ဂျပန်သိပ္ပံပညာရှင်တို့က အိပ်မက်များကို မှတ်တမ်းတင်ထားကာ အိပ်ယာနိုးလာချိန်တွင် ပြန်လည်ကြည့်ရှုနိုင်သော နားကြပ်တစ်မျိုး တီထွင်

ဂျပန်သိပ္ပံပညာရှင်တို့သည် အိပ်မက်များကို မှတ်တမ်းတင်ထားကာ ပြန်လည်ကြည့်ရှုနိုင်မည် ပစ္စည်းတစ်မျိုးကို တီထွင်လိုက်ကြသည်။

၎င်းတို့၏ မယုံနိုင်ဖွယ် နည်းပညာတွင် ဦးနှောက်ပုံဖော်ယူခြင်းနှင့် AI နည်းပညာတို့အား အသုံးပြုထားသည်။

((အိပ်မက်ဖမ်းစက် ဘယ်လိုအလုပ်လုပ်လဲ))

ဂျပန်သိပ္ပံပညာရှင်တို့က သံလိုက်စက်ကွင်း ပဲ့တင် ပုံဖော်စနစ် (fMRI) နည်းပညာဖြင့် အိပ်မက်ဖမ်းစက်ကို တီထွင်ခဲ့ခြင်း ဖြစ်သည်။

ကျိုတိုမြို့၊ ATR Computational အာရုံကြောသိပ္ပံဓာတ်ခွဲခန်းမှ သိပ္ပံပညာရှင်တို့က ဦးနှောက်ထဲမှ အာရုံကြော လှုပ်ရှားမှုများကို fMRI နည်းပညာဖြင့် အသေးစိပ် မှတ်တမ်းတင်သည်။

ထိုအာရုံကြော လှုပ်ရှားမှုများသည် အိပ်မက်ထဲမှ ဖြစ်ရပ်များနှင့် ဆက်နွှယ်နေသည်။ Volunteer အဖြစ် ပါဝင်စမ်းသပ်ခံသူတို့၏ အိပ်ပျော်မှု အစောပိုင်းကာလများတွင် လေ့လာခဲ့ကြခြင်း ဖြစ်သည်။

သိပ္ပံပညာရှင်တို့သည် ဦးနှောက် အာရုံကြောလှုပ်ရှားမှုများကို ဂရုတစိုက် လေ့လာသုံးသပ်ကာ အိပ်မက်မက်သည့် အကြောင်းအရာကို ၆၀ ရာခိုင်နှုန်းအထိ တိကျစွာ ပြောနိုင်လာသည်။

လူ၊ အရာဝတ္ထု အစရှိသည့်အရာများနှင့် ပတ်သက်လျှင် ၇၀ ရာခိုင်နှုန်းကျော်အထိ မှန်ကန်စွာ ပြောနိုင်သည်ဟု ဆိုသည်။

((အိပ်မက် database တည်ဆောက်ခြင်း))

လုပ်ဆောင်ရပုံနှင့် နည်းပညာမှာ ကျယ်ပြန့်သည်။

ပါဝင်စမ်းသပ်ခံသူများကို အိပ်စက်စေပြီး စောင့်ကြည့်နေကာ မျက်လုံးလှုပ်ရှားမှုများရှိလာသည့် REM (Rapid Eye Movement) sleep phase အခါမျိုးတွင် အိပ်ရာမှ ချက်ချင်းနှိုးရသည်။

ထိုအချိန်မျိုးမှာ အိပ်မက်ကို အထင်အရှား မြင်မက်နေချိန်လည်း ဖြစ်သည်။

အိပ်ရာမှ နှိုးလိုက်ပြီးနောက် ၎င်းတို့မြင်မက်ခဲ့သည့် အိပ်မက်အကြောင်း၊ အိပ်မက်ထဲတွင် ပါဝင်သည့် လူ၊ အရာဝတ္ထု၊ ရှုခင်းမြင်ကွင်းများအကြောင်း မေးမြန်းကာ အချက်အလက်များ စုဆောင်းရ၏။

ကျယ်ပြန့်ကြီးမားသော database တည်ဆောက်နိုင်ရန်အတွက် ထိုနည်းလမ်းအတိုင်း အကြိမ် ရာထောင်ချီ ပြုလုပ်ရသည်။

ထိုသို့ အချက်အလက်များ စုဆောင်းရင်း အရာဝတ္ထု ထောင်နှင့်ချီကာ စုဆောင်းမိလာသည်။ ထိုအရာဝတ္ထုများနှင့် ယှဉ်တွဲဖြစ်ပေါ်သော ဦးနှောက်အာရုံကြောလှုပ်ရှားမှု ပုံစံများကိုလည်း မှတ်တမ်းတင်ထားသည်။

ထိုသို့ Database တည်ဆောက်ပြီးချိန် နောက်တဆင့်တွင်ကား AI နည်းပညာ၏ အခန်းကဏ္ဍ ပါဝင်လာသည်။

Database မှ အချက်အလက်များကို အခြေခံက သိပ္ပံပညာရှင်အဖွဲ့က AI model တစ်ခုကို လေ့ကျင့်ပေးပြီး အိပ်မက်များကို ခန့်မှန်းဖော်ထုတ်စေသည်။

ယခုသုတေသနကို ဦးဆောင်ခဲ့သည့် သိပ္ပံပညာရှင်ဖြစ်သော ပါမောက္ခ ယူကီယဆု ကမိတနိက ပြောသည်မှာ

အိပ်စက်နေချိန်အတွင်း ဦးနှောက်၏ လှုပ်ရှားမှုကို ကြည့်ရှုကာ အိပ်မက်များအား ဖော်ထုတ်နိုင်ပြီ ဖြစ်ကြောင်း ပြောသည်။

၎င်းတို့ လေ့ကျင့်ပေးထားသော AI နည်းပညာသည် အိပ်မက်၏ အကြောင်းအရာကို ၆၀ ရာခိုင်နှုန်းအထိ မှန်ကန်အောင် ပြောပြနိုင်သည်ဟု ဆိုသည်။

လူများ၊ အရာဝတ္ထုများ အစရှိသည်တို့သို့ ဘောင်ကျဉ်းလိုက်လျှင်မူ AI ၏ ခန့်မှန်းမှုမှာ ၇၀ ရာခိုင်နှုန်းကျော်အထိ မှန်ကန်လာသည်။

နည်းပညာများ တိုးတက်လာသည်နှင့်အမျှ ဦးနှောက်၊ အိပ်မက်များနှင့် လူသားတို့၏ အသိစိတ်အတွင်းသို့ ပိုမိုနက်ရှိုင်းစွာ အကဲခတ်ခွင့် ရလာတော့မည် ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Scientists create a unique device to record human dreams