ပြည်ပ အိမ်ခြံမြေ သတင်း | Posted by နှင်းအိခင်
၂၀၂၄ ခုနှစ် အမေရိကန်သမ္မတ ရွေးကောက်ပွဲအပြီးတွင် အမေရိကန်ဒုတိယသမ္မတ ခါမလာ ဟဲရစ်သည် ဝါရှင်တန်ဒီစီကို ကျောခိုင်းကာ ဟာဝိုင်အီရှိ ဒေါ်လာ ၇ သန်းတန် စံအိမ်တွင် သွားရောက်နေထိုင်လျက် ရှိသည်။
ဒေါ်နယ်ထရမ့်ကို ရွေးကောက်ပွဲတွင် အပြတ်အသတ် အရေးနိမ့်ခဲ့ပြီးနောက် လူသူကင်းဝေးရာ အဆိုပါအိမ်တွင် ခါမလာဟဲရစ်သည် ခင်ပွန်းဖြစ်သူ Doug Emhoff နှင့်အတူ ၆ ရက်ကြာ သွားရောက်ပုန်းအောင်း နေထိုင်ခဲ့ သည်ဟုဆိုသည်။
သတင်းများအရ အသက် ၆၀ တန်းများဖြစ်ကြသော ခါမလာဟဲရစ်နှင့် Emhoff တို့ ဇနီးမောင်နှံသည် ဟာဝိုင်အီမှ Kamuela ဒေသတွင် နေအိမ်တစ်လုံးကို တစ်ညလျှင် ဒေါ်လာ ၁၃၀၀ ဖြင့် ငှားရမ်းခဲ့ကြသည်။
ထို့နောက် ဝါရှင်တန်ဒီစီမှ နိုဝင်ဘာ ၁၉ ရက်တွင် ထွက်ခွာခဲ့ကြပြီး နိုဝင်ဘာ ၂၅ ရက်တွင် ပြန်ရောက်သည်။
ဒုသမ္မတ စုံတွဲ ငှားရမ်းတည်းခိုခဲ့သည့်အိမ်မှာ luxury resort တစ်ခုဖြစ်သော Mauna Kea တွင် တည်ရှိသည်ဟု ဆိုသည်။
Mauna Kea အပန်းဖြေစခန်းတွင် ဟိုတယ်ကြီးတစ်ခုအပြင် သီးသန့်စံအိမ်များရှိပြီး စံအိမ်များကိုလည်း ငှားရမ်းပေးရာ ဈေးနှုန်းမှာ မြင့်မားသည်။
“Mauna Kea အပန်းဖြေစခန်းမှာရှိတဲ့ သီးသန့်စံအိမ်တွေဟာ luxury ဖြစ်ပြီး တသီးတသန့် အပန်းဖြေနေထိုင်ရတဲ့ အတွေ့အကြုံကို ပေးစွမ်းမှာ ဖြစ်ပါတယ်။” ဟု Mauna Kea ၏ ဝက်ဘ်ဆိုက်တွင် ဖော်ပြသည်။
“ပင်လယ်ကို မျက်နှာမူတဲ့ စတူဒီယိုခန်းတွေကစပြီး အိပ်ခန်း ၄ ခန်းပါ ကွန်ဒိုခန်းတွေ၊ သီးသန့်အိမ်တွေအထိ ရွေးချယ်စရာနေရာတွေ အများကြီးရှိပါတယ်”
ခါမလာဟဲရစ်နှင့် Emhoff တို့စုံတွဲ တည်းခိုနေထိုင်ခဲ့သော အိမ်မှာ ဟာဝိုင်အီရှိ အထူးသီးသန့်ဆန်သည့် နေရာဖြစ်သော Fairways South တွင် တည်ရှိပြီး ဝန်းကျင်တခွင်တွင် သာယာလှပသော ရှုမျှော်ခင်းတို့က ဝန်းပတ်ထားသည်။
(သတင်းများအရ ခါမလာဟဲရစ်နှင့် Emhoff တို့ ဇနီးမောင်နှံသည် ဟာဝိုင်အီမှ Kamuela ဒေသတွင် နေအိမ်တစ်လုံးကို တစ်ညလျှင် ဒေါ်လာ ၁၃၀၀ ဖြင့် ၆ ရက် ငှားရမ်းခဲ့ကြသည်။ ဓာတ်ပုံ-Mauna Kea Resort)
(အိပ်ခန်း ၅ ခန်းပါ နေအိမ်ဖြစ်ပြီး ဝိုင်လုပ်ငန်းရှင် Michael Mondavi နှင့် ဆက်နွှယ်သော ကုမ္ပဏီတစ်ခုက ပိုင်ဆိုင်သည်။ ဓာတ်ပုံ-Realtor)
DailyMail သတင်းဌာန၏ ဖော်ပြချက်အရ ခါမလာဟဲရစ်တို့ ဇနီးမောင်နှံ ရွေးချယ်ငှားရမ်းခဲ့သောအိမ်မှာ အိပ်ခန်း ၅ ခန်းနှင့် ရေချိုးခန်း ၅ ခန်းပါဝင်ပြီး ၂၀၀၆ ခုနှစ်က ဒေါ်လာ ၅ သန်းဖြင့် အရောင်းအဝယ်ဖြစ်ခဲ့ သောအိမ်ဖြစ်သည်ဟု ဆိုသည်။
Realtor အိမ်ခြံမြေဝက်ဘ်ဆိုက်၏ ခန့်မှန်းချက်အရ လက်ရှိပေါက်ဈေး ကန်ဒေါ်လာ ၇ ဒသမ ၁ သန်း ဝန်းကျင်ရှိသည်ဟု ခန့်မှန်းသည်။
ထိုအိမ်တွင် ရေပူစိမ်ကန်၊ သီးသန့်ရေကူးကန်တို့ပါဝင်ပြီး ပင်လယ်ရှုမျှော်ခင်းများ ပိုင်ဆိုင်ထားကာ လူ ၁၀ ဦးကျော် တည်းခိုနိုင်သောအိမ်ဖြစ်သည်။
(အပန်းဖြေစခန်း၏ ဝက်ဘ်ဆိုက်တွင် ဖော်ပြချက်အရ ခါမလာဟဲရစ် တည်းခိုခဲ့သောအိမ်တွင် ရေပူစိမ်ကန်နှင့် သီးသန့်ရေကူးကန်တို့ ပါဝင်သည်ဟု ဆိုသည်။ ဓာတ်ပုံ-Realtor)
(မကြာသေးမီက ဓာတ်ပုံများအရ ပြုပြင်မွမ်းမံမှုများ ကြီးမားစွာ ပြုလုပ်ထားသည်ကို တွေ့ရသည်။ ဓာတ်ပုံ-Realtor)
(ဧည့်ခန်း မြင်ကွင်း။ ဓာတ်ပုံ-Realtor)
(သီးသန့်လုံးချင်းအိမ်များတွင် တည်းခိုသောဧည့်သည်တော်များအနေဖြင့် Mauna Kea ကမ်းခြေဟိုတယ်နှင့် Westin Hapuna Beach Resort တို့သို့ ဝင်ရောက်ခွင့်ရှိသည်။ ဓာတ်ပုံ-Realtor)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Inside $7 Million Hawaii Retreat Where Kamala Harris Holed Up After Election Loss to Donald Trump (realtor)
Photo Credit-Realtor
