ပြည်ပ အိမ်ခြံမြေ သတင်း | Posted by အေးမြတ်သူ
တရုတ်ပြည်မှ အသက် ၂၀ အရွယ် မိန်းကလေးတစ်ဦးသည် ၎င်းအလွန်ချစ်ခင်အားပေးသော ကိုရီးယား ပေါ့ပ်ကြယ်ပွင့်အတိုင်း လစဉ်နီးပါး ဆံပင်ဆေးဆိုးမှုများ ပြုလုပ်ခဲ့ရာ ယခုအခါ ကျောက်ကပ်ရောဂါ ဆိုးဆိုးရွားရွား ခံစားရလျက်ရှိနေသည်။
တရုတ်ပြည်၊ ဟီနန်ပြည်နယ်တွင် နေထိုင်သော ဟွာအမည်ရှိ မိန်းကလေးသည် ခြေထောက်တွင် အနီစက်များ ပေါ်လာခြင်း၊ အရိုးအဆစ်များ နာကျင်ခြင်း၊ ဗိုက်အောင့်ခြင်း အစရှိသော ရောဂါလက္ခဏာများ စတင်ခံစားခဲ့ရခြင်းဖြစ်သည်။
ဆေးစစ်ချက်များအရ ကျောက်ကပ် ရောင်ရမ်းနေကြောင်း တွေ့ရှိခဲ့သည်ဟု South China Morning Post သတင်းဌာနက ဖော်ပြသည်။
(သက်တန့်ကေသာဟုခေါ်သော ဆံပင်စတိုင်မှာ K-pop ယဉ်ကျေးမှုမှ ထွက်ပေါ်လာခြင်း ဖြစ်သည်။ ဓာတ်ပုံ-Douyin)
ဟီနန်ပြည်နယ်၏ မြို့တော် ကျန့်ကျိုးမြို့ ပြည်သူ့ဆေးရုံကြီးမှ ဟွာကို ကုသမှုပေးခဲ့သူ ဒေါက်တာ Tao Chenyang က ပြောသည်မှာ ထိုမိန်းကလေးသည် ၎င်းချစ်ခင်အားပေးသော ကိုရီးယားကြယ်ပွင့် ဆံပင်အရောင် ပြောင်းတိုင်း လိုက်ပါဆေးဆိုးလေ့ရှိသည်ဟု ဆိုသည်။
ဒေါက်တာ Chenyang က ပြောသည်မှာ ဟွာသည် ပျမ်းမျှ တစ်လတစ်ကြိမ်ခန့် ဆံပင်ဆေးဆိုးလေ့ရှိသည်ဟု ဆိုသည်။ ဟွာ အားပေးသည့် ကိုရီးယားပေါ့ပ်ကြယ်ပွင့် မည်သူဖြစ်သည်ကိုမူ သတင်းဌာနများက ထုတ်ဖော်ရေးသားထားခြင်း မရှိချေ။ ပြည်မကြီး လူမှုကွန်ရက်တွင်မူ K-POP idol များ မကြာခဏ ဆံပင်အရောင်ပြောင်းခြင်းအပေါ် ဒေါသထွက်နေကြပြီး လိုက်ပါဆံပင်ဆေးဆိုးမိသော မိမိတို့၏ ကျန်းမာရေးကို စိုးရိမ်လာနေကြသည်။
ပရိသတ်တို့၏ ပြောကြားချက်အရ idol တစ်ဦးအတွက် ဆံပင်အရောင်မှာ အရေးကြီးကြောင်း၊ ၎င်းတို့၏ အနုပညာလက်ရာသစ်များ ကြော်ငြာရာတွင် အရေးကြီးကြောင်း၊ တခါတရံတွင် ဆံပင်အရောင်မှာ person brand တစ်ခုဖြစ်သည်ဟုပင် မှတ်ယူနိုင်ကြောင်း ပြောဆိုမှုများ ရှိသည်။
(ဟွာသည် တစ်လတစ်ကြိမ်ခန့် ဆံပင်ဆေးဆိုးခဲ့သည်။ ဓာတ်ပုံ- Douyin)
ဆံပင်ဆေးဆိုးသည့် ဓာတုပစ္စည်းများနှင့် မကြာခဏထိတွေ့မှုမှာ အန္တရာယ်ကြီးကြောင်း ဆေးပညာရှင်တို့က သတိပေးထားသည်။
အမေရိကန်ကင်ဆာအသင်း၏ ထုတ်ပြန်ချက်အရ ဆံပင်ဆိုးဆေးများတွင် ဓာတုပစ္စည်း ဖွဲ့စည်းပုံမှာ အမျိုးမျိုး ကွဲလွဲကြောင်း၊ ယာယီဆိုးဆေး- semi-permanent နှင့် permanent ဆိုးဆေးဟုရှိကြောင်း ဖော်ပြသည်။
Permanent ဆိုးဆေးများတွင် aromatic amines နှင့် phenol တို့ကဲ့သို့ ဓာတ်ပစ္စည်းများ ပါသည်။
၎င်းတို့မှာ ဓာတုဓာတ်ပြုခြင်းအားဖြင့် အရောင်ကို ထုတ်လုပ်ပေးသည်။
အရောင်ရင့်လေ ထိုဓာတုပစ္စည်း ပါဝင်မှုများလေဖြစ်ကာ ကင်ဆာဖြစ်နိုင်သည့် အန္တရာယ်ရှိသည်။
(ဆက်စပ်သတင်း)
ဆံပင်ဆေးဆိုးခြင်းနှင့် ဆံပင်ဖြောင့်ခြင်းမှာ ရင်သားကင်ဆာဖြစ်နိုင်ချေ မြင့်မားစေကြောင်း အမေရိကန်သိပ္ပံပညာရှင်များ တွေ့ရှိ
https://www.iMyanmarHouse.com/news/read/1159431
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Chinese Woman Gets Kidney Disease After Dyeing Hair Monthly To Match Pop Idol
