ရန်ကုန်ရှိ ပန်းခြံ ၁၅ ခုကို ဧပြီ ၁ ရက်မှစ၍ အဆင့်မြှင့်တင်မွမ်းမံမည်

ရန်ကုန်မြို့ရှိ ပန်းခြံ ၁၅ခုကို ဧပြီ ၁ ရက်မှစ၍ ပြန်လည်မွမ်းမံခြင်းနှင့် အဆင့်မြှင့်တင်ခြင်းများ ပြုလုပ်သွားမည်ဖြစ်ကြောင်း သတင်းရရှိသည်။

ပန်းခြံ ရှစ်ခုကို ပြန်လည် မွမ်းမံခြင်းနှင့် ခုနစ်ခုကို အဆင့်မြှင့် တင်ခြင်းများ ပြုလုပ်သွားမည်ဟု ရန်ကုန်မြို့တော်စည်ပင်သာ ယာရေးကော်မတီ ပန်းဥယျာဉ်နှင့် အားကစားကွင်းများဌာနမှ အဆင့်မြင့်အရာရှိတစ်ဦးက ပြောသည်။

‘‘ဧပြီ ၁ ရက်နေ့မှာ အကုန် စမယ်။ ပြီးတော့ အဆင့်မြှင့်ပြီးတာနဲ့၊ မွမ်းမံပြီးတာနဲ့ တစ်ခါတည်းဖွင့် လှစ်ပေးပြီးတော့ ၀င်ကြေးလည်း အခမဲ့ပြောင်းလဲမယ်။ အရင်က ၀င်ကြေးကောက်ခံတယ်ဆိုတာ ကလည်း စုံတွဲတွေမဖွယ်မရာပြု လုပ်တာတွေရှိမှာစိုးလို့ ထိန်းချုပ် တဲ့အနေနဲ့ကောက်တာ။ ကားနဲ့ သွားလာတာကိုလည်း ကန့်ကွက် မယ်။ စုံတွဲတွေ ကားနဲ့လာပြီး ကားပေါ်မှာ မဖွယ်မရာတွေ လုပ်တာတွေပေါ့။ ကားနဲ့ဝင်လို့ရတဲ့ ပန်းခြံတွေမှာလည်း လူထုတွေသာ စည်းကမ်းလိုက်နာမယ်ဆိုရင် ကောင်းပါတယ်’’ဟု ၎င်းက ပြောကြားသည်။

မွမ်းမံပြင်ဆင်မည့် ပန်းခြံ ရှစ်ခုမှာ မြောက်ဒဂုံရှိ ဒဂုံသီရိပန်းခြံ၊ ဗဟန်းရှိ သီရိနန္ဒာနှင့် ရတနာပန်းခြံ၊ ရန်ကင်းရှိ သုခ၀တီပန်းခြံ၊ မင်္ဂလာတောင်ညွန့်ရှိ သံသုမာနှင့် ပုလဲမဟာမြိုင်ပန်းခြံ၊ လှိုင်သာယာပန်းခြံနှင့် ဘုရင့်နောင်ပန်းခြံတို့ ဖြစ်သည်။ ၎င်းတို့ကို မြေယာရှုခင်းပြင်ဆင်ခြင်း၊ ရေမမြုပ်စေရန် ရေနုတ်မြောင်းထည့်ခြင်း၊ ရေနုတ်စနစ်ကောင်းမွန်အောင် ပြုလုပ်ခြင်းတို့ ဆောင်ရွက်သွားမည် ဖြစ်သည်။

အဆင့်မြှင့်တင်မည့် ပန်းခြံ ခုနစ်ခုမှာ မြောက်ဥက္ကလာပရှိ ဥက္က လာသီရိပန်းခြံ၊ ရွှေပေါက်ကံပန်းခြံ၊ သင်္ဃန်းကျွန်းရှိ သုဝဏ္ဏပန်းခြံ၊ သာကေတရှိ မြကန်သာပန်းခြံ၊ ပုဇွန်တောင်ရှိ ဇေယျာမြိုင်ပန်းခြံ၊ ရတနာနှင့် မြသီတာပန်းခြံတို့ ဖြစ် သည်။ ယင်းတို့ကို ရေပန်း၊ လမ်းနှင့် မီးများတပ်ဆင်ခြင်း၊ ရေနုတ်မြောင်းဖော်ခြင်း၊ ထိုင်ခုံနှင့်အမှိုက်ပုံးများထားရှိခြင်းတို့ ဆောင်ရွက်မည်ဖြစ်သည်။

ထို့ပြင် ယခုနှစ် ဧပြီ ၁ ရက်မှစ၍ ရန်ကုန်တိုင်း ဒေသကြီး တွင် ပန်းခြံ ၆၄ ခုရှိသည့်အနက် ၅၉ ခုကို ၀င်ကြေးအခမဲ့စနစ်ဖြင့် ပြုလုပ်သွားမည်ဖြစ်ပြီး ၀င်ကြေး ပေးရမည့် ပန်းခြံများမှာ ပုဂ္ဂလိက သို့ လွှဲပြောင်းထားသည့် ကန် တော် ကြီးရှိ မျှော်စင်ကျွန်းနှင့် ပြည်သူ့ရင်ပြင်အားကစားကွင်းကဲ့သို့ နေရာများနှင့် အာဇာနည်ဗိမာန် တို့ ဖြစ်သည်။

ရန်ကုန်တိုင်းဒေသကြီးအ တွင်းရှိ မဟာဗန္ဓုလ၊ သခင်မြပန်း ခြံများ အပါအ၀င် ပန်းခြံ ၁၆ ခုကို အဆင့်မြှင့်တင်ခဲ့ပြီး ပန်းခြံတစ်ခု နှင့် အားကစားကွင်း ၁၆ ခုကို အ သစ်ဆောက်လုပ်ရန် စီစဉ်နေ သည်။ ထိုသို့ တည်ဆောက်ရန် ဘတ်ဂျက်ငွေကျပ် သိန်း ၃၂,၀၀၀သုံးစွဲရန် တိုင်းဒေသကြီးအစိုးရထံတင်ပြတောင်းခံထားကြောင်း သ တင်းရရှိသည်။

Credit: 7 day daily