ခေါင်းပြတ်သွားတာတောင် ၁၈ လ အသက်ဆက်ရှင်နေခဲ့တဲ့ အမေရိကန်က ကြက်ဖ

၁၉၄၅ ခုနှစ်၊ အောက်တိုဘာ ၂၂ ရက်ထုတ် LIFE မဂ္ဂဇင်းတွင် ခေါင်းမရှိသော ထူးဆန်းသည့် ကြက်တစ်ကောင်အကြောင်း ဖော်ပြခဲ့ဖူးသည်။

အမေရိကန်ပြည်၊ ကိုလိုရာဒိုပြည်နယ် ဒင်ဗာမြို့၏ အနောက်ဘက် မိုင် ၂၀၀ ခန့်အကွာတွင် ဖရူတာအမည်ရှိ မြို့ကလေးရှိသည်။

ထိုမြို့လေးတွင် လွိုက် အော်လ်ဆင် အမည်ရှိ လယ်သမားကြီးတစ်ဦး ရှိသည်။

၁၉၄၅ ခုနှစ်၊ စက်တင်ဘာလ ၁၀ ရက်တွင် လွိုက်၏ ဇနီးဖြစ်သူ အယ်လ် အေ အော်လ်ဆင်က ညစာ ကြက်သားဟင်းချက်ရန် စီစဉ်သည်။

အော်လ်ဆင်က မိုက်ခ်ဟု အမည်ပေးထားသော ကြက်ကို ပုဆိန်ဖြင့် ခေါင်းကို ဖြတ်လိုက်၏။

သို့သော် မိုက်ခ်မှ မသေဘဲ ထပြေးသွားသည်။

ကြက်ကလေးမိုက်ခ်မှာ ယင်းနောက်ပိုင်း အမေရိကန်ပြည်တွင် ခေါင်းမဲ့ကြက်ကလေး မိုက်ခ်ဟု ထင်ပေါ်ကျော်ကြား လူသိများလာသည်။

မိုက်ခ်ကို ၁၉၄၅ ခုနှစ် ဧပြီလတွင် မွေးဖွားပြီး ၁၉၄၇ ခုနှစ်၊ မတ်လ ၁၇ ရက်တွင် ကွယ်လွန်သည်။

မိုက်ခ်သည် Wyandotte အမျိုးအစား ကြက်ဖဖြစ်ပြီး ခေါင်းဖြတ်ခံရပြီးနောက် ၁၈ လတိုင် အသက်ရှင်သန် နေထိုင်သွားသည်။

မိုက်ခ်မှာ jugular vein ဟုခေါ်သော လည်ပင်းသွေးပြန်ကြောနှင့် နားရွက်တစ်ဖက်ကျန်ခဲ့သောကြောင့် ဦးနှောက် stem မထိခိုက်ခဲ့သည့်အပြင် သွေးခဲခဲ့သောကြောင့်လည်း သွေးထွက်လွန် သေဆုံးရမည့်ဘေးမှ လွတ်ကင်းခဲ့ခြင်း ဖြစ်သည်။

ဖရူတာမြို့တွင် နှစ်စဉ် မေလသို့ရောက်တိုင်း “ခေါင်းမဲ့ ကြက်ကလေး မိုက်ခ်နေ့” ကို ကျင်းပလေ့ရှိသည်။

ကြက်ကလေး မိုက်ခ်သည် ဂင်းနက်စ် ကမ္ဘာ့စံချိန်မှတ်တမ်းတွင်လည်း ခေါင်းမပါဘဲ အချိန်အကြာဆုံး အသက်ရှင်ခဲ့သည့်ကြက်အဖြစ် ကမ္ဘာ့စံချိန်တင်ခဲ့သည်။

ထိုသို့ မိုက်ခ် မသေဆုံးခဲ့သောကြောင့် လွိုက် အော်လ်ဆင်က ကြက်ကို ဟင်းချက်မစားတော့ဘဲ မွေးမြူထားရန် ဆုံးဖြတ်ခဲ့သည်။

အစာကျွေးရာတွင် နွားနို့နှင့် ရေကိုရောစပ်ကာ မျက်စဉ်းချသည့်ပြွန်ဖြင့် တိုက်ရ၏။

ပြောင်းဖူးနှင့် ပိုးကောင်ငယ်လေးများကိုလည်း ကျွေးရသည်။

နောက်ပိုင်းတွင် မိုက်ခ်၏ ဖြစ်ရပ်မှာ လူသိများလာပြီးနောက် လွိုက်အော်လ်ဆင်သည် ထူးထူးဆန်းဆန်းများ နယ်လှည့်ပြသသည့် အလုပ်ပြောင်းလဲလုပ်ကိုင်ခဲ့ရာ ခေါင်း ၂ လုံးပါသည့် ကလေးငယ်ကဲ့သို့အရာမျိုး ပါဝင်ခဲ့သည်။

မိုက်ခ်ကို သတင်းစာ၊ မဂ္ဂဇင်းဌာနများစွာက လာရောက် ဓာတ်ပုံရိုက်ကာ သတင်းရေးသားကြ၏။

ထိုစဉ်က မိုက်ခ်ကို ရုံသွင်းပြသရာတွင် လူတစ်ဦးလျှင် ၂၅ ဆင့် (၂၀၂၄ ခုနှစ် ငွေတန်ဖိုးအရ ၄ ဒေါ်လာနှင့် ညီမျှ) ကောက်ခံခဲ့သည်။

လျှမ်းလျှမ်းတောက် ကျော်ကြားနေစဉ်ကာလအတွင်း လွိုက်ဒ်ဝီလ်ဆင်မှာ မိုက်ခ်ကို ရုံသွင်းပြသခြင်းဖြင့် တစ်လျှင် ဒေါ်လာ ၄၅၀၀ (၂၀၂၄ ခုနှစ် ငွေတန်ဖိုးအရ ဒေါ်လာ ၆၃၄၀၀ ခန့်) ဝန်းကျင် ရရှိခဲ့သည်။

မိုက်ခ်သည် ပြပွဲတစ်ခုအတွက် ခရီးထွက်နေစဉ် အရီဇိုးနားပြည်နယ် သဲကန္တာရအတွင်းရှိ မိုတယ်တစ်ခု၌ အသက်ရှူကျပ်ကာ သေဆုံးသွားခဲ့သည်။

(ခေါင်းမဲ့ ကြက်ကလေး မိုက်ခ်။ ဓာတ်ပုံ- Bob Landry—Time & Life Pictures/Shutterstock)

(ကခုန်နေသော မိုက်ခ်ကို ၁၉၄၅ ခုနှစ်အတွင်း တွေ့ရပုံ။ ဓာတ်ပုံ-Bob Landry—Time & Life Pictures/Shutterstock)

(၁၉၄၅ ခုနှစ်အတွင်း မိုက်ခ်ကို မြက်ရိတ်စက်တစ်ခုပေါ်တွင် တွေ့ရပုံ။ ဓာတ်ပုံ-Bob Landry—Time & Life Pictures/Shutterstock)

(ကိုလိုရာဒိုပြည်နယ်ရှိ မွေးမြူရေးခြံတွင် မိုက်ခ်ကို အခြားကြက်များနှင့်အတူ တွေ့ရပုံ။ ဓာတ်ပုံ-Bob Landry—Time & Life Pictures/Shutterstock)

(ဓာတ်ပုံ-Bob Landry—Time & Life Pictures/Shutterstock)

(မျက်စဉ်းချသည့်ကိရိယာဖြင့် အစာပြွန်ထဲသို့ တိုက်ရိုက် အစာကျွေးနေပုံ။ ဓာတ်ပုံ-Bob Landry—Time & Life Pictures/Shutterstock)

(မိုက်ခ်ကို ရုံသွင်းပြသခြင်းများပြုလုပ်ခဲ့သည်။ ဓာတ်ပုံ-Bob Landry—Time & Life Pictures/Shutterstock)

(မြက်ခင်းပေါ်တွင် တွေ့ရပုံ။ ဓာတ်ပုံ- Bob Landry—Time & Life Pictures/Shutterstock)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: LIFE With Mike the Headless Chicken: Photos of a Famously Tough Fowl