အမေရိကန်တွင် ၇ လပိုင်း ၁၁ ရက်နေ့ ည ၇း၁၁ မိနစ်အချိန်တွင် မွေးဖွားသော အလေးချိန် ၇ ပေါင် ၁၁ အောင်စရှိ ကလေးငယ်ကို 7-11 (7-Eleven) စတိုးက ပညာသင်စရိတ် ၇၁၁၁ ဒေါ်လာ ထောက်ပံ့

ရေချယ် လန်းဖို့ဒ်အမည်ရှိ အမျိုးသမီး၏ ဖုန်းမှာ ၇ လပိုင်း ၁၁ ရက်နေ့ (ဇူလိုင် ၁၁) နောက်ပိုင်းကတည်းက အမြဲမပြတ် တဂွမ်ဂွမ်မြည်နေသည်။

ရေချယ်သည် ၇ လပိုင်း ၁၁ ရက်နေ့ ည ၇း၁၁ အချိန်တွင် သမီးမိန်းကလေးတစ်ဦး မွေးဖွားခဲ့ရာ ကိုယ်အလေးချိန် ၇ ပေါင် ၁၁ အောင်စ ရှိသည်။

ရေချယ်ထံသို့ ဆက်သွယ်လာသော ဖုန်းများအနက် 7-11 (7-Eleven) စတိုးဆိုင်မှ ဆက်သွယ်လာသောဖုန်းမှာ စိတ်လှုပ်ရှားဖွယ် အကောင်းဆုံးဖြစ်သည်။

7-11 (7-Eleven) က ရေချယ်၏ သမီးလေး ယန်း ဘရောင်း (J’Aime Brown- ဘရောင်းကိုချစ်တယ်ဟု အဓိပ္ပာယ်ရ) ၏ ကောလိပ်ကျောင်းစရိတ်အတွက် ဒေါ်လာ ၇၁၁၁ ထောက်ပံ့မည်ဟု ကတိပြုလာခြင်း ဖြစ်သည်။

7-11 (7-Eleven) က ရေချယ်ထံ ဦးစွာဆက်သွယ်ပြောဆိုခဲ့သည်မှာ ဒိုက်ပါနှင့် အခြားပစ္စည်းများပါသော လက်ဆောင်ခြင်းတစ်ခုပေးမည်ဟု ပြောခဲ့ခြင်းဖြစ်သည်။ ထို့နောက် ကျောင်းစရိတ်ထောက်ပံ့မည်ဟု ပြောလာခြင်းမှာ မျှော်လင့်မထားသည့် အံ့အားသင့်ဖွယ်ကူညီမှုဖြစ်ကြောင်း ရေချယ်က ပြောသည်။

“ကျွန်မ အရမ်းကို အံ့အားသင့်သွားတယ်။ မထင်မှတ်ထားတာဆိုတော့ အရမ်းစိတ်လှုပ်ရှားသွားမိတယ်” ဟု ရေချယ်က CNN သတင်းဌာနသို့ ပြောသည်။

ယန်း ဘရောင်း၏ ကျောင်းစရိတ်အတွက် မိမိတို့ကုမ္ပဏီက ကတိကဝတ်ပြုထားကြောင်း 7-11 (7-Eleven) ၏ ကိုယ်စားလှယ်တစ်ဦးက CNN သတင်းဌာနသို့ အတည်ပြုပြောကြားသည်။

ထို့အပြင် အဝတ်အစား၊ ဒိုက်ပါများနှင့် အခြားလက်ဆောင်များလည်းပေးခဲ့ကြောင်း ၎င်းက ပြောသည်။

ရေချယ်တို့ မိသားစုသည် အမေရိကန်ပြည်၊ မစ်ဇူရီပြည်နယ်၊ စိန့်လူးဝစ်မြို့တွင် နေထိုင်သူများဖြစ်သည်။

7-11 (7-Eleven) စတိုးအုပ်စု၏ နှစ်ပတ်လည်အခမ်းအနားနေ့ဖြစ်သော 7-Eleven Day ကို ဇူလိုင်လ ၇ ရက်တွင် ကျင်းပရာ ထိုနေ့တွင် ရေချယ်က သမီးလေး မွေးဖွားခဲ့ခြင်းဖြစ်သည်။ ယန်း ဘရောင်း၏ ဆန်းကြယ်သော တိုက်ဆိုင်မှုအပေါ် လူအများက စိတ်ဝင်စား အာရုံစိုက်လာနေကြသည်။

ရေချယ်တွင် ယန်းဘရောင်းအပြင် ၆ နှစ်အရွယ် သားငယ်တစ်ဦးလည်း ရှိသည်။

အိမ်စရိတ်နှင့် ကလေးစရိတ်မှာ မလွယ်လှကြောင်း ရေချယ်က ပြောသည်။

“ကလေး ကျောင်းစရိတ် အထောက်အပံ့ရဖို့ဆိုတာ မလွယ်ပါဘူး။ ဒါက တော်တော် အထောက်အကူဖြစ်ပါတယ်” ဟု ရေချယ်က ပြောသည်။

“ဒီကလေး မွေးလာပြီးနောက်ပိုင်း ထူးဆန်းတာက ကျွန်မတို့ တည်ငြိမ်လာပြီး အလုပ်တွေလည်း ပိုလုပ်ဖြစ်တယ်။ စိတ်ချမ်းသာမှု ခံစားရပါတယ်”

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: 7-Eleven pledges $7,111 to college fund of baby born on 7-11 at 7:11 pm, weighing 7 pounds and 11 ounces (cnn)