ရုပ်ရှင်ရိုက်နေစဉ် တွဲဖက်သရုပ်ဆောင် မင်းသမီးကြီး၏ မျက်နှာကိုတည်ကာ တမင်သက်သက် အီးပေါက်ခဲ့သူ မင်းသားကြီးအာနိုး လက်ရှိအားဖြင့် မြည်းလေးတစ်ကောင်နှင့်အတူ အထီးကျန်စွာ နေထိုင်လျက်ရှိသော လော့စ်အိန်ဂျလိစံအိမ်

5 Nov 2024 11:47 am တွင် တင်ခဲ့သည်

340 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ရွှေစင်ဝင်း

ဟောလိဝုဒ်ထိပ်သီးကြယ်ပွင့် မင်းသားကြီး အာနိုး ရှဝါဇနက်ဂါသည် သြစထရီးယားနိုင်ငံရှိ သာမန်အိမ်တစ်လေးမှ စတင်ခဲ့သော ကလေးဘဝမှသည် ဘဝခရီးရှည်ကြီး ချီတက်ခဲ့ပြီး ဖြစ်သည်။

ကာယအလှမောင်၊ ရုပ်ရှုင်သရုပ်ဆောင်၊ နိုင်ငံရေးသမား အစရှိသော ဘဝများကို ဖြတ်သန်းခဲ့သည့် နှစ်ပေါင်း ၅၀ ကာလအတွင်း အိမ်ခြံမြေကဏ္ဍတွင် ရင်းနှီးမြှုပ်နှံခြင်းများဖြင့် ငွေကို တန်ဖိုးရှိရှိ အသုံးချခဲ့သည်။

အာနိုး၏ ချမ်းသာကြွယ်ဝမှုမှာ ကန်ဒေါ်လာ ၁ ဘီလီယံခန့်ရှိသည်ဟု ခန့်မှန်းရသည်။

ထိုသို့ နှစ်ပေါင်းများစွာ ကာလအတွင်း အာနိုးသည် အိမ်ခြံမြေရင်းနှီးမြှုပ်နှံမှုများ ပြုလုပ်ထားသည့်နည်းတူ အားကျဖွယ်ကောင်းသော စံအိမ်ကြီးများတွင် နေထိုင်ခဲ့သည်။

လက်ရှိအချိန်တွင်မူ မြည်းတစ်ကောင်၊ မြင်းပုလေးတစ်ကောင်တို့ကို အဖော်ပြုကာ အထီးကျန်စွာ ဘဝဖြတ်သန်းလျက်ရှိသည်။

((လက်ရှိအားဖြင့် အာနိုးဘယ်မှာနေလဲ))

(ဓာတ်ပုံ-Yuichi Yamazaki/ Getty Images)

The Terminator ရုပ်ရှင်ဇာတ်ကားများဖြင့် ကမ္ဘာကျော်သူ အာနိုးသည် လက်ရှိအားဖြင့် လော့စ်အိန်ဂျလိမြို့၊ Brentwood အရပ်ရှိ ကျယ်ဝန်းလှသောစံအိမ်ကြီးတွင် နေထိုင်လျက်ရှိသည်။

အာနိုးသည် အဆိုပါစံအိမ်ကို ဇနီးဟောင်း မာရီယာ ရှရိုင်ဗာနှင့်အတူ ၂၀၀၂ ခုနှစ်အတွင်းက ဝယ်ယူခဲ့ခြင်း ဖြစ်သည်။

ကယ်လီဖိုးနီးယားပြည်နယ် အုပ်ချုပ်ရေးမှူးအဖြစ် တာဝန်ထမ်းဆောင်ခဲ့သူ အာနိုးသည် ၂၀၂၄ ခုနှစ်၊ Forbes မဂ္ဂဇင်းကြီး၏ ကမ္ဘာ့ဘီလျံနာများစာရင်းတွင် ပါဝင်နေသည်။

အာနိုးသည် ဟောလိဝုဒ်၏ အောင်မြင်မှုအရဆုံး ရုပ်ရှင်သရုပ်ဆောင်များတွင် တစ်ဦးအပါအဝင်ဖြစ်ရုံမျှမက လိမ္မာပါးနပ်သောစီးပွားရေးသမားတစ်ဦးဖြစ်သော်လည်း ရွှေလင်ဗန်းနှင့် အချင်းဆေးကာ မွေးလာသူတစ်ဦးကား မဟုတ်။

((အာနိုးရှဝါဇနက်ဂါ၏ ကလေးဘဝနေအိမ်))

(ဓာတ်ပုံ-Michael Ochs Archives/ Getty Images)

အာနိုးကို သြစထရီးယားနိုင်ငံ အရှေ့တောင်ပိုင်းရှိ Thal ကျေးရွာလေးတွင် ၁၉၄၇ ခုနှစ်၊ ဇူလိုင်လ ၃၀ ရက်တွင် မွေးဖွားသည်။

ဖခင်မှာ ဒေသတွင်း ရဲအရာရှိတစ်ဦးဖြစ်ပြီး အာနိုးနှင့် အစ်ကိုဖြစ်သူ Meinhard တို့နှစ်ဦးမှာ တင်းကြပ်သော စစ်တပ်အသွင်အုပ်ချုပ်သည့်အိမ်ထောင်စုတွင် ကြီးပြင်းခဲ့ရသည်။

မှော်ဘီတိုးဂိတ်အကျော် ပြည်လမ်းမပေါ် ရှိတဲ့ 0.3 Acre ခြံ နှင့် အိမ် လေးပိုင်ရှင်ကိုယ်တိုင်ရောင်းမည် ?

28,000 သိန်း (ကျပ်)

မှော်ဘီ | ရန်ကုန်တိုင်းဒေသကြီး

တာမွေမြို့နယ်ရှိ (2860) sqft အကျယ် Royal Pho Sein Condo(2 MB, 2 SB) 8th Floor အရောင်း

6,000 သိန်း (ကျပ်)

တာမွေ | ရန်ကုန်တိုင်းဒေသကြီး

အင်းစိန်မြို့နယ်_ကြို့ကုန်း_မဟာသုခိတာလမ်းကျယ်_လုပ်ငန်းအတွက်ဂိုဒေါင်အဖြစ်သုံးမလား #နေထိုင်ရန်အတွက်အိမ

7,000 သိန်း (ကျပ်)

အင်းစိန် | ရန်ကုန်တိုင်းဒေသကြီး

မိမိ၏ ငယ်စဉ်ဘဝမှာ ခက်ခဲခဲ့ကြောင်း၊ မနက်စာ စားရရန်အတွက်ပင်လျှင် ညီအစ်ကို နှစ်ဦး ထိုးသတ်ယှဉ်ပြိုင်ရကာ အနိုင်ရသူက မနက်စာစားစေရန် ဖခင်က စီစဉ်ထားကြောင်း အာနိုးက ပြောသည်ဟု ဗြိတိန်သတင်းစာ The Independent တွင် ဖော်ပြသည်။

(ဓာတ်ပုံ-Sean Gallup/ Getty Images)

အာနိုး၏ ငယ်စဉ်ဘဝတလျှောက် ၎င်းတို့မိသားစုသည် ဖခင်ဖြစ်သူ Gustav တာဝန်ထမ်းဆောင်သော ရဲစခန်းအဆောက်အအုံ၏ အပေါ်ထပ်တွင် နေထိုင်ခဲ့ကြသည်။

ရဲစခန်းအဆောက်အအုံမှာ ယခင်က မြို့စားကြီး Herberstein နေထိုင်ခဲ့သည့်နေရာဖြစ်ပြီး ၁၈၀၆ ခုနှစ်တွင် ဆောက်လုပ်ခဲ့သည်။

((လက်ရှိနေထိုင်သော Brentwood အရပ်စံအိမ်))

(ဓာတ်ပုံ-Google Earth)

အာနိုးနှင့် ဇနီးဟောင်း မာရီယာတို့သည် လော့စ်အိန်ဂျလိမြို့တွင် အကျော်အမော်များ နေထိုင်ကြရာ Brentwood အရပ်ရှိ စံအိမ်ကို ကန်ဒေါ်လာ ၁၁ ဒသမ ၉ သန်းဖြင့် ဝယ်ယူကာ ကာလကြာရှည်နေထိုင်ခဲ့သော Pacific Palific အရပ်အိမ်မှ ပြောင်းရွှေ့ခဲ့သည်။

စံအိမ်၏ အသေးစိတ်အချက်အလက်များကို မသိရချေ။ ခြံဝန်းအကျယ်မှာ ၆ ဧကရှိပြီး အိမ်အကျယ် စတုရန်းပေ ၁၁၀၀၀ ရှိကာ အိပ်ခန်း ၅ ခန်း ပါဝင်ကြောင်းကိုမူ သိရသည်။

ကောင်းကင်ဓာတ်ပုံများအရ ခြံဝန်းအတွင်း တင်းနစ်ကွင်းနှင့် ရေကူးကန်လည်း တွေ့ရသည်။

(ဓာတ်ပုံ-@shwarzenegger/ Instagram)

အာနိုးသည် လက်ရှိအားဖြင့် ဝီစကီဟု အမည်ပေးထားသော မြင်းပုလေးတစ်ကောင်၊ လူလူဟု အမည်ပေးထားသော မြည်းကလေးတစ်ကောင်နှင့်အတူ နေထိုင်လျက်ရှိသည်။

(ဓာတ်ပုံ-@shwarzenegger/ Instagram)

((End of Days ရုပ်ရှင်ကားရိုက်ကူးစဉ် တွဲဖက်သရုပ်ဆောင်၏ မျက်နှာတည်ကာ တမင်အီးပေါက်ခဲ့ခြင်း))

အက်ရှင်ကြယ်ပွင့်ကြီး အာနိုးသည် ရုပ်ရှင်လောက ဖြတ်သန်းခဲ့သည့် နှစ်ပေါင်းများစွာကာလတလျှောက် အမှတ်တရများစွာရှိခဲ့သည်။

သူ၏ ရုပ်ရှင်များအနက် End of Days သည် ရိုက်ကူးစရိတ် ဒေါ်လာ သန်း ၁၀၀ ကုန်ခဲ့ပြီး ဒေါ်လာ ၂၁၂ သန်း ပြန်ရခဲ့ရာ စီးပွားရေးအရ အောင်မြင်ခဲ့သော ဇာတ်ကားဖြစ်သည်။

ထိုရုပ်ရှင်တွင် အမှတ်ရဖွယ်များစွာအနက် အထူးခြားဆုံးမှာ အာနိုးက တွဲဖက်သရုပ်ဆောင်သူ၏ မျက်နှာကို တည်ကာ တမင်သက်သက် အီးပေါက်ခဲ့သည့် ဖြစ်ရပ် ဖြစ်သည်။

အာနိုး၏ အီးဒဏ်ခံခဲ့ရသူမှာ ဗြိတိန်မင်းသမီးကြီး Miriam Margolyes ဖြစ်ပြီး ဟယ်ရီပေါ်တာ ဇာတ်ကားများ တွင် ပါမောက္ခ Sprout အဖြစ် ပါဝင်သရုပ်ဆောင်ခဲ့မှုဖြင့် လူသိများသူ ဖြစ်သည်။

မင်းသမီးကြီး Miriam သည် သူ၏စိတ်ထဲတွင်ရှိသည့်အတိုင်း ဘွင်းဘွင်းကြီး ပြောတတ်မှုဖြင့် ထင်ရှားသူလည်း ဖြစ်သည်။

မင်းသမီးကြီး Miriam က End of Days ဇာတ်ကားတွင် အာနိုးက မိမိအား မည်သို့လုပ်ခဲ့သည်ကို I’ve got news for you အမည်ရှိ poscast တွင် ဘွင်းဘွင်းကြီး ထုတ်ပြောချခဲ့သည်။

“သူ..ကျွန်မရဲ့ မျက်နှာကို အီးပေါက်ခဲ့ပါတယ်။ ကျွန်မလည်း အီးပေါက်တတ်ပါတယ်။ ဒါပေမယ့် တခြားသူရဲ့ မျက်နှာကိုတည်ပြီး အီးမပေါက်ဖူးပါဘူး။ သူ..ကျွန်မ မျက်နှာကိုတည်ပြီး တမင်သက်သက် အီးပေါက်ခဲ့ပါတယ်”

“အဲဒီဇာတ်ကားမှာ ကျွန်မက မိ စ္ဆာရဲ့ ညီမအဖြစ် သရုပ်ဆောင်ရပြီး ဇာတ်လမ်းအရ သူက ကျွန်မကို သတ်ဖို့ ကြိုးစားနေတဲ့ ဇာတ်ဝင်ခန်းကို ရိုက်ကူးနေတဲ့အချိန်ပါ။ ကျွန်မက ကြမ်းပြင်ပေါ်မှာ လဲနေပြီး ခန္ဓာကိုယ် အနေအထားအရ ကျွန်မ ချောင်ပိတ်မိနေပါတယ်။ အဲဒီအချိန်မှာ သူက ကျွန်မ မျက်နှာတည့်တည့်ကို အီးပေါက်ထည့်ခဲ့တာပါ”

သင့်မိတ်ဆွေသူငယ်ချင်းများထဲတွင် မကြာခဏ အီးပေါက်တတ်သူ ရှိပါသလား။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Tour Arnold Schwarzenegger's mansion he shares with a donkey, plus his other amazing homes (uk.style)

Photo Credit-@shwarzenegger/ Instagram, Yuichi Yamazaki/ Getty Images, Michael Ochs Archives, Sean Gallup/ Getty Images, Google Earth

ထင္ရွားေက်ာ္ၾကားသူမ်ား စံအိမ္

Share on Facebook

Share on Twitter