ဗဟုသုတ | Posted by စည်သူအောင်
ဟောင်ကောင် ရေကြောင်းရဲအရာရှိတစ်ဦးသည် ဟောင်ကောင်ရှိ Mark Six ထီမှ ၁၀ ဒေါ်လာဖိုး ဖုန်းဆက် ထီထိုးခဲ့ရာ ဟောင်ကောင်ဒေါ်လာ ၆၉ သန်း (ကန်ဒေါ်လာ ၈ ဒသမ ၉ သန်း) ဆုကြီး ကံထူးသွားသည်။
South China Morning Post သတင်းဌာနက တွေ့ခဲ့သော ဓာတ်ပုံတစ်ခုတွင် ရဲအရာရှိ၏ ဟောင်ကောင် ဒေါ်လာ ၆၉,၂၃၄,၀၂၀ ဆုကြီး ကံထူးခဲ့သော ထီလက်မှတ်ကို တွေ့ခဲ့သည်။
သတင်းရင်းမြစ်တို့၏ အတည်ပြုချက်အရ အဆိုပါရဲအရာရှိသည် ရေကြောင်းရဲတပ်ဖွဲ့မှ လှေငယ်ဌာနတွင် တာဝန်ထမ်းဆောင်သူဖြစ်ပြီး လက်ရှိအားဖြင့် ခွင့်ယူထားသည်ဟု ဆိုသည်။
“သူ့ရဲ့ တာဝန်ချိန်အတွင်းမှာ ထီလက်မှတ်သွားဝယ်ခဲ့တာ မဟုတ်ပါဘူး” ဟု သတင်းရင်းမြစ်တစ်ခုက SCMP သို့ ပြောသည်။
အဆိုပါ ရဲအရာရှိသည် ဟောင်ကောင်ရှိ ထီအရောင်းဆိုင်ထံ သွားရောက်ဝယ်ယူခဲ့ခြင်းမဟုတ်ဘဲ ဖုန်းဆက်ကာ ထီလက်မှတ်ဝယ်ယူခဲ့ခြင်း ဖြစ်ကြောင်းလည်း အဆိုပါသတင်းရင်းမြစ်က ပြောသည်။
အခြားသတင်းရင်းမြစ်တစ်ခုက ပြောသည်မှာ အဆိုပါ ရဲအရာရှိသည် မမျှော်လင့်သော ပွပေါက်တိုးမှုအတွက် အလွန်စိတ်လှုပ်ရှားနေောကာင်း၊ မိသားစုနှင့်အတူ အပန်းဖြေကာလပြီးဆုံးပါက ပြန်လည်တာဝန်ထမ်းဆောင် မည် ဖြစ်ကြောင်း ပြောသည်။
ဟောင်ကောင်တွင် ရဲအရာရှိတစ်ဦး ထီဆုကြီး ကံထူးသည်မှာ ယခုဖြစ်ရပ်သည် ပထမဆုံးအကြိမ် မဟုတ်ချေ။
၁၉၉၅ ခုနှစ်က ဟောင်ကောင်ဒေါ်လာ ၃ ဒသမ ၁၆ သန်းစီ ကံထူးခဲ့သော အရာရှိ ၁၂ ဦးရှိခဲ့ပြီး ရဲမင်းကြီးဟောင်း Dick Lee Ming-kwai လည်း အပါအဝင် ဖြစ်သည်။
(ရဲအရာရှိ ထီဆုကြီး ကံထူးသည့်သတင်းမှာ ဟောင်ကောင်ရဲတပ်ဖွဲ့အကြား အလွန်ကျော်ကြားနေသည်။ ဓာတ်ပုံ-Handout)
ပြီးခဲ့သော အင်္ဂါနေ့က Mark Six ၏ Jackpot ဆုကြေး ဟောင်ကောင်ဒေါ်လာ ၁၃၈ သန်းကို ဖွင့်လှစ်ပေးခဲ့ရာ ထီဂဏန်း ၂ ခုအကြား ဆုငွေ မျှဝေပေးခဲ့သည်။
စုစုပေါင်း ထီဆုငွေပမာဏမှာ ဟောင်ကောင်ဒေါ်လာ သန်း ၃၃၀ ရှိသည်။
ဒုတိယဆုမှာ ဟောင်ကောင်ဒေါ်လာ ၈၄၄၅၆၀ ဖြစ်ပြီး ဒုတိယဆု ၁၄ ဆု ပါဝင်သည်။
တတိယဆုမှာ ဟောင်ကောင်ဒေါ်လာ ၄၈၃၉၀ ဖြစ်ကာ ဆုပေါင်း ၆၅၁ ဆု ပါဝင်သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Hong Kong marine police officer hits HK$69 million jackpot in Mark Six lottery Photo Credit-Handout
![[ရာစုနှစ်၏ မင်္ဂလာပွဲကြီး] ဂျက်ဘေးဇော့စ်နှင့် လော်ရန်ဆန်းချက်ဇ်တို့၏ ဗင်းနစ်မင်္ဂလာပွဲ အချက်အလက်နှင့် ကိန်းဂဏန်းများ](https://imh-images-prod.s3.ap-southeast-1.amazonaws.com/pictures/news/dr5b5kh/1150723-0410243001751007761-02.jpg)
