ထိုင်းတွင် မိန်းကလေးတို့က ဖူးစာဖက်ရှာတွေ့ရန် လက်ရှ်မီးမယ်တော်ထံ ဆုတောင်းခြင်းများ ခေတ်စားနေခြင်း (သို့မဟုတ်) ဖူးစာဖက်ကောင်းရရန် အစွမ်းထက်သော ဆုတောင်း ဝတ်ပြုနည်း

ထိုင်းနိုင်ငံသားများအကြား လက်ရှ်မီးမယ်တော်ထံ ဖူးစာဖက် ရှာတွေ့ရန် ဆုတောင်းခြင်းများ အကြီးအကျယ် ရေပန်းစားနေသည်။

ထိုင်းလူမျိုး TikTok သုံးစွဲသူများအကြား “လက်ရှ်မီး မယ်တော်ဆီမှာ ဆုတောင်းခဲ့ပါတယ်” ဟု ရေးသားမျှဝေသည့် trend ခေတ်စားနေသည်။

ကနဦးတွင် ၎င်းတို့ မည်သည့်အရာဆုတောင်းကြသည်ကို မသိခဲ့ရ။ လက်ရှ်မီး မယ်တော်သည် ပစ္စည်းဥစ္စာ ပေါများကြွယ်ဝမှု၊ တန်ခိုးစွမ်းအား၊ အလှတရားနှင့် မျိုးပွားခြင်းတို့ကို ကိုယ်စားပြုသည်။

သို့သော် နောက်ပိုင်းတွင် လူအများဆုတောင်းနေကြသည်မှာ အချစ်အတွက်ဖြစ်ကြောင်း ပေါ်ပေါက်လာသည်။

ထိုင်းလူမျိုးများသည် “လက်ရှ်မီး မယ်တော်ဆီမှာ မင်းအကြောင်း ကိုယ်ပြောပြခဲ့တယ်” ဟု ရေးသားဖော်ပြလာကြသည်။

၎င်းတို့နှစ်သက်သော လက်တွဲဖော်၏ အရပ်အမြင့်၊ ရုပ်ရည်ပုံပန်းတို့ကိုလည်း ပြောဆိုဆုတောင်းကြပြီး မိမိတို့အသည်းစွဲ celebrity တို့၏ ဓာတ်ပုံများကို မျှဝေကာ ထိုသို့သောချစ်သူမျိုးရလိုကြောင်း လူမှုကွန်ရက်တွင် ပြောဆိုကြသည်။

ဘန်ကောက်မြို့တလွှားရှိ ဟိန္ဒူဘုရားကျောင်းများတွင် လက်ရှ်မီးမယ်တော်ကို သွားရောက် ဆည်းကပ် ဆုတောင်းသူများ အလုံးအရင်း ဖြစ်လာနေသည်။

ရန်ကုန်မြို့တွင်ဆိုလျှင် ဟိန္ဒူဘုရားကျောင်းများကို တွေ့ရှိနိုင်သည့် နေရာများမှာ...

● မင်္ဂလာတောင်ညွန့်မြို့နယ်၊ သပြေကုန်းရပ်ကွက်၊ ၁၂၅ လမ်းထိပ် ● ၄၄ လမ်း၊ အောက်ဘလောက် ● ပန်းဆိုးတန်းလမ်း၊ အလယ်ဘလောက်

● ၃၂ လမ်း၊ အလယ်ဘလောက် ● ဗိုလ်အောင်ကျော်လမ်း၊ အလယ်ဘလောက် ● သရက်တော ၂ လမ်း၊ ကြည့်မြင်တိုင်မြို့နယ် ● မြန်မာ့ဂုဏ်ရည်လမ်း၊ ကန်တော်လေး ● သစ္စာလမ်း၊ ရန်ကင်းမြို့နယ်၊ မိုးကောင်းကားမှတ်တိုင်အနီး ● မဟာဘောဂလမ်း၊ စမ်းချောင်း….အစရှိသည်တို့အပြင် အခြားနေရာအများအပြားတွင် ဟိန္ဒူဘုရားကျောင်းများ တည်ရှိပါသည်။

((လက်ရှ်မီး မယ်တော်ထံတွင် ဖူးစာဖက်ရရှိရန် ဆုတောင်းနည်း))

● လက်ရှ်မီး မယ်တော်ကို ယုံကြည်သည့် စိတ်နှလုံးရှိရမည်ဖြစ်ပြီး ဒွိဟသံသယရှိက မသွားပါနှင့်။

● ယုံကြည်မှု ပြသရန်အတွက် အရောင်အသွေးစုံလင်သော အဝတ်အစားများ ဝတ်ဆင်သွားပါ။ (အနီနှင့် ပန်းရောင်များ ရွေးချယ်သင့်သည်)

● လက်ရှ်မီး မယ်တော်ထံ ဆုတောင်းရန် အကောင်းဆုံးနေ့မှာ သောကြာနေ့ ဖြစ်ပါသည်။

● လက်ရှ်မီး မယ်တော်ထံ ကပ်လှူရမည့်အရာများမှာ ကြာပန်း ၈ ပွင့်၊ အမွှေးတိုင် ၉ တိုင်မှ ၁၆ တိုင်ကြား၊ ဖယောင်းတိုင် ၂ တိုင်၊ အိန္ဒိယရိုးရာ အချိုမုန့်များ (ဥပမာ- လဒူ)၊ အနီရောင်ပန်းသီး ၅ လုံးမှ ၈ လုံး၊ သောက်တော်ရေ၊ ကြံရည်၊ အုန်းရည်၊ သကြား (သို့မဟုတ်) နွားနို့

● သားငါး၊ ဥအမျိုးမျိုးဖြင့် ထုတ်လုပ်ထားသည့် အစားအသောက်များ မကပ်လှူရ

● ဦးစွာအားဖြင့် “ဥုံ -ရှရီ ဂါနီးရှာယေး နာမား” ဟု ၃ ကြိမ် ရွတ်ဆိုပါ။ ထို့နောက် လက်ရှ်မီး မယ်တော်ကို “ဥုံ- ရှယား ရှရီး လက်ရှ်မီး မာတာ” ဟု ၈ ကြိမ် ရွတ်ဆို ပူဇော်ပါ။

● လက်ရှ်မီး မယ်တော်ထံ ဆုတောင်းမည့်သူများအနေဖြင့် မိမိ၏ အမည်၊ အဖအမည်တို့ကို ပြောပြကာ ဆက်ကပ်ဖွယ်များ ကပ်လှူခြင်းတို့ ပြုလုပ်ပြီးနောက် မိမိ၏အကြောင်း ပြောပြသင့်သည်။

● ထို့နောက် မိမိလိုလားသည့် ဖူးစာဖက်ပုံစံကို တိတိကျကျ ပြောပြကာ “ဥုံ- ရှန်တိ ရှန်တိ ရှန်တိ” ဟု ရွတ်ဆိုပါ။

● ဆုတောင်းပြည့်ကာ ဖူးစာဖက်ရသွားပါက လက်ရှ်မီး မယ်တော်ထံ ထပ်မံလာရောက်ပူဇော်ကာ ကျေးဇူးတင်ကြောင်း ပြောဆိုရမည်ဖြစ်ပါသည်။ အကယ်၍ ဆုတောင်းမပြည့်သေးပါကလည်း စိတ်မပူပါနှင့်။ လက်ရှ်မီး မယ်တော်ထံ ၃ ကြိမ်တိုင် သွားရောက်ဆုတောင်းပါက ဆုတောင်းပြည့်သည်က များပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: How to ask Hindu goddess Lakshmi to find you a soulmate (nationthailand)