မိန်းကလေးတို့၏ မျက်ရည်မှ ဓာတုအချက်ပြရနံ့ကို ရှူမိလျှင် ယောက်ျားလေးတို့၏ ဒေါသကို ၄၄ ရာခိုင်နှုန်း လျှော့ချပေးနိုင်ကြောင်း အစ္စရေးနှင့် အမေရိကန်သိပ္ပံပညာရှင်များ တွေ့ရှိ

လေ့လာခဲ့သော သိပ္ပံပညာရှင်များ= Shani Agron, Claire A de March, Reut Weissgross

အင်စတီကျူးရှင်းများ= ၁။ အစ္စရေးနိုင်ငံ၊ Rehovot မြို့ရှိ Weizmann Institute of Science မှ ဦးနှောက်သိပ္ပံဌာန ၂။ အမေရိကန်ပြည်၊ မြောက်ကာရိုလိုင်းနားပြည်နယ်၊ Durham မြို့ရှိ Duke University Medical Center မှ Molecular Genetics and Microbiology ဌာန

PMID: 38127837

၂၀၂၃ ခုနှစ်၊ ဒီဇင်ဘာလအတွင်း အစ္စရေးနှင့် အမေရိကန်သိပ္ပံပညာရှင်များ ပြုလုပ်ခဲ့သည့် လေ့လာချက် တစ်ရပ်တွင် အမျိုးသမီးတို့၏ မျက်ရည်ရနံ့ကို ရှူမိလျှင် အမျိုးသားတို့၏ အမျက်ဒေါသစိတ် ၄၄ ရာခိုင်နှုန်းနီးပါး ကျဆင်းစေကြောင်း တွေ့ရှိခဲ့သည်။

အမျိုးသမီးတို့မျက်ရည်မှ ဓာတုအချက်ပြမှုများကြောင့် ရန်လိုစိတ်နှင့် သက်ဆိုင်သော ဦးနှောက်လှုပ်ရှားမှုကို ကျဆင်းစေခြင်းဖြစ်သည်ဟု ဆိုသည်။

အမျိုးသားတို့မှာ အမျိုးသမီးတို့၏ မျက်ရည်မှ ရနံ့ကို မရလျှင်ပင် ဓာတုအချက်ပြမှုက အလုပ်လုပ်သည်။

အစ္စရေးနှင့် အမေရိကန်သိပ္ပံပညာရှင်တို့က ကြွက်များတွင် ဦးစွာလေ့လာခဲ့ခြင်းဖြစ်သည်။

ထို့နောက် လူသားတို့တွင် ဆက်လက်လေ့လာရာ လူသား အမျိုးသမီးတို့၏ မျက်ရည်တွင်လည်း ယောက်ျားတို့၏ testosterone ကို ကျဆင်းစေသည့် ဓာတုအချက်ပြမှုရှိနေသည်ကို တွေ့ရှိခဲ့သည်။

Testosterone ကျဆင်းခြင်းမှာ ရန်လိုစိတ် ကျဆင်းခြင်းနှင့် ဆက်နွှယ်နေသည်။

၎င်းတို့၏ လေ့လာတွေ့ရှိချက်အရ အမျိုးသမီးတို့၏ မျက်ရည်တွင် ရနံ့မရှိသော်လည်း ရှူရှိုက်မိသည့် အမျိုးသားတို့၏ ဒေါသစိတ်ကို ၄၃ ဒသမ ၇ ရာခိုင်နှုန်း ကျဆင်းစေကြောင်း တွေ့ခဲ့သည်။

ဦးနှောက်အဖျားပိုင်းနေရာတွင် ထိုလုပ်ဆောင်ချက်ရှိကြောင်း သက်သေပြနိုင်ရန်အတွက် သိပ္ပံပညာရှင်တို့က လူတို့၏ ဦးနှောက်မှ အနံ့အာရုံခံဆဲလ် (olfactory receptor) ၆၂ ခုကို ဓာတ်ခွဲခန်း မှန်သားပြင်ပေါ်တွင် ထားရှိကာ မျက်ရည်ဖြင့် စမ်းသပ်ခဲ့ကြသည်။

ထိုအခါ မျက်ရည်၏ ဓာတုအချက်ပြမှုကို အနံ့အာရုံခံ ဆဲလ် ၄ ခုက တုန့်ပြန်မှုရှိသည်ကို တွေ့ရှိခဲ့သည်။

ထို့နောက်တွင် ဗဟိုဦးနှောက်က မျက်ရည်ဓာတုအချက်ပြမှုကို တုံ့ပြန်မှုရှိကြောင်း သက်သေပြနိုင်ရန်အတွက် ဦးနှောက် ပုံရိပ်ဖော်စနစ် ((fMRI) ဖြင့် ဆက်လက်စမ်းသပ်ခဲ့ကြသည်။

ထိုအခါ မျက်ရည်ထံမှ ဓာတုအချက်ပြသည့် ရနံ့သည် အနံ့ခံသည့် အလွှာနှင့် ဒေါသစိတ်ဖြစ်စေသည့် အာရုံကြောတို့အကြား ဆက်သွယ်မှုများ တိုးမြင့်လာစေပြီး ဒေါသစိတ်ဖြစ်စေသည့် အာရုံကြောလှုပ်ရှားမှု ကျဆင်းသွားစေသည်ကို တွေ့ရှိခဲ့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: A chemical signal in human female tears lowers aggression in males