ရန်ကုန်မြို့တွင်းရှိ အစိုးရ ပိုင် ရှေးဟောင်း အဆောက်အအုံ အများစုကို ဟိုတယ်အဖြစ် ပြုပြင်ပြောင်းလဲလုပ်ကိုင်ရန် ပြည်တွင်း ပြည်ပလုပ်ငန်းရှင်များအား မြန်မာ နိုင်ငံရင်းနှီးမြှုပ်နှံမှု ကော်မရှင်က ခွင့်ပြုပေးလိုက်ကြောင်း ကော်မရှင် အဖွဲ့ဝင် ဦးဝင်းခိုင်က ပြောသည်။
‘‘MIC မှာ လာတင်ထားတဲ့ အဆောက်အအုံတွေ အကုန်ကို ခွင့် ပြုပေးလိုက်တာပါ။ စာရင်းအတိ အကျကို မကြာခင်ထုတ်ပြန်ပေးပါ့ မယ်’’ဟု ဦးဝင်းခိုင်က ပြောသည်။
ခွင့်ပြုပေးလိုက်သည့် အဆောက် အအုံအများစုတွင် ဟိုတယ်အဖြစ် ပြောင်းလဲလုပ်ကိုင်ရန် သင့်လျော် သည့် ပြောင်းလဲလုပ်ကိုင်ရန် သင့်လျော်သည့် အဆောက်အ အုံများကိုသာ စစ်ဆေးခွင့်ပြုပေးလိုက်ခြင်းဖြစ်ကြောင်း ဦးဝင်းခိုင်ကရှင်းပြသည်။
အဆိုပါ အဆောက်အအုံ များထဲတွင် တရားရုံးချုပ်၊ မြန်မာ့ မီးရထားရုံးချုပ်၊ စုပေါင်းရုံး၊ ကုန် သွယ်ရေးရုံးဟောင်း၊ ရဲမင်းကြီးရုံး တို့ အပါအ၀င် အခြားအဆောက် အအုံများပါဝင်ကြောင်း ဦးဝင်းခိုင် က ပြောသည်။
သို့သော် ဟိုတယ်အဖြစ် လုပ်ကိုင်ခွင့်ပေးလိုက်သည့် အ ဆောက်အအုံများတွင် နေပြည် တော်သို့ ပြောင်းရွှေ့သွားပြီဖြစ် သည့် အသုံးမပြုတော့သော အစိုး ရရုံးဟောင်း အများစုပါဝင်ပြီး ဘာသာရေးအဆောက်အအုံများ မပါဝင်ကြောင်း ၎င်းက ဆက်လက်ပြောသည်။
လုပ်ကိုင်ခွင့်ရသည့် ကုမ္ပဏီ များတွင် အက်ဖ်အမ်အိုင်၊ မက်စ်မြန်မာ၊ ဒိုင်းမွန်းစတား အစရှိသော ပြည်တွင်း ထိပ်သီးကုမ္ပဏီကြီးများပါဝင်ပြီး ကမ္ဘာကျော်ဟိုတယ်အုပ်စု အချို့ပင် ပါဝင်သည်။ အမှန်တကယ် ထိန်းသိမ်းပြီး တာဝန်ယူမှုရှိသည့် ကုမ္ပဏီများကိုသာ ဦးစားပေးရွေးချယ်သည်ဟု ရွေးချယ်ရေးမူများတွင် သက်မှတ်ထားသည်။
‘‘တချို့ လာတင်ပြတဲ့အထဲ မှာ ရင်းနှီးမြှုပ်နှံဖို့ မသင့်လျော်တဲ့ ပုံစံလေးတွေရှိတယ်။ ဒါတွေကို တော့ လမ်းကြောင်းပြန်တည့်ပေး ရတာပါ’’ဟု ဦးဝင်းခိုင်က ဆို သည်။ ရန်ကုန်မြို့လယ်ရှိ ရှေးဟောင်း အဆောက်အအုံအားလုံးကို ဟိုတယ်အဖြစ် လုပ်ကိုင်ခွင့်ပေး၍ မရဘဲ အချို့မှာ ကြံ့ခိုင်မှုအားနည်းနေသောကြောင့် အကြီးစား ပြန်လည်ပြင်ဆင်မှုများပြုလုပ်ရန် လိုအပ်နေကြောင်း ရှေးဟောင်း အဆောက်အအုံများ လေ့လာမှု ပြုလုပ်နေသည့် မြန်မာနိုင်ငံ ဗိသုကာ ပညာရှင်များအသင်းက အကြံပြုထားသည်။
ဟိုတယ်အဖြစ် ပြောင်းလဲ လုပ်ကိုင်ခွင့်ပေးလိုက်သည့် အ ဆောက်အအုံအများစု၏ မူလ လက်ရာ မပျောက်ပျက်ရန် လွန် စွာအရေးကြီးပြီး အကြီးစားပြင် ဆင်မှုများပြုလုပ်ပါက များစွာ သတိထားရမည့် အဆောက်အအုံ များပါဝင်ကြောင်း ရန်ကုန်မြို့ လယ် ရှေးဟောင်းအဆောက်အ အုံများ လေ့လာစောင့်ကြည့်သူ များက ဆိုထားသည်။
ရန်ကုန်မြို့တော် စည်ပင် သာယာရေးကော်မတီ၏ စာရင်း များအရ ရန်ကုန်တွင် ရှေးဟောင်းအဆောက်အအုံ အလုံးပေါင်း ၁၈၉ လုံးရှိကြောင်း သိရသည်။
Credit: 7 day daily
