တရုတ်ပြည်တွင် အမျိုးသားတစ်ဦးက ဝူတန်တောင်အပါအဝင် အထင်ကရတောင် အလုံး ၅၀ ကို ကင်းမြီးကောက်ထောင်ကာ တက်နေမှု ပြည်မကြီးလူမှုကွန်ရက်တွင် နာမည်ကြီးနေ

များစွာသောသူတို့မှာ တောင်တက်ရာတွင် ခြေထောက်ဖြင့် တက်နိုင်ရန်ပင် ခက်ခက်ခဲခဲ ကြိုးပမ်းကြရသည်။

တရုတ်ပြည်မှ အမျိုးသားတစ်ဦးမှာမူ တရုတ်ပြည်၏ အထင်ကရတောင်ကြီးများကို ကင်းမြီးကောက်ထောင်ပြီး တက်နေရာ လူမှုကွန်ရက်တွင် အလွန်နာမည်ကြီးနေသည်။

၎င်း၏ အမည်မှာ ဆွန်းကော်ရှန်းဖြစ်ပြီး အသက် ၃၄ နှစ်အရွယ်ဖြစ်သည်။

ဆွန်းကော်ရှန်းသည် ကင်းမြီးကောက်ထောင်ကာ တောင်တက်ခြင်းကို ၂၀၂၃ ခုနှစ်၊ မေလတွင် စတင်ခဲ့ခြင်း ဖြစ်သည်။

၂၀၂၂ ခုနှစ်တွင်မူ ဆွန်းကော်ရှန်းက တရုတ်ပြည်ရှိ အကျော်ကြားဆုံးတောင် အလုံး ၅၀ ကို ၂၀၂၅ ခုနှစ် နွေဦးပေါက်တွင် အပြီးတက်ရန် ဆုံးဖြတ်ခဲ့သည်။

၂၀၂၄ ခုနှစ် မေလတွင် ထိုသို့ စတင်ဆုံးဖြတ်လုပ်ဆောင်ခဲ့ခြင်းဖြစ်သော်လည်း ၂၀၂၄ ခုနှစ်၊ နိုဝင်ဘာလသို့ ရောက်မှ စတင် နာမည်ကြီး လူသိများလာခဲ့သည်။

၁၆၁၂ မီတာ မြင့်မားသော ဝူတန်တောင်၏ အမြင့်ဆုံး တောင်ထိပ်သို့ ကင်းမြီးကောက်ထောင်ကာ တက်ရောက်ခဲ့ပုံ ဗွီဒီယိုဖိုင် လူမှုကွန်ရက်တွင် ပျံ့နှံ့ခဲ့ပြီးနောက်ပိုင်း စတင် ကျော်ကြားလာခဲ့ခြင်း ဖြစ်သည်။

(ဆွန်းကော်ရှန်း (ညာဘက်မှလူ) က ကျန်းမာရေးကောင်းရန် နေထိုင်ရန် ဆုံးဖြတ်ခဲ့ပြီးနောက် ၂၀၂၃ ခုနှစ် မေလတွင် ကင်းမြီးကောက်ထောင်ကာ စတင် တောင်တက်ခဲ့သည်။)

(ရှန်တုန်ပြည်နယ်သားဖြစ်သူ ဆွန်းကော်ရှန်းသည် ပေ ၅၀၀၀ ကျော် မြင့်မားသော ဝူတန်တောင်ထိပ်သို့ ကင်းမြီးကောက်ထောင်ကာ တက်ရောက်ခဲ့ပုံ ဗွီဒီယိုဖိုင် လူမှုကွန်ရက်တွင် ပျံ့နှံ့ခဲ့ပြီးနောက်ပိုင်း စတင် ကျော်ကြားလာခဲ့ခြင်း ဖြစ်သည်။)

(ဆွန်းကော်ရှန်းသည် လက်ရှိအချိန်အထိ တောင် ၃၄ လုံး တပ်ခဲ့ပြီးဖြစ်ရာ လာဂျွန်းတောင်၊ ယွမ်မန်တောင်နှင့် ပုံတွင် တွေ့ရသော ဝူတိုင်တောင်တို့ အပါအဝင် ဖြစ်သည်။ ဝူတိုင်တောင်သည် ဗုဒ္ဓဘာသာတို့ အထွတ်အမြတ်ထားသည့် နေရာဖြစ်ပြီး ပေ ၁၀၀၀၀ ကျော် မြင့်မားသည်။)

“ကျွန်တော် အခုတက်ရောက်ခဲ့တာက ၃၄ လုံးမြောက်ဖြစ်ပြီး အခက်အခဲဆုံးတောင်လည်း ဖြစ်ပါတယ်”ဟု ဆွန်းကော်ရှန်းက ပြောသည်။

“ဒီတောင်မှာ ကျွန်တော် အကြိမ် ၁၀၀ နီးပါးလောက် လဲကျခဲ့ပါတယ်။”

ဆွန်းကော်ရှန်းသည် ပင်လယ်ရေမျက်နှာပြင်အထက် ပေ ၄၇၀၀ မြင့်မားသော လူရှန်းတောင်ကို တက်ရာတွင် ၃ နာရီ ကြာမြင့်ခဲ့သည်။

လူရှန်းတောင်သည် တရုတ်ပြည်၏ အထင်ကရ တောင်တန်းများတွင် တစ်ခုအပါအဝင်ဖြစ်ပြီး အလျား ၁၅ မိုင်ရှိကာ အကျယ်မှာ ၆ မိုင်ရှိသည်။

(ထျန်မန်းတောင်သို့ ဆွန်းကော်ရှန်း တက်ရောက်ခဲ့ပုံ။)

(ပင်လယ်ရေမျက်နှာပြင်အထက် ပေ ၄၇၀၀ မြင့်မားသော လူရှန်းတောင်ကို တွေ့ရပုံ။)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Acrobatic adventurer climbs China's most famous mountains - balancing only on his palms Photo Credit-dailymail