ပြည်ပ အိမ်ခြံမြေ သတင်း | Posted by ဇာနည်ကျော်
ဒေါ်လာ သန်း ၂၀၀၀ Powerball ထီဆုကြီး ကံထူးခဲ့သူ အက်ဒ်ဝင် ကက်စ်ထရို၏ မာလီဘူးအရပ်မှ နေအိမ် လော့စ်အိန်ဂျလိ တောမီးထဲ ပါသွားသည်။
သူ၏ ကန်ဒေါ်လာ ၃ ဒသမ ၈ သန်းတန် နေအိမ်မှာ ကွန်ကရစ်တိုင်များသာ ကျန်ခဲ့ပြီး သစ်သားများကို မီးလောင်နေဆဲ မီးခိုးတလူလူဖြင့် တွေ့ရကြောင်း နယူးယောက်ပို့စ် သတင်းဌာနက ဖော်ပြသည်။
ကက်စ်ထရိုသည် ၂၀၂၂ ခုနှစ်၊ နိုဝင်ဘာလအတွင်း Powerball ထီ၏ သမိုင်းတလျှောက် ဆုကြေး အမြင့်မားဆုံးဖြစ်သော ကန်ဒေါ်လာ ၂ ဒသမ ၀၄ ဘီလီယံ ထီဆုကြီး ကံထူးခဲ့ပြီးနောက်ပိုင်း လော့စ်အိန်ဂျလိ၏ အထင်ကရ နေရာများတွင် နေအိမ်များစွာ ဝယ်ယူခဲ့သည်။
(ကက်စ်ထရို၏ အိမ်မှာ အိပ်ခန်း ၂ ခန်း၊ ရေချိုးခန်း ၃ ခန်းပါပြီး စတုရန်းပေ ၁၅၄၁ ကျယ်ဝန်းသည်။ ဓာတ်ပုံ-Backgrid)
(ပစိဖိတ်ကမ်းရိုးတန်း အဝေးပြေးလမ်းမကြီးဘေးတွင်ရှိသော ကက်စ်ထရို၏ နေအိမ် မီးလောင်ပြီး တွေ့ရသည့် မြင်ကွင်း။ ဓာတ်ပုံ-Backgrid)
အသက် ၃၁ နှစ်အရွယ်ရှိ ကက်စ်ထရိုသည် ယခုအိမ်ကို ၂၀၂၃ ခုနှစ်အတွင်း ဝယ်ယူခဲ့ခြင်းဖြစ်သည်။
သူ၏ နေအိမ်တည်ရှိရာ Big Rock Beach ကမ်းခြေဒေသတလျှောက် ယခင်က နေအိမ်ပေါင်းများစွာ စီတန်း တည်ရှိခဲ့ပြီး ယခုအခါတွင်မူ နေအိမ်အားလုံး မီးသင့်သွားသည်။
(၂၀၂၃ ခုနှစ်အတွင်း ဝယ်ယူခဲ့ခြင်း ဖြစ်သည်။)
(တချိန်က ကက်စ်ထရို၏အိမ် ရှိခဲ့သော အိမ်ရှေ့လမ်းပေါ်တွင် ဖုန်းတိုင်ကြီးတစ်ခု လဲကျနေပုံ။ ဓာတ်ပုံ-Backgrid)
(Big Rock Beach တွင် တစ်ချိန်က နေအိမ်များ စီတန်းတည်ရှိခဲ့ဖူးသည်။ ဓာတ်ပုံ-London Entertainment)
(၂၀၂၄ ခုနှစ်၊ သြဂုတ်လ ၇ ရက်တွင် အက်ဒ်ဝင် ကက်စရိုသည် မိတ်ဆွေတစ်ဦးနှင့်အတူ လော့စ်အိန်ဂျလိရှိ Manuela စားသောက်ဆိုင်တွင် နေ့လယ်စာစားပြီးနောက် ပြန်ထွက်လာပုံ။ ဓာတ်ပုံ-Rafael Fontoura for NY Post)
ကက်စ်ထရိုသည် ထီပေါက်ပြီးနောက်ပိုင်း သူငယ်ချင်းများနှင့် ဖီဂျီသို့ အလည်အပတ်ခရီးစဉ် ထွက်ခဲ့မှုအပါအဝင် ငွေကြေးသုံးစွဲမှုများ ဆက်တိုက်ပြုလုပ်ခဲ့သည်။
ကက်စ်ထရိုက ဆုငွေကို တစ်ကြိမ်တည်း အပြီးထုတ်ယူရန် ရွေးချယ်ခဲ့ရာ ကန်ဒေါ်လာ ၉၉၇ ဒသမ ၆ သန်း ရရှိခဲ့သည်။
ယင်းနောက်ပိုင်း လော့စ်အိန်ဂျလိတွင် နေအိမ် ၃ လုံးနှင့် မော်တော်ကားပေါင်းများစွာ ဝယ်ယူခဲ့သည်။
ဝယ်ယူခဲ့သော နေအိမ်များ၏ စုစုပေါင်းတန်ကြေးမှာ ကန်ဒေါ်လာ ၇၆ သန်းရှိပြီး ဟောလိဝုဒ်ဟေးတွင် ဒေါ်လာ ၂၅ ဒသမ ၅ သန်းတန် စံအိမ်၊ မိဘများအတွက် ဝယ်ယူပေးခဲ့သော ဒေါ်လာ ၄ သန်းတန်စံအိမ်၊ Bel Air အရပ်ရှိ ဒေါ်လာ ၄၇ သန်းတန် စံအိမ်တို့ ဖြစ်သည်။
(မှင်နီဖြင့် ဝိုင်းပြထားသည့်နေရာမှာ ကက်စ်ထရို၏ နေအိမ်ရှိခဲ့သော နေရာ ဖြစ်သည်။ ဓာတ်ပုံ-John Chapple)
(မီးလောင်ပြီး ကျန်ရစ်ခဲ့ပုံ မြင်ကွင်း။ ဓာတ်ပုံ-Backgrid)
(တောမီး လောင်ကျွမ်းနေဆဲ နေရာများ။ ဓာတ်ပုံ-New York Post)
(မီးလောင်ပြီး ကျန်ရစ်ခဲ့ပုံ မြင်ကွင်း။ ဓာတ်ပုံ-Backgrid)
(မီးဘေးကြောင့် အနည်းဆုံး လူ ၁၀ ဦး သေဆုံးခဲ့သည်။ ဓာတ်ပုံ-London Entertainment)
(မီး၏ ၆ ရာခိုင်နှုန်းသာ မီးထိန်းနိုင်ခဲ့သည်။ ဓာတ်ပုံ-London Entertainment)
(မီးလောင်ပြီး ကျန်ရစ်ခဲ့ပုံ မြင်ကွင်း။ ဓာတ်ပုံ-Backgrid)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: $2-billion Powerball jackpot winner loses home in L.A. County wildfire Photo Credit- Backgrid, London Entertainment
