ဂွင်းနက်ပက်ထရိုးက လော့စ်အိန်ဂျလိ မီးဘေးမှ ကင်းလွတ်ခဲ့သော သူ၏ စံအိမ်ကို ကန်ဒေါ်လာ ၂၂ သန်းဖြင့် ရောင်းထုတ်

ဂွင်းနက်ပက်ထရိုး ကာလကြာရှည်ပိုင်ဆိုင်ခဲ့သော လော့စ်အိန်ဂျလိစံအိမ်မှာ တောမီးရန်မှ ကင်းလွတ်ခဲ့ပြီး တစ်လမပြည့်မီ ကန်ဒေါ်လာ ၂၂ သန်းဖြင့် အရောင်းအဝယ်ဖြစ်သွားသည်။

ယခုစံအိမ်ကို ဂွင်းနက်ပက်ထရိုး ၂၀၂၄ ခုနှစ်၊ မေလကတည်းက ကန်ဒေါ်လာ ၂၉ ဒသမ ၉၉ သန်းဖြင့် အရောင်းဈေးကွက်တင်ထားခဲ့ခြင်းဖြစ်ပြီး တောမီးဘေးမှ ကံကောင်းထောက်မစွာ လွတ်ကင်းခဲ့သည်။

ထို့နောက် အောက်တိုဘာလတွင် ကန်ဒေါ်လာ ၂၄ ဒသမ ၉ သန်းသို့ ဈေးလျှော့ပေးခဲ့သည်။

အဆိုပါစံအိမ်ကို ဂွင်းနက်ပက်ထရိုးနှင့် ခင်ပွန်းဟောင်း ခရစ္စမာတင်တို့က ၂၀၁၂ ခုနှစ်အတွင်း ကန်ဒေါ်လာ ၉ ဒသမ ၉၅ သန်းဖြင့် ဝယ်ယူခဲ့ခြင်းဖြစ်ကြောင်း အိမ်ခြံမြေမှတ်တမ်းများတွင် ဖော်ပြထားသည်။

ဝယ်လက် မည်သူဖြစ်သည်ကိုမူ မသိရချေ။

စံအိမ်တည်နေရာမှာ ဘရန့်ဝုဒ်မှ Mandeville Canyon အရပ်တွင် တည်ရှိသည်။

ဘရန့်ဝုဒ်သည် ခြံကြီးဝန်းကြီးများ၊ မြင့်မားသော ခြံစည်းရိုးများ၊ သစ်ကြီးဝါးကြီးများဖြင့် ဆိတ်ငြိမ်အေးချမ်းသော အရပ် ဖြစ်သည်။

လော့စ်အိန်ဂျလိစ် တောမီးမှ ကံကောင်းထောက်မစွာ လွတ်ကင်းခဲ့သော နေရာလည်း ဖြစ်သည်။

တောမီး လောင်ကျွမ်းပြီးနောက်ပိုင်း နေအိမ်ဆုံးရှုံးသွားသူတို့မှာ နေရေးအတွက် နေအိမ်များ ရှာဖွေ လာကြရာ မီးဘေးလွတ်ကင်းသော နေရာများရှိ အိမ်ဈေးများ မြင့်တက်လာနေသည်။

သို့သော် ဂွင်းနက်ပက်ထရိုး၏ နေအိမ်မှာ တောမီး မတိုင်ခင်ကတည်းက အရောင်းအဝယ် တည့်ထားခြင်းဖြစ်သည်ဟု ဆိုသည်။

(ဂွင်းနက်ပက်ထရိုးကို ၂၀၂၄ ခုနှစ်က ရိုက်ကူးထားသော ဓာတ်ပုံ။ ဓာတ်ပုံ-ZUMA Press)

ဂွင်းနက်ပက်ထရိုးသည် ခင်ပွန်းဖြစ်သူ ဇာတ်ညွှန်းရေးဆရာ၊ ရုပ်ရှင်ဒါရိုက်တာ ဘရက်ဒ်ဖဲလ်ချက် (Brad Falchuk) နှင့် ၂၀၁၈ ခုနှစ်က လက်ထပ်ခဲ့ခြင်း ဖြစ်သည်။

ယခုအိမ် ရောင်းချရခြင်းမှာ သားသမီးများ အရွယ်ရောက်လာသည့်အပြင် မွန်တီစီတိုတွင် ဆောက်လုပ်နေသော နေအိမ်သစ် မကြာသေးမီက အပြီးသတ်သွားသောကြောင့် ဖြစ်ကြောင်း အိမ်ခြံမြေ အကျိုးဆောင် Lea Porter က ပြောသည်။

(ဆက်စပ်သတင်း)

ရုပ်ရှင်မင်းသမီး ဂွင်းနက်ပက်ထရိုးနှင့် ခင်ပွန်းရုပ်ရှင်ဒါရိုက်တာ Brad Falchuk တို့ ၇ နှစ်နီးပါး ဆောက်လုပ်လျက်ရှိသော ကယ်လီဖိုးနီးယားပြည်နယ်မှ စံအိမ်အပြီးသတ်ပြီးစီး

https://www.imyanmarhouse.com/news/read/1073346

၁၉၅၀ ပြည့်လွန်ကာလများက ဆောက်လုပ်ခဲ့ခြင်းဖြစ်ပြီး တစ်ထပ်အိမ်ဖြစ်ကာ ၂၀၀၉ ခုနှစ်ဝန်းကျင်တွင် ပြန်လည်လည်မွမ်းမံမှုများ ပြုလုပ်ခဲ့သည်။

စံအိမ်အကျယ် စတုရန်းပေ ၈၀၀၀ ခန့်ရှိပြီး အိပ်ခန်း ၆ ခန်းနှင့် ထင်းသုံးမီးလင်းဖိုပါ မီးဖိုဆောင်တစ်ခုတို့ ပါဝင်သည်။

ထို့အပြင် ဝိုင်သိုလှောင်ခန်း၊ ရုံးခန်း၊ အားကစားလေ့ကျင့်ခန်းမ၊ ဂိမ်းကစားခန်း၊ ရုပ်ရှင်ရုံနှင့် အိပ်ခန်းတစ်ခန်းတို့ ပါဝင်သော ဧည့်ဂေဟာအိမ်တစ်လုံးလည်း ရှိသည်။

(ဆက်စပ်သတင်း)

ဘင်အက်ဖလက်၏ အိပ်ယာတွင်း စွမ်းဆောင်ရည်မှာ ဘရက်ပစ်ထက်ကောင်းကြောင်း ထုတ်ပြောလာသူ ရုပ်ရှင်မင်းသမီး ဂွင်းနက်ပက်ထရိုး၏ စံအိမ် https://www.imyanmarhouse.com/news/read/1065487

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Gwyneth Paltrow Gets $22 Million for Her Los Angeles Home Photo Credit- ZUMA Press s