ပါးကာ တစ်ပြားမှ မကျန်အောင် သုံးဖြုန်းပစ်ခဲ့ပြီးနောက် အမှိုက်ကောက်သမားဘဝသို့ ပြန်ရောက်သွားသည်။
အသက် ၃၉ နှစ်အရွယ်ရှိ မိုက်ကယ် ကယ်ရိုးသည် လွန်ခဲ့သော နှစ်ပေါင်း ၂၀ ခန့်က ထီဆုကြီး ကံထူးခဲ့ပြီးနောက် သူ၏ဘဝမှာ နေ့ချင်းညချင်း ပြောင်းလဲသွားခဲ့သည်။
ထီပေါက်ပြီးနောက်ပိုင်း ကယ်ရိုးလ်သည် မူးယစ်ဆေး၊ အရက်၊ ပြည့်တန်ဆာများနှင့်သာ သောက်စားပျော်ပါး နေတော့သည်။
ကယ်ရိုးသည် မိန်းမပေါင်း ၄၀၀၀ ကျော်နှင့် အိပ်စက်ခဲ့ပြီး ပါတီပွဲများ အကုန်အကျခံ ကျင်းပလေ့ရှိကြောင်း Daily Star သတင်းဌာနက ဖော်ပြသည်။
ကယ်ရိုးသည် ထီကံထူးသော ငွေအားလုံးကို သုုံးဖြုန်းကာ တက်တက်ပြောင်သွားပြီး အိမ်ရာမဲ့ဘဝ ရောက်သွားသည်။ ၎င်းနှင့် လက်ထပ်ထားသော မိန်းကလေးမှာလည်း ကယ်ရိုးကို ထားခဲ့ကာ ထွက်သွားသည်။
ကယ်ရိုး၏ ညီမဖြစ်သူမှာ ကိုကင်းရှူပြီးနောက် နှလုံးရပ်ကာ သေဆုံးသွားရာ ဈာပနကျင်းပရန်ပင် ငွေမရှိသောကြောင့် သူငယ်ချင်းများက အလှူငွေ လိုက်လံကောက်ခံကာ သဂြိုဟ်ခဲ့ရသည်။
(ထီဆုကြီးကံထူးပြီးနောက် တစ်ပြားမကျန် သုံးဖြုန်းပစ်လိုက်သူ ကယ်ရိုး။ ဓာတ်ပုံ-Press Association)
ကယ်ရိုးသည် လိင်ဖျော်ဖြေရေး ပါတီပွဲကြီးများကို ငွေသောက်သောက်လဲ အကုန်အကျခံ ကျင်းပကာ သုံးဖြုန်းခဲ့သည်။
.jpg)
ကယ်ရိုးက ကိုကင်းရှူရန်အတွက် ဝတ်လစ်စလစ် အမျိုးသမီးများ ခေါ်ယူထားပြီး တွန်းလှည်းတစ်စင်းဖြင့် ကိုကင်းများ သယ်ပေးရသည်ဟု ဆိုသည်။
ကိုကင်းရှူပြီးလျှင် မိန်းမ ၈ ဦးနှင့်အတူ အိပ်စက်ကာ ညခင်းကာလကို ဖြတ်သန်းလေ့ရှိသည်။
ထိုသို့သော လိင်ဖျော်ဖြေရေး ပါတီပွဲများကို ကျင်းပရာတွင် ပေါင် ၅၀၀၀၀ ခန့် ကုန်ကျကြောင်း ကယ်ရိုးက ပြောသည်။
ထို့အပြင် ကိုကင်းရှူရန်အတွက် တစ်ရက်လျှင် ပေါင် ၂၀၀၀ ခန့် ကုန်ကျသည်။
(ကယ်ရိုးသည် ပြိုင်ကားများ မောင်းရင်း တရားရုံးသို့လည်း ရောက်ခဲ့ရဖူးသည်။ ဓာတ်ပုံ-Press Association)
(ထီဆုငွေကို စိတ်ကြိုက်သုံးဖြုန်းခဲ့သူ ကယ်ရိုး။ ဓာတ်ပုံ-PA)
“ကျွန်တော့်အိမ်က အခန်းတိုင်းမှာ သံဝါသပြုနေတဲ့ အတွဲတွေ ပြည့်နေလေ့ရှိတယ်။ အမျိုးသမီးတွေ ကျွန်တော့်ဆီရောက်လာပြီး အိပ်ဖို့ ပြောကြတာတွေ အမြဲရှိနေပါတယ်”
မနက်မိုးလင်းသည်နှင့် ကယ်ရိုးမှာ ကိုကင်း၊ ဗော့ဒ်ကာတို့ဖြင့် နေ့သစ်ကို ကြိုဆိုသည်။
(မူးယစ်ဆေးနှင့် အပျော်အပါးတို့ဖြင့်သာ အချိန်ပြည့် ဖြတ်သန်းခဲ့သည်။ ဓာတ်ပုံ-PA)
(ယခုအခါတွင်မူ စားဝတ်နေရေးအတွက် အလုပ်ကြမ်းများ ပြန်လည်လုပ်ကိုင်နေရပြီ ဖြစ်သည်။ ဓာတ်ပုံ-Garry F McHarg Daily Record)
ထိုသို့ ရှိသမျှ တက်တက်ပြောင်ကာ အလုပ်ကြမ်းများ ပြန်လုပ်နေရသော်လည်း နောင်တမရ၊ ထီပေါက်သော ငွေများဖြင့် ဖြတ်သန်းခဲ့ရသည့် ၁၀ နှစ်တာမှာ ဘဝ၏ အကောင်းဆုံးကာလဖြစ်ကြောင်း ကယ်ရိုးက ပြောသည်။
“ကျွန်တော် နောင်တတွေနဲ့ အတိတ်ကို ပြန်မကြည့်ပါဘူး။ ဒါတော့ အသေအချာပြောနိုင်ပါတယ်။ အချိန်တွေကို နောက်ပြန်မလှည့်ချင်ပါဘူး”
ကယ်ရိုးသည် မူးယစ်ဆေး၊ အရက်၊ မိန်းမတို့ဖြင့် အချိန်ပြည့် ကုန်ဆုံးခဲ့သည်ဟုဆိုသော်လည်း ရင်းနှီးမြှုပ်နှံမှု ပြုလုပ်ခဲ့ခြင်းများလည်း ရှိသည်။
စွန့်ပစ်ထားသည်မှာ ၁၀ နှစ်ခန့်ရှိပြီဖြစ်သော စံအိမ်တစ်လုံးကို ပေါင် ၃၂၅၀၀၀ ဖြင့် ဝယ်ယူခဲ့သည့်အပြင် သူအကြိုက်ဆုံး ဘောလုံးအသင်းဖြစ်သော ရိန်းဂျားစ် (Rangers) တွင်လည်း ပေါင် ၁ သန်း ရင်းနှီးမြှုပ်နှံခဲ့သည်။
ထို့အပြင် ပေါင် ၁၅၀,၀၀၀ ဖိုးခန့်လည်း ရွှေဝယ်ထားခဲ့သေးသည်။
၂၀၁၃ ခုနှစ်တွင် ကယ်ရိုးသည် ဒေဝါလီခံသွားခဲ့ပြီး အလုပ်လည်း ရှာမရသောကြောင့် အိမ်ရာမဲ့အဖြစ် ဟိုတယ်တစ်ခုတွင် ၃ လခန့် နေထိုင်ခဲ့သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Lottery winner Michael Carroll who blew £10m - but has no regrets
