မြရည်နန္ဒာ တန်ဖိုးနည်း အိမ်ရာများအား အောင်ဘာလေထီ မဲနှိုက်သည့် စနစ်မျိုးဖြင့် မဲနှိုက် ရောင်းချပေး သွားမည် ဖြစ်ကြောင်း မန္တလေး မြို့တော် စည်ပင်သာယာရေး ကော်မတီ ကော်မတီဝင် (၂) ဦးခင်မောင်တင့်က ပြောသည်။
မြရည်နန္ဒာ တန်ဖိုးနည်း အိမ်ရာ ၀ယ်ယူခွင့် လျှောက်လွှာများကို မန္တလေးခရိုင် အတွင်း၌ နေထိုင် ကြသည့် သက်ပြည့်၊ နှစ်ပြည့် အငြိမ်းစား ၀န်ထမ်းများ၊ ၀န်ထမ်းလုပ်သက် (၂၅) နှစ်နှင့် အထက်ရှိသည့် တာဝန် ထမ်းဆောင်ဆဲ ၀န်ထမ်းများ၊ တိုင်းပြည် အတွက် အသက် စွန့်လွှတ်ခဲ့ရသူ များ၏ မိသားစုများနှင့်ကိုယ် အင်္ဂါ စွန့်လွှတ်ခဲ့ရသူ များအား ဇန်န၀ါရီလမှ စတင် ရောင်းချပေး ခဲ့ပြီး လျှောက်လွှာ ၀ယ်ယူသူ စုစုပေါင်း (၁၇၄၁၇ ) ဦး ရှိခဲ့သည်။
ယင်းလျှောက်လွှာ များကို စည်းကမ်းချက်နှင့် ညီမညီ ပြန်လည် စိစစ်ရာတွင် စည်းကမ်းချက်နှင့် မညီသူ အငြိမ်းစား ထဲမှ ရှစ်ဦး၊ နိုင်ငံဝန်ထမ်း ထဲမှ (၂၇) ဦး တိုက်ပွဲတွင် အသက် စွန့်လွှတ်၊ ကိုယ်အင်္ဂါ စွန့်လွှတ်သူများ ထဲမှ (၁၀) ဦး တို့ကို ပယ်လိုက်ပြီး သတ်မှတ် စည်းကမ်းနှင့် ညီသည့် အတွက် ၀ယ်ယူခွင့် ရသူ (၁၂၇၉၀) ဦးအား အောင်ဘာလေထီ မဲနှိုက်သည့် စနစ်ဖြင့် ရောင်းချပေး သွားမည် ဖြစ်ကြောင်း စည်ပင်သာယာရေး ကော်မတီ ထံမှ သိရသည်။
မဲနှိုက်မှာပေါ့။ မဲနှိုက်တဲ့ စနစ်ကလည်း တစ်ဦးချင်းနှိုက် မနေတော့ဘူး။ ထီမဲနှိုက် သလို အဖွဲ့အစည်း တစ်ခုခုနဲ့ အများမြင်သာ ထင်သာအောင် ကြိုက်တဲသူ လာကြည့်လို့ ရအောင် အဲဒီစနစ်ကို ကျင့်သုံး မှာပါ။ နံပါတ် (၁၀၀) မဲပေါက်တယ်ဆို အဲဒီနံပါတ် ကွန်ပျူတာ ထဲမှာ ထည့်ထား ပြီးသား မောင်ဖြူ ၀န်ထမ်း ဆိုလည်း ၀န်ထမ်း ဘယ်ဌာန မှတ်ပုံတင်နံပါတ် စသည်ဖြင့်ပေါ့။
အဲဒီစနစ်ကို ကျင့်သုံးမှာပါ။
လုံးဝ ရှင်းရှင်းလင်းအောင်လို့ နည်းမျိုးစုံ စဉ်းစားပြီးမှ ဒီနည်းကို ကျင့်သုံးဖို့ (တိုင်းဒေသကြီး အစိုးရအဖွဲ့) ထံတင်ပြ ထားတယ် ဟု ကော်မတီဝင်(၂) ဦးခင်မောင်တင့် က ပြောသည်။
မဲနှိုက်မည့် အစီအစဉ်နှင့် ရောင်းချပေးမည့် အစီအစဉ်တို့အား မန္တလေး တိုင်းဒေသကြီး အစိုးရ အဖွဲ့ထံ တင်ပြ ထားပြီး မဲနှိုက် ရောင်းချမည့် ရက်ကို လက်ရှိအချိန်ထိ အတိအကျ မသိရသေးကြောင်း၊ ရက် အတိအကျ သိရပါက အများ သိရှိစေရန် ကြေညာပေး သွားမည် ဖြစ်ကြောင်း ဦးခင်မောင်တင့်က ပြောသည်။
ချမ်းမြသာစည် မြို့နယ်တွင်းရှိ မြရည်နန္ဒာ တန်ဖိုးနည်း အိမ်ရာရှိ အဆောက်အဦပေါင်း (၅၇) လုံး၊ တိုက်ခန်းပေါင်း (၁၃၄၄) ခန်းကို မြရည်နန္ဒာ ရပ်ကွက်နှင့် အောင်သာယာ ရပ်ကွက်ရှိ ရောင်းမှား ၀ယ်မှား ဖြစ်ခဲ့သူ အရေအတွက် သုံးရာကျော်ကို ဦးစားပေး ရောင်းချပေး ခဲ့ပြီး ကျန်သည့် တိုက်ခန်း (၉၀၀) ကျော်ကို ၀ယ်ယူခွင့်ရသူ (၁၂၇၉၀ဦး)အား အောင်ဘာလေထီ မဲနှိုက်သည့် စနစ်ဖြင့် ရောင်းချမည် ဖြစ်ကြောင်း သိရသည်။
Credit: messenger
