ပြည်ပ အိမ်ခြံမြေ သတင်း | Posted by နှင်းအိခင်
လူမှုကွန်ရက်သည် ပြင်ပဘဝအတွက် အချိန်ကုန်စေသည့် အနှောင့်အယှက်တစ်ခုဖြစ်ကြောင်း ပြောဆိုသူများစွာရှိသည်။
အချို့ကမူ ခံယူချက်ကွဲပြားသည်။
အိန္ဒိယမှ အမျိုးသမီးတစ်ဦးမှာ သူ၏ အင်စတာဂရမ်အကောင့် follower ကျဆင်းသွားမှုအတွက် ခင်ပွန်းဖြစ်သူကို ရဲစခန်းတွင် အမှုဖွင့်ခဲ့သည်။
ခင်ပွန်းဖြစ်သူက အိမ်အလုပ်များ အများအပြားခိုင်းနေသောကြောင့် မိမိ၏ influencer တာဝန်များ ပျက်ယွင်းခဲ့ကြောင်း ၎င်းက ပြောသည်။
နီရှာဟုသာ အမည်သိရသော ထိုအမျိုးသမီးက “ကျွန်မဟာ reel တွေလုပ်ဖို့ အချိန်မရှိခဲ့ဘူး” ဟု ရဲတပ်ဖွဲ့ထံ တိုင်တန်းခဲ့ကြောင်း The Independent သတင်းဌာနက ဖော်ပြသည်။
ထိုအမျိုးသမီးသည် အိန္ဒိယနိုင်ငံ၊ ဥတာ ပရာဒက်ရှ်ပြည်နယ်၊ ဟာပါခရိုင်တွင် နေထိုင်သူဖြစ်ပြီး ပုံမှန်အားဖြင့် လူမှုကွန်ရက်တွင် တစ်ရက်လျှင် ဗွီဒီယိုဖိုင် ၂ ခုတင်လေ့ရှိသည်ဟု ဆိုသည်။
(“ကျွန်မရဲ့ ခင်ပွန်းက ကျွန်မကို ပန်းကန်ခွက်ယောက်တွေဆေးကြော၊ အိမ်သန့်ရှင်းရေးတွေ လုပ်ခိုင်းနေတာကြောင့် ကျွန်မအကောင့်မှာ follower ကျဆင်းသွားခဲ့ရပါတယ်” ဟု နီရှာက ပြောသည်။ ဓာတ်ပုံ-Syda Productions – stock.adobe.com)
(နီရှာသည် ပုံမှန်အားဖြင့် တစ်ရက်လျှင် ၂ ကြိမ် ပို့စ်တင်လေ့ရှိသည်။ ဓာတ်ပုံ-snowing12 – stock.adobe.com)
လူမှုကွန်ရက်တွင် အရှိန်ရနေချိန်၌ ခင်ပွန်းဖြစ်သူ ဗီဂျန်ဒရာက ၎င်းအား အင်စတာဂရမ်သုံးခြင်းများ လျှော့ပြီး အိမ်အလုပ်ကို အာရုံစိုက်ရန် ပြောဆိုခဲ့သည်ဟု ဆိုသည်။
နီရှာက ခင်ပွန်းဖြစ်သူ၏ ပြောဆိုမှုကို လိုက်နာခဲ့ချိန်တွင် သူ၏ အင်စတာဂရမ်စာမျက်နှာမှာ follower အရေအတွက် ၂ ဦးကျဆင်းသွားခဲ့ပြီး ထိုသို့ဖြစ်ရသည်မှာ ခင်ပွန်းဖြစ်သူကြောင့်ဖြစ်ကြောင်း နီရှာက အပြစ်တင်သည်။
“ကျွန်မကို ပန်းကန်ဆေး၊ အိမ်သန့်ရှင်းရေးတွေပဲ လုပ်ခိုင်းနေတာကြောင့် ကျွန်မအကောင့်ဟာ follower ကျဆင်းသွားခဲ့ရပါတယ်” ဟု နီရှာက ရဲတပ်ဖွဲ့ကို ဝမ်းနည်းကြေကွဲစွာ တင်ပြခဲ့ကြောင်း Deccan Herald သတင်းဌာနက ဖော်ပြသည်။
(နီရှာ၏ လူမှုကွန်ရက်စွဲလမ်းမှုကြောင့် အိမ်မှုတာဝန်များ လစ်ဟင်းနေကြောင်း ခင်ပွန်းဖြစ်သူက ပြောသည်။ ဓာတ်ပုံ-9nong – stock.adobe.com)
ခင်ပွန်းနှင့် စကားအခြေအတင်ဖြစ်ခဲ့ပြီးနောက် နီရှာသည် မိဘများရှိရာ Pilkhuwa မြို့တွင် သွားရောက်နေထိုင်ခဲ့ပြီး ထိုမြို့ရှိ ရဲတပ်ဖွဲ့တွင် အမှုဖွင့်တိုင်တန်းခဲ့ခြင်း ဖြစ်သည်။ သို့သော် ခင်ပွန်းဖြစ်သူ ဗီဂျန်ဒရာကလည်း နီရှာကို လူမှုကွန်ရက်စွဲလမ်းမှုကြောင့် အိမ်မှုကိစ္စများ လစ်ဟင်းစေမှုဖြင့် တန်ပြန်အမှုဖွင့်ထားသည်။
လူမှုကွန်ရက်တွင် reel များတင်ရန် ခွင့်မပြုပါက အိမ်မှထွက်သွားမည်ဟု နီရှာက ခြိမ်းခြောက်ခဲ့ကြောင်း ဗီဂျန်ဒရာက ပြောသည်။
ရဲတပ်ဖွဲ့အနေဖြင့် ကြားဝင်ဖြန်ဖြေ စေ့စပ်ညှိနှိုင်းမှုများ ပြုလုပ်ပေးခဲ့ပြီး နီရှာက အမှုပိတ်သွားကြောင်း ရဲအရာရှိ Aruna Rai က Independent သတင်းဌာနသို့ ပြောသည်။
ပြဿနာဖြေရှင်းပြီးစီးသွားပြီဖြစ်သော်လည်း ၎င်းတို့ဇနီးမောင်နှံမှာ တသီးတခြားစီသာ ဆက်လက်နေထိုင်လျက် ရှိသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Husband forced influencer wife to do housework over creating content — so she called the police: ‘Didn’t get time to make reels’ Photo Credit- duties.9nong – stock.adobe.com, Syda Productions – stock.adobe.com, snowing12 – stock.adobe.com
