အဏုမြူ စစ်ပွဲတွေ ဖြစ်လာမှာကို ကြောက်နေသူတွေအတွက် အမိုက်စား နေအိမ်တွေပေါ်ထွက်လာပါတယ်။ ဒီအိမ်တွေကတော့၂၀ကီလိုတန် ပေါက်ကွဲမှု တွေကို တောင် ခံနိုင်ရည်ရှိတယ်လို့သိရပါတယ်။အဲဒီလောက်လုံခြုံမှုရှိတဲ့နေအိမ်ဟာ စတာလင်ပေါင် ၁၁.၅၇ သန်း တန်ဖိုးရှိနေပြန်ပါတယ်။
ဒီနေအိမ်ဟာ မြေအောက်မှာ ဆောက်လုပ်ထားတာဖြစ်ပြီး ဇိမ်ခံ နေအိမ် အမျိုးအစားထဲက တစ်ခုပါပဲ။ ဒီမြေအောက်နေအိမ်ဟာ ဖြစ်လာနိုင်ချေရှိတဲ့ ခြိမ်းခြောက်မှုတွေဖြစ်တဲ့ သဘာဝ ဘေးအန္တရာယ်များ ၊ မြို့တော်တွင်းဆူပူမှုများနဲ့ အကြမ်းဖက် တိုက်ခိုက်မှု များ ရဲ့ အန္တရာယ်ကလည်း လွတ်မြောက်နိုင်စွမ်းရှိနေပါတယ်။
အမေရိကန်ပြည်ထောင်စု ၊ ဂျော်ဂျီယာ ပြည်နယ် Savannah မြို့နားမှာ တည်ရှိပြီး ထို မြေအောက်နေအိမ်ကိုတော့ ၁၉၆၉ ခုနှစ်ကတည်းက စစ်တပ်အဖွဲ့အစည်းတွေနဲ့ အင်ဂျင်နီယာ တွေ ပူးပေါင်းဆောက်လုပ်ခဲ့တာ ဖြစ်တယ်လို့ လည်းသိရပါတယ်။ ၂၀၁၂ ခုနှစ်မှာတော့ ထိုမြေအောက်စခန်းကို အစိုးရ အဆင့်အထိ ရောက်အောင်ပြုပြင်ခဲ့ပြီး အဆင့်မြှင့်တင်ခဲ့တာဖြစ်ပါတယ်။
ထိုအိမ်ရဲ့ နံရံတွေဟာ ၃ ပေတိတိ အထူရှိပြီး လေ၀င် စနစ်များ ၊ သူနာပြု အခန်းများ ၊ အပုပ်နံ့နဲ့ အဆိပ်ငွေ့ကင်းစင်တဲ့ ရေချိုးခန်းများ နဲ့ စတာလင်ပေါင် ၆၇၅၀၀တန်CCTV တွေကိုလည်းတပ်ဆင်ပေးထားတယ်လို့ သိရပါတယ်။ ရေပူရေအေးစနစ် ၊ နေရောင်ခြည်စွမ်းအင်သုံး ဆိုလာ စနစ်များ စတာတွေကိုလည်းတပ်ဆင်ထားပါတယ်။
ထိုနေအိမ်ဟာ ၃၂ ဧက ကျယ်ဝန်းတဲ့ မြေပြင်ရဲ့ အောက် ၄၅ ပေ အကွာ မှာ တည်ဆောက်ထားတာဖြစ်ပြီး စတုရန်းပေ ၁၄၀၀၀ ကျယ်ဝန်းတဲ့ အထပ် ၂ ထပ်ပါဝင်တယ်လို့လည်း သိရပါတယ်။ ဒုတိယ ထပ်မှာတော့ ဇိမ်ခံ တိုက်ခန်း ၄ ခန်းပါဝင်ပြီး တစ်ခန်းကို စတုရန်းပေ ၆၀၀ ခန့်ကျယ်ဝန်းပါတယ်။ အခန်းတိုင်းမှာ မီးဖိုချောင် ၁ ခန်း ၊ ထမင်းစားခန်း ၁ ခန်း ၊ အိပ်ခန်း ၂ ခန်း ၊ ဧည့်ခန်း ၁ ခန်း နဲ့ ရေချိုးခန်း တို့ပါဝင်တယ်လို့ လည်းသိရပါတယ်။
ပထမထပ်မှာကတော့ ဟိုတယ်လ် တွေမှာ တွေ့နေကြပုံစံအတိုင်း ဧည့်ခန်းများနဲ့ ပရိဘောဂ ဖွဲ့စည်းမှုများကို အသားပေးထားပြီး ထို တိုက်ခန်းမှာ ၀ယ်ယူနေထိုင်သူတွေအလုပ်လုပ်လို့ရမယ့် အလုပ်စားပွဲတွေကိုလည်း ထားပေးထားတယ်လို့ သိရပါတယ်။
"ကျွန်တော်တို့ဟာ အန္တရာယ်တွေများပြားလာတဲ့ ကမ္ဘာကြီးမှာနေထိုင်နေကြတာပါ။ ဒီနေအိမ်ကတော့ မိသားစု တိုင်း ၊ စီးပွားရေး လုပ်ငန်းတိုင်း နဲ့ အစိုးတိုင်းအတွက် လုံခြုံစွာ နဲ့ သက်တောင့်သက်သာ နေထိုင်နိုင်မယ့် ကောင်းကင်ဘုံ တစ်ခုပါပဲ" လို့ ထို မြေအောက် တိုက်ခန်းကို ပိုင်ဆိုင်တဲ့ Bastion အိမ်ခြံမြေလုပ်ငန်းရဲ့ တွဲဖက်ပိုင်ရှင် Chris Salamone က ဆိုပါတယ်။
Credit: Thit Htoo Lwin
