ဟောင်ကောင်အခြေစိုက် အိမ်ခြံမြေရင်းနှီးမြှုပ်နှံမှုကုမ္ပဏီကြီး Gaw Capital က တိုကျိုမြို့ရှိ အထင်ကရ ဈေးဝယ်စင်တာကြီးကို ကန်ဒေါ်လာ ၁ ဘီလီယံအထိပေးကာ ဝယ်ယူ

ဟောင်ကောင်အခြေစိုက် အိမ်ခြံမြေရင်းနှီးမြှုပ်နှံမှုကုမ္ပဏီကြီး Gaw Capital နှင့် စင်္ကာပူအခြေစိုက် ရင်းနှီးမြှုပ်နှံမှု ကုမ္ပဏီ Patience Capital Group တို့ပူးပေါင်းကာ ဂျပန်နိုင်ငံ၊ တိုကျိုမြို့ရှိ အထင်ကရ ဈေးဝယ်စင်တာကြီးဖြစ်သော Tokyu Plaza Ginza ကို ဝယ်ယူလိုက်ကြောင်း ရိုက်တာသတင်းတစ်ရပ်တွင် ဖော်ပြသည်။

Tokyu Plaza Ginza သည် တိုကျိုမြို့လယ်ရှိ အထင်ကရ ဈေးဝယ်စင်တာကြီးဖြစ်ပြီး ကန်ဒေါ်လာ ၁ ဘီလီယံဖြင့် အရောင်းအဝယ်ဖြစ်ခဲ့ခြင်းဖြစ်ကြောင်း Gaw Capital ၏ ဂျပန်ရုံးခွဲအကြီးအကဲက ပြောသည်။

Gaw Capital ၏ ထုတ်ပြန်ချက်အရ Tokyu Plaza Ginza ကို ဝယ်ယူနိုင်ရန်တွက် ဖက်စပ်ကုမ္ပဏီတစ်ခု တည်ထောင်ခဲ့ရကြောင်း၊ Gaw Capital က ရှယ်ယာ ၉၁ ရာခိုင်နှုန်း၊ စင်္ကာပူကုမ္ပဏီ Patience Capital Group က ၉ ရာခိုင်နှုန်း အသီးသီး ပါဝင်ဝယ်ယူထားခြင်းဖြစ်သည်ဟု ဆိုသည်။

ဂျပန်တွင် အကြီးမားဆုံး အိမ်ခြံမြေအရောင်းအဝယ်များအနက် ယခုအရောင်းအဝယ်မှာ နောက်ဆုံးဖြစ်ပေါ်ခဲ့သော အရောင်းအဝယ်ဖြစ်သည်။

Gaw Capital သည် ကမ္ဘာ့အကြီးမားဆုံး အင်စတီကျူးရှင်းအချို့၏ကိုယ်စား အိမ်ခြံမြေရင်းနှီးမြှုပ်နှံမှုများ ပြုလုပ်ပေးနေသည့် ကုမ္ပဏီတစ်ခုလည်း ဖြစ်သည်။

Gaw Capital သည် အထင်ကရ အိမ်ခြံမြေအရောင်းအဝယ်ကြီးများ ပြုလုပ်ကာ အိမ်ခြံမြေလောကကို မကြာခဏ ကိုင်လှုပ်လေ့ရှိသည့် ကုမ္ပဏီကြီး ဖြစ်သည်။

၂၀၁၉ ခုနှစ်အတွင်း Gaw Capital နှင့် Goldman Sachs တို့ အပါအဝင် ရင်းနှီးမြှုပ်နှံသူအုပ်စုသည် ဟောင်ကောင်ရှိ ဈေးဝယ်စင်တာ ၁၂ ခုကို Link REIT ထံမှ ဟောင်ကောင်ဒေါ်လာ ၁၂ ဘီလီယံ (ကန်ဒေါ်လာ ၁ ဒသမ ၅၃ ဘီလီယံ) ဖြင့် ဝယ်ယူခဲ့မှုမှာ ၂၀၁၉ ခုနှစ် ပထမနှစ်ဝက်အတွင်း အာရှ-ပစိဖိတ်ဒေသ ဈေးအကြီးဆုံး အိမ်ခြံမြေအရောင်းအဝယ်များ စာရင်းတွင် နံပါတ် ၂ နေရာ၌ ရပ်တည်ခဲ့သည်။

(ဆက်စပ်သတင်း)

https://www.imyanmarhouse.com/news/read/853883

၂၀၁၉ ခုနှစ် ဧပြီလအတွင်း Gaw Capital သည် တိုကျိုရှိ ၁၃ ထပ် ရုံးခန်း တာဝါကြီးကို ယန်းငွေ ၈၄ ဘီလီယံဖြင့် ဝယ်ယူခဲ့မှုမှာလည်း အိမ်ခြံမြေလောက၏ ထိပ်တန်းသတင်းတစ်ရပ် ဖြစ်ခဲ့သည်။

(ဆက်စပ်သတင်း)

တိုကျိုရှိ ၁၃ ထပ် ရုံးခန်းတာဝါကြီးကို ဟောင်ကောင်ကုမ္ပဏီ Gaw Capital Partners က ယန်းငွေ ၈၄ ဘီလီယံဖြင့် ဝယ်ယူ

https://www.imyanmarhouse.com/news/read/819295

Gaw Capital သည် ၂၀၂၀ ပြည့်နှစ်၊ ဖေဖော်ဝါရီလအတွင်းကလည်း သြစတေးလျ၏ အကြီးမားဆုံး သိုလှောင်ရုံလုပ်ငန်းလုပ်ကိုင်သည့် National Storage REIT (NSR) ကို အမေရိကန်ကုမ္ပဏီ Warburg Pincus နှင့်အပြိုင် လေလံဆွဲရန် ကြိုးပမ်းခဲ့ဖူးသည်။

(ဆက်စပ်သတင်း)

အမေရိကန်ကုမ္ပဏီ Warburg Pincus က သြစတေးလျ ကုမ္ပဏီကြီးကို ရယူရန် ဟောင်ကောင်ထိပ်သီး Gaw Capital နှင့် အပြိုင်အဆိုင် လေလံဆွဲ

https://www.imyanmarhouse.com/news/read/894980

“ဂျပန်အိမ်ခြံမြေဈေးကွက်ဟာ နှစ်သက်စရာ မက်ခရိုစီးပွားရေးအခြေခံကောင်းတွေ ထောက်ပံ့ထားတာကြောင့် ရင်းနှီးမြှုပ်နှံဖို့ အချိန်ကောင်းပါ” ဟု Gaw Capital ၏ ဂျပန်ရုံးခွဲအကြီးအကဲ Isabella Lo က ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Hong Kong's Gaw Capital buys iconic Tokyo mall for over $1 billion