ဓာတ်လှေကားစီးခြင်းထက် လှေကားမှတက်ခြင်းက အချိန်မတန်မီ သေဆုံးနိုင်မှုကို လျှော့ချပေးနိုင်ကြောင်း အင်္ဂလန်သိပ္ပံပညာရှင်များပြော

[Unicode]

ဓာတ်လှေကားစီးရန်သာ ဆန္ဒရှိသူများအနေဖြင့် ယခုဖော်ပြပါအချက်ကို သတိပြုသင့်သည်။

ယင်းကား လှေကားမှတက်ခြင်းမှာ သင်၏ ကျန်းမာရေးကို များစွာအကျိုးပြုကြောင်း သိပ္ပံပညာရှင်များက ပြောထားသည့်အချက်ပင်။

ယခုတွေ့ရှိလာသော သုတေသနသစ်အရ လှေကားမှ ပုံမှန်တက်နေသူများသည် မည်သည့်ရောဂါဖြင့်မဆို အချိန်မတန်မီ သေဆုံးနိုင်ချေ ၂၄ ရာခိုင်နှုန်းအထိ လျှော့ချပေးနိုင်သည့်အပြင် နှလုံးဖောက်ခြင်း၊ နှလုံးရပ်ခြင်း၊ လေဖြတ်ခြင်းတို့ဖြင့် သေဆုံးနိုင်ချေ ၃၉ ရာခိုင်နှုန်းအထိ လျှော့ချပေးနိုင်ကြောင်း တွေ့ရှိလာသည်။

လေ့လာတွေ့ရှိချက်များအရ လှေကားတက်ခြင်းကဲ့သို့ အနည်းငယ်မျှသော ကိုယ်လက်လှုပ်ရှားမှုသည်ပင်လျှင် အချိန်မတန်မီ သေဆုံးမှုအန္တရာယ်ကို လျှော့ချပေးနိုင်ကြောင်း တွေ့ရှိသည်ဟု သိပ္ပံပညာရှင်တို့က ပြောသည်။

အင်္ဂလန်နိုင်ငံ၊ နောဝစ်ချ်ခရိုင်ရှိ University of East Anglia မှ ဒေါက်တာ Sophie Paddock က “ဓာတ်လှေကားနဲ့ တက်မလား၊ လှေကားကနေ တက်မလား ရွေးချယ်စရာရှိလာတဲ့အခါ လှေကားကနေပဲ တက်ပါ။ အဲဒါက နှလုံးကျန်းမာရေးအတွက် အထောက်အကူဖြစ်စေပါတယ်” ဟု ပြောသည်။

“ကိုယ်လက်လှုပ်ရှား နည်းနည်းပါးပါးရှိရင်တောင် ကျန်းမာရေးအတွက် အကျိုးရှိစေပါတယ်။ လှေကားကနေ တက်တာဟာ နေ့စဉ်ဘဝရဲ့ အစိတ်အပိုင်းတစ်ခု ဖြစ်သင့်ပါတယ်”

Office for Health Improvement and Disparities မှ ထုတ်ပြန်သော အစီရင်ခံစာတစ်ရပ်အရ ဗြိတိန်တွင် သေဆုံးမှု ၆ ခုအနက် ၁ ခုမှာ ကိုယ်လက်လှုပ်ရှားမှု မရှိခြင်းနှင့် ဆက်နွှယ်သည့် ကျန်းမာရေးပြဿနာကြောင့် ဖြစ်သည်ဟု ဆိုသည်။

(ရုံးတက်ရာတွင် ဓာတ်လှေကားအစား လှေကားမှသာ တက်ရန် ကြိုးစားပါ။ ဓာတ်ပုံ-Getty/ Maskot)

အထောက်အထားများအရ တွေ့ရှိရသည်မှာ နေ့စဉ်ပုံမှန် လေ့ကျင့်ခန်းလုပ်လျှင် အသက်ငယ်ငယ်ဖြင့် သေဆုံးရခြင်းနှင့် နှလုံးရောဂါအန္တရာယ်များကို လျှော့ချပေးနိုင်ကြောင်း တွေ့ရှိထားသည်။

NHS က အကြံပြုထားသည်မှာ ရက်သတ္တပတ်လျှင် ပြင်းထန်မှု အလတ်စားရှိသော လေ့ကျင့်ခန်း မိနစ် ၁၅၀ ခန့် ပြုလုပ်သင့်သည်ဟု ဆိုသည်။

ယခုသုတေသနအတွက် သိပ္ပံပညာရှင်အဖွဲ့သည် လူပေါင်း ၄၈၀,၀၀၀ ကျော်ကို လေ့လာထားသည့် လေ့လာချက် ၉ ခုကို အခြေခံသော အချက်အလက်များအား သုံးသပ်ခဲ့ခြင်းဖြစ်သည်။

အဆိုပါလေ့လာချက်မှာ အသက် ၃၅ နှစ်မှ ၈၄ နှစ်ကြားအရွယ်ရှိသူများကို လေ့လာထားခြင်း ဖြစ်သည်။

ယခုလေ့လာချက်တွင် ကျန်းမာရေးကောင်းသူများနှင့် နှလုံးရောဂါရှိသူများ ပါဝင်ခဲ့ကြပြီး နှလုံးရောဂါ ရှိသူများ အနက် ၅၃ ရာခိုင်နှုန်းမှာ အမျိုးသမီးများ ဖြစ်ကြသည်။

(စက်လှေကားကိုလည်း အသုံးမပြုပါနှင့်။ ဓာတ်ပုံ-Getty)

“ဒီတွေ့ရှိချက်တွေကို အခြေပြုပြီး ကျွန်တော်တို့အနေနဲ့ ပြည်သူတွေကို တိုက်တွန်းလိုတာက နေ့စဉ်ဘဝမှာ လှေကားတက်တဲ့အချိန်တွေ ထားရှိဖို့ တိုက်တွန်းလိုပါတယ်။ ကျွန်တော်တို့ရဲ့ တွေ့ရှိချက်အရ လှေကားများများ တက်လေ အကျိုးရှိလေပါပဲ” ဟု ဒေါက်တာ Paddock က ပြောသည်။

“ဒါကြောင့် အလုပ်မှာပဲဖြစ်ဖြစ်၊ အိမ်မှာပဲဖြစ်ဖြစ်၊ ဘယ်မှာပဲဖြစ်ဖြစ် လှေကားကနေတက်ပါ” ဟု ၎င်းက ဖြည့်စွက် ပြောကြားသည်။

ယခုတွေ့ရှိချက်များကို European Society of Cardiology က ဂရိနိုင်ငံ၊ အေသင်မြို့တွင် ကျင်းပသော Preventive Cardiology ကွန်ဖရင့်တွင် တင်သွင်းခဲ့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: How just 20 seconds of exercise could save your life (metro)

Photo Credit: Getty/ Maskot ,Getty

[Zawgyi]

ဓာတ္ေလွကားစီးျခင္းထက္ ေလွကားမွတက္ျခင္းက အခ်ိန္မတန္မီ ေသဆံုးႏိုင္မႈကို ေလွ်ာ့ခ်ေပးႏိုင္ေၾကာင္း အဂၤလန္သိပၸံပညာရွင္မ်ားေျပာ

ဓာတ္ေလွကားစီးရန္သာ ဆႏၵရွိသူမ်ားအေနျဖင့္ ယခုေဖာ္ျပပါအခ်က္ကို သတိျပဳသင့္သည္။

ယင္းကား ေလွကားမွတက္ျခင္းမွာ သင္၏ က်န္းမာေရးကို မ်ားစြာအက်ဳိးျပဳေၾကာင္း သိပၸံပညာရွင္မ်ားက ေျပာထားသည့္အခ်က္ပင္။

ယခုေတြ႔ရွိလာေသာ သုေတသနသစ္အရ ေလွကားမွ ပံုမွန္တက္ေနသူမ်ားသည္ မည္သည့္ေရာဂါျဖင့္မဆို အခ်ိန္မတန္မီ ေသဆံုးႏိုင္ေခ် ၂၄ ရာခိုင္ႏႈန္းအထိ ေလွ်ာ့ခ်ေပးႏိုင္သည့္အျပင္ ႏွလံုးေဖာက္ျခင္း၊ ႏွလံုးရပ္ျခင္း၊ ေလျဖတ္ျခင္းတို႔ျဖင့္ ေသဆံုးႏိုင္ေခ် ၃၉ ရာခိုင္ႏႈန္းအထိ ေလွ်ာ့ခ်ေပးႏိုင္ေၾကာင္း ေတြ႔ရွိလာသည္။

ေလ့လာေတြ႔ရွိခ်က္မ်ားအရ ေလွကားတက္ျခင္းကဲ့သို႔ အနည္းငယ္မွ်ေသာ ကိုယ္လက္လႈပ္ရွားမႈသည္ပင္လွ်င္ အခ်ိန္မတန္မီ ေသဆံုးမႈအႏၱရာယ္ကို ေလွ်ာ့ခ်ေပးႏိုင္ေၾကာင္း ေတြ႔ရွိသည္ဟု သိပၸံပညာရွင္တို႔က ေျပာသည္။

အဂၤလန္ႏိုင္ငံ၊ ေနာဝစ္ခ်္ခရိုင္ရွိ University of East Anglia မွ ေဒါက္တာ Sophie Paddock က “ဓာတ္ေလွကားနဲ႔ တက္မလား၊ ေလွကားကေန တက္မလား ေရြးခ်ယ္စရာရွိလာတဲ့အခါ ေလွကားကေနပဲ တက္ပါ။ အဲဒါက ႏွလံုးက်န္းမာေရးအတြက္ အေထာက္အကူျဖစ္ေစပါတယ္” ဟု ေျပာသည္။

“ကိုယ္လက္လႈပ္ရွား နည္းနည္းပါးပါးရွိရင္ေတာင္ က်န္းမာေရးအတြက္ အက်ဳိးရွိေစပါတယ္။ ေလွကားကေန တက္တာဟာ ေန႔စဥ္ဘဝရဲ႕ အစိတ္အပိုင္းတစ္ခု ျဖစ္သင့္ပါတယ္”

Office for Health Improvement and Disparities မွ ထုတ္ျပန္ေသာ အစီရင္ခံစာတစ္ရပ္အရ ျဗိတိန္တြင္ ေသဆံုးမႈ ၆ ခုအနက္ ၁ ခုမွာ ကိုယ္လက္လႈပ္ရွားမႈ မရွိျခင္းႏွင့္ ဆက္ႏႊယ္သည့္ က်န္းမာေရးျပႆနာေၾကာင့္ ျဖစ္သည္ဟု ဆိုသည္။

(ရံုးတက္ရာတြင္ ဓာတ္ေလွကားအစား ေလွကားမွသာ တက္ရန္ ၾကိဳးစားပါ။ ဓာတ္ပံု-Getty/ Maskot)

အေထာက္အထားမ်ားအရ ေတြ႔ရွိရသည္မွာ ေန႔စဥ္ပံုမွန္ ေလ့က်င့္ခန္းလုပ္္လွ်င္ အသက္ငယ္ငယ္ျဖင့္ ေသဆံုးရျခင္းႏွင့္ ႏွလံုးေရာဂါအႏၱရာယ္မ်ားကို ေလွ်ာ့ခ်ေပးႏိုင္ေၾကာင္း ေတြ႔ရွိထားသည္။

NHS က အၾကံျပဳထားသည္မွာ ရက္သတၱပတ္လွ်င္ ျပင္းထန္မႈ အလတ္စားရွိေသာ ေလ့က်င့္ခန္း မိနစ္ ၁၅၀ ခန္႔ ျပဳလုပ္သင့္သည္ဟု ဆိုသည္။

ယခုသုေတသနအတြက္ သိပၸံပညာရွင္အဖြဲ႔သည္ လူေပါင္း ၄၈၀,၀၀၀ ေက်ာ္ကို ေလ့လာထားသည့္ ေလ့လာခ်က္ ၉ ခုကို အေျခခံေသာ အခ်က္အလက္မ်ားအား သံုးသပ္ခဲ့ျခင္းျဖစ္သည္။

အဆိုပါေလ့လာခ်က္မွာ အသက္ ၃၅ ႏွစ္မွ ၈၄ ႏွစ္ၾကားအရြယ္ရွိသူမ်ားကို ေလ့လာထားျခင္း ျဖစ္သည္။

ယခုေလ့လာခ်က္တြင္ က်န္းမာေရးေကာင္းသူမ်ားႏွင့္ ႏွလံုးေရာဂါရွိသူမ်ား ပါဝင္ခဲ့ၾကျပီး ႏွလံုးေရာဂါ ရွိသူမ်ား အနက္ ၅၃ ရာခုိင္ႏႈန္းမွာ အမ်ဳိးသမီးမ်ား ျဖစ္ၾကသည္။

(စက္ေလွကားကိုလည္း အသံုးမျပဳပါႏွင့္။ ဓာတ္ပံု-Getty)

ေလွကားမွ တက္ျခင္းသည္ အခ်ိန္မတန္မီ ေသဆံုးရျခင္းကို ေလွ်ာ့ခ်ေပးႏိုင္သည့္အျပင္ ႏွလံုးေရာဂါအႏၱရာယ္ မ်ားကိုလည္း က်ဆင္းေစႏိုင္ေၾကာင္း ေတြ႔ရွိခဲ့သည္။

“ဒီေတြ႔ရွိခ်က္ေတြကို အေျချပဳျပီး ကၽြန္ေတာ္တို႔အေနနဲ႔ ျပည္သူေတြကို တိုက္တြန္းလိုတာက ေန႔စဥ္ဘဝမွာ ေလွကားတက္တဲ့အခ်ိန္ေတြ ထားရွိဖုိ႔ တိုက္တြန္းလိုပါတယ္။ ကၽြန္ေတာ္တို႔ရဲ႕ ေတြ႔ရွိခ်က္အရ ေလွကားမ်ားမ်ား တက္ေလ အက်ဳိးရွိေလပါပဲ” ဟု ေဒါက္တာ Paddock က ေျပာသည္။

“ဒါေၾကာင့္ အလုပ္မွာပဲျဖစ္ျဖစ္၊ အိမ္မွာပဲျဖစ္ျဖစ္၊ ဘယ္မွာပဲျဖစ္ျဖစ္ ေလွကားကေနတက္ပါ” ဟု ၎က ျဖည့္စြက္ ေျပာၾကားသည္။

ယခုေတြ႔ရွိခ်က္မ်ားကို European Society of Cardiology က ဂရိႏိုင္ငံ၊ ေအသင္ျမိဳ႕တြင္ က်င္းပေသာ Preventive Cardiology ကြန္ဖရင့္တြင္ တင္သြင္းခဲ့သည္။

Ref: How just 20 seconds of exercise could save your life (metro)

Photo Credit: Getty/ Maskot ,Getty