ဆန်ဖရန်စစ္စကိုတွင် ဒေါ်လာ ၁ ဒသမ ၄ သန်းတန်နေအိမ်ကို ဒေါ်လာ ၄၈၈၀၀၀ မျှဖြင့် အရောင်းတင်ထားရာ ဝယ်ယူလိုသူများ လူတန်းရှည်ကြီးဖြစ်ကာ တန်းစီကြည့်ရှုကြ၊ သတိပြုရမည့်အချက်မှာ အိမ်ငှားရှိနေပြီး ပိုင်ရှင်သစ်အနေဖြင့် ၂၀၅၃ ခုနှစ်ရောက်မှသာ နေထိုင်ခွင့်ရှိမည်

6 Dec 2024 12:05 pm တွင် တင်ခဲ့သည်

639 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ရွှေစင်ဝင်း

အမေရိကန်ပြည်၊ ဆန်ဖရန်စစ္စကိုမြို့၊ Russian Hill ရှိ အက်ဒ်ဝါ့ဗိသုကာဟန်ဖြင့် ဆောက်လုပ်ထားသော စံအိမ်တစ်လုံး ဒေါ်လာ ၄၈၈၀၀၀ မျှဖြင့် အရောင်းဈေးကွက်ဝင်နေသည်။

ဆန်ဖရန်စစ္စကိုတွင် အလယ်လတ်တန်းအိမ်တစ်လုံး၏ ပျမ်းမျှဈေးနှုန်းမှာ ကန်ဒေါ်လာ ၁ ဒသမ ၂ သန်းဖြစ်ရာ ယခုခေါ်ဈေးမှာ ထက်ဝက်ပင် မရှိချေ။

ထို့အပြင် ယခုအိမ်၏ ခန့်မှန်းတန်ဖိုးမှာ ဒေါ်လာ ၁ ဒသမ ၄ သန်းဖြစ်ရာ တန်ဖိုး၏ ၃ ပုံ ၁ ပုံခန့်သာ ဈေးခေါ်ထားခြင်း ဖြစ်သည်။

ထို့ကြောင့် ရုတ်တရက်ကြည့်လိုက်လျှင် ဗိုက်နာသည့်ဈေးဖြစ်ကာ အလွန်တန်သည်ဟု ယူဆဖွယ်ရှိသည်။

သို့သော် အထူးသတိပြုစရာ အချက်တစ်ခု ရှိနေသည်။

နေအိမ်ကို ဝယ်ယူမည့် ပိုင်ရှင်သစ်အနေဖြင့် နောင်နှစ်ပေါင်း ၃၀ ကြာသည်အထိ ရွှေ့ပြောင်းနေထိုင်ခွင့် မရှိသည့်အချက်ပင်။

အရောင်းကြော်ငြာတွင် ဖော်ပြထားချက်အရ လက်ရှိတွင် အိမ်ငှားများနေထိုင်လျက်ရှိပြီး ဆန်ဖရန်စစ္စကို အိမ်ငှားများ အကာအကွယ်ပေးရေးဥပဒေအရ ၂၀၅၃ ခုနှစ်အထိ နေထိုင်ခွင့်ရရှိထားသည်။

ကမာရွတ်မြို့နယ်၊ အောင်မြေသာစည်အိမ်ရာ နှစ်ထပ်လုံးချင်းအရောင်း / Landed House for Sales Kamayut Townsh

32,000 သိန်း (ကျပ်)

ကမာရွတ် | ရန်ကုန်တိုင်းဒေသကြီး

ရန်ကင်း ကျောက်ကုန်း ဘောက်ထော် လုံးချင်းအရောင်း

25,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

Star City အိမ်ရာရှိ ပြင်ဆင်ပြီး အခန်းကောင်းပိုင်ရှင်ကိုယ်တိုင်ရောင်းမည်

4,400 သိန်း (ကျပ်)

သန်လျင် | ရန်ကုန်တိုင်းဒေသကြီး

ထိုအိမ်ငှားတို့ လက်ရှိပေးနေသော အိမ်လခမှာ မယုံနိုင်လောက်အောင် နည်းပါးပြီး တစ်လလျှင် ၄၁၇ ဒေါ်လာသာ ပေးရသည်။

ကာလာကြာရှည် အိမ်ငှားနေထိုင်သူတို့ကို အကာအကွယ်ပေးသည့် ဥပဒေ ဖြစ်သည်။ အရောင်းကြော်ငြာတွင် ဖော်ပြချက်အရ အိမ်ဝယ်ယူမည့်သူအနေဖြင့် မဝယ်မီ နေအိမ်အတွင်း ခေတ္တမျှ လှည့်လည်ကြည့်ရှုခွင့် ရ၊မရကိုပင် အိမ်ခြံမြေအကျိုးဆောင်က အာမခံ မထားချေ။

(နေအိမ်ခန့်မှန်းပေါက်ဈေးဖြစ်သော ဒေါ်လာ ၁ ဒသမ ၄ သန်းအောက် ၃ ပုံ ၁ ပုံနီးပါးသာရှိသော ဈေးဖြင့် အရောင်းတင်ထားသည်။ ဓာတ်ပုံ-Realtor)

ထိုသို့ နေအိမ်တွင် ဥပဒေကြောင်း အရှုပ်အထွေးများရှိနေသောကြောင့် ဝယ်လက်အနေဖြင့် မဝယ်မီတွင် ရှေ့နေနှင့် တိုင်ပင်ဆွေးနွေးသင့်သည်။

အိမ်ငှားရှိနေခြင်း၊ နှစ်ပေါင်း ၃၀ အထိ အိမ်တက်ခွင့်မရနိုင်ခြင်း ပြဿနာအပြင် အခြားပြဿနာတစ်ခုလည်း ရှိနေသေးသည်။

ယခင်ပိုင်ရှင်မှာ အသက် ၁၀၀ ကျော်အရွယ်ရှိ အဘိုးအိုဖြစ်ပြီး နေအိမ်အတွင်း သေဆုံးသွားခဲ့သည်။

နေအိမ်ကို စတင်အရောင်းဈေးကွက်တင်ချိန်တွင် စိတ်ဝင်စားသူ အလွန်များပြားခဲ့သည်။

အိမ်နီးချင်းတစ်ဦးဖြစ်သူ Iiia Smith က ABC သတင်းဌာနသို့ ပြောသည်မှာ နေအိမ်ကို ကြည့်လိုသောသူများ လူတန်းရှည်ကြီးဖြစ်ကာ တစ်လမ်းလုံးအပြည့်ဖြစ်နေခဲ့ကြောင်း ပြောသည်။

San Franciaco Standard သတင်းဌာန၏ ဖော်ပြချက်အရ ယခုအိမ်တွင် မိသားစုအကြား အရှုပ်အရှင်းများလည်း ရှိနေကြောင်း ဖော်ပြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: $1.4 Million San Francisco Home That Former Owner Died In Sells for Just $488K—but Buyer Can’t Move In Until 2053 (realtor) Photo Credit-Realtor

ေစ်းႏႈန္း ဗဟုသုတ သိမွတ္ဖြယ္ရာ ေငြေပးေခ်မႈ

Share on Facebook

Share on Twitter