ပြည်ပ အိမ်ခြံမြေ သတင်း | Posted by အေးမြတ်သူ
အော်စကာဆုရှင် အင်ဂျလီနာဂျိုလီတစ်ယောက်တော့ လော့စ်အိန်ဂျလိစံအိမ်ကြီးနဲ့ လမ်းခွဲတော့မှာ ဖြစ်ပါတယ်။
အသက် ၅၀ ရှိပြီဖြစ်တဲ့ ဂျိုလီဟာ သူ့စံအိမ်ကို ရောင်းထုတ်ဖို့ စီစဉ်နေပြီး ပြည်ပကို ရွှေ့ပြောင်းဖို့ ပြင်ဆင်နေတယ်လို့ PEOPLE မဂ္ဂဇင်းကြီးကို သတင်းရင်းမြစ်တစ်ခုက ပြောတယ်လို့ ဆိုပါတယ်။
ဂျိုလီဟာ အစကတည်းက အယ်လ်အေမှာ အကြာကြီးနေချင်ခဲ့တာ မဟုတ်ဘူး။
ဒါပေမယ့် သူ့မှာကလည်း ရွေးချယ်စရာမရှိရှာဘူး။
ကလေးတွေကို ခင်ပွန်းဟောင်း ဘရက်ပစ်နဲ့ ပူးတွဲအုပ်ထိန်းရမယ့် ကိစ္စက ရှိခဲ့တာကိုး။
ဘရက်ပစ်ကလည်း အခုဆို အသက် ၆၁ နှစ်တောင်ရှိနေပါပြီ။
ဘရက်ပစ်နဲ့ ဂျိုလီတို့ အမှုဖြစ်နေတာ ၈ နှစ်လောက်ရှိခဲ့ပါပြီ။ အမှုဖြစ်ရတဲ့ကိစ္စကိုတော့ iMyanmarHouse.com ဝက်ဘ်ဆိုက်ကြီးမှာ တင်ပြခဲ့ဖူးပြီး လူအများလည်း စိတ်ဝင်စားခဲ့ကြပါတယ်။
(ဆက်စပ်သတင်း))
ဘရက်ပစ်က ဇနီးဟောင်း အင်ဂျလီနာဂျိုလီအား ဧက ၁၀၀၀ ခြံ အသိမပေးဘဲရောင်းချမှုဖြင့် တရားစွဲ
ဂျိုလီနဲ့ ဘရက်ပစ်တို့ ပူးတွဲအုပ်ထိန်းဖို့ တာဝန်ရှိတဲ့ သားသမီး ၆ ယောက်ရှိပါတယ်။ အဲဒီသားသမီးတွေကတော့ မက်ဒေါ့ (၂၄ နှစ်အရွယ်)၊ ပက်ဇ် (၂၁ နှစ်)၊ ဇဟာရာ (၂၀ နှစ်)၊ ရှီးလို (၁၉ နှစ်) ၊ နော့ဇ်နဲ့ ဗီဗီယန်အမြွှာ (၁၇ နှစ်) တို့ပါပဲ။
သတင်းရင်းမြစ်တစ်ခုက ပြောပြတာကတော့ နော့ဇ်နဲ့ ဗီဗီယန်အမြွှာ ၂ ယောက် လာမယ့်နှစ် အသက် ၁၈ နှစ် ရောက်တဲ့အချိန်ရောက်ရင် ဂျိုလီက အမေရိကကို ကျောခိုင်းတော့မယ်လို့ ဆိုတယ်။ လော့စ်အိန်ဂျလိကို ကျောခိုင်းနိုင်မယ်ဆိုရင် ဂျိုလီအရမ်းပျော်မှာလို့လည်း ပြောတယ်။
(အင်ဂျလီနာ ဂျိုလီနှင့် သူ၏ ကလေး ၆ ယောက်ကို ၂၀၁၉ ခုနှစ်အတွင်း တွေ့ရပုံ။ ဓာတ်ပုံ-Monica Schipper/Getty)
စံအိမ်ကြီးမှာ ပြုပြင်မွမ်းမံမှု နည်းနည်းလောက် လုပ်ခဲ့ပြီးတဲ့နောက် ဂျိုလီက ရောင်းထုတ်ဖို့ စီစဉ်လာတာလို့ အတွင်းလူတစ်ယောက်က ပြောပြတယ်။ ၁၉၁၃ ခုနှစ်က ဆောက်လုပ်ခဲ့တဲ့ ဒီစံအိမ်ကြီးကို ဂျိုလီက ၂၀၁၇ ခုနှစ်ထဲမှာ ဝယ်ခဲ့တာဖြစ်ပြီး ဒေါ်လာ ၂၄ ဒသမ ၅ သန်း ပေးခဲ့ရတယ်လို့ သတင်းရင်းမြစ်တစ်ခုက PEOPLE မဂ္ဂဇင်းကြီးကို ပြောပြဖူးပါတယ်။
စံအိမ်ကြီးကို အတော်ကို ကြီးမားပြီး အိပ်ခန်း ၆ ခန်းနဲ့ ရေချိုးခန်း ၁၀ ခန်းတောင် ပါပါတယ်။ အကျယ်အဝန်းကတော့ စတုရန်းပေ ၁၁၀၀၀ ရှိတယ်လို့ သိရတယ်။
ဒီအိမ်ကြီးက ဟောလိဝုဒ်သမိုင်းကြောင်းတွေရှိနေတယ်။ ရုပ်ရှင်ဒါရိုက်တာကြီး Cecil B. DeMille က ၁၉၁၆ ခုနှစ်မှာ ဒေါ်လာ ၂၈၀၀၀ နဲ့ ဝယ်ယူပိုင်ဆိုင်ခဲ့ပါတယ်။ ဘေးက အိမ်တစ်လုံးမှာဆိုရင်လည်း ချာလီ ချက်ပလင် နေခဲ့ဖူးတယ်။ နောက်ပိုင်း ချာလီ ချက်ပလင် အိမ်ပြောင်းသွားတဲ့အချိန်မှာ DeMille က ဝယ်လိုက်ပြီး အိမ် ၂ လုံးကို တစ်အိမ်တည်း ပေါင်းပစ်လိုက်ပါတယ်။
ဂျိုလီဟာ ဘရက်ပစ်နဲ့ အိမ်ထောင်သက် ၂ နှစ်လောက်အကြာ၊ ၂၀၁၆ ခုနှစ် စက်တင်ဘာလမှာ ကွာရှင်းပြတ်စဲဖို့ လျှောက်ထားခဲ့တယ်။ အဲဒီအချိန်ကတည်းက ဂျိုလီဟာ အယ်လ်အေကို ကျောခိုင်းချင်နေပေမယ့် ကွာရှင်းဖို့ကိစ္စတွေ ရှိနေတာကြောင့် မပြောင်းနိုင်ခဲ့ဘူး။
(အင်ဂျလီနာ ဂျိုလီနှင့် ဘရက်ပစ်တို့ကို ၂၀၁၅ ခုနှစ်၊ နိုဝင်ဘာလအတွင်း အတူတကွ တွေ့ခဲ့ရပုံ။ ဓာတ်ပုံ-Jason LaVeris/FilmMagic)
အခုချိန်မှာတော့ အမြွှာကလေး ၂ ယောက် ၁၈ နှစ်ပြည့်တာနဲ့ နိုင်ငံခြားမှာပဲ အမြဲနေတော့မယ်လို့ ဂျိုလီက ပြောလာပါပြီ။
အယ်လ်အေမှာ မရှိတဲ့ ဘဝပုံစံမျိုးကို ရနိုင်မယ့်နေရာမျိုးကို ဂျိုလီက ရှာဖွေနေတာပါ။
“မိသားစုကြီးတစ်ခုရှိလာပြီဆိုရင် သူတို့အတွက် ဘေးကင်းလုံခြုံ အေးချမ်းပြီး privacy ရှိတဲ့နေရာမျိုး လိုချင်လာကြတာပါပဲ” လို့ ဂျိုလီပြောဖူးပါတယ်။
(ဂျိုလီနှင့် သားဖြစ်သူ မက်ဒေါ့ဇ်။ မက်ဒေါ့ဇ်မှာ ကမ္ဘောဒီးယားကလေးငယ်ဖြစ်ပြီး အင်ဂျလီနာ ဂျိုလီက ၂၀၀၂ ခုနှစ်တွင် မွေးစားခဲ့ခြင်းဖြစ်သည်။ ဓာတ်ပုံ-STEFANI REYNOLDS/AFP/Getty)
ဂျိုလီဟာ အကြီးဆုံးသား မက်ဒေါ့ဇ်ကို ၂၀၀၂ ခုနှစ်မှာ မွေးစားခဲ့ပြီးတဲ့နောက် တကယ်လို့ အယ်လ်အေမှာ မနေဖြစ်တော့ရင် ကမ္ဘောဒီးယားမှာ နေမယ်လို့ ပြောခဲ့ဖူးတယ်။
ကမ္ဘောဒီးယားဟာ နှလုံးသားထဲမှာရှိနေပြီး ကိုယ့်အိမ်ကိုယ်ယာလို သဘောထားတယ်လို့ ဂျိုလီပြောဖူးပါတယ်။
ဂျိုလီဟာ သူ့ရဲ့ ဒိတ်ဒိတ်ကြဲရုပ်ရှင် Tomb Raider ကို ကမ္ဘောဒီးယားမှာ ရိုက်ကူးခဲ့တာဖြစ်ပြီး အဲဒီရုပ်ရှင် ရုံတင်ပြီးတဲ့နောက် ၁ နှစ်အကြာမှာ ကမ္ဘောဒီးယားကလေးငယ် မက်ဒေါ့ဇ်ကို မွေးစားခဲ့တာပါ။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Angelina Jolie Is Prepping Her Historic Home for Sale amid Plans to Leave L.A. and Move Abroad (Exclusive Source)
