ရုပ်ရှင်မင်းသားတစ်ယောက် ဇာတ်ကားလက်ခံပြီးမှ မရိုက်တာကြောင့် ဘဝပျက်သွားရတဲ့ ဘောလိဝုဒ် ရုပ်ရှင်ဒါရိုက်တာ၊ အကြွေးတွေ ဆပ်ဖို့ သားနဲ့သမီး ကပြဖျော်ဖြေ ပိုက်ဆံရှာခဲ့ရ

ဘောလိဝုဒ်တွင် အောက်ကားဟုခေါ်သော အနိမ့်တန်းရုပ်ရှင်ကားများ ရိုက်ကူးသည့် ရုပ်ရှင်ဒါရိုက်တာတစ်ဦးက တန်းဝင်ဇာတ်ကားတစ်ကားရိုက်ကူးကာ mainstream သို့ဝင်ရန် ဆုံးဖြတ်လိုက်သည်။

တန်းဝင်ရုပ်ရှင် ရိုက်ကူးရန်အတွက် တစ်ဘဝလုံး စုဆောင်းထားသမျှငွေအားလုံးကို ပုံအောသုံးစွဲရန် ဆုံးဖြတ်ကာ ထိုခေတ်က ဒိတ်ဒိတ်ကြဲမင်းသား ဆန်ဂျိ ကူးမားရ် (Sanjeev Kumar) ကို ငှားရမ်းခဲ့သည်။

ဆန်ဂျိ ကူးမားရ်သည် ဘောလိဝုဒ်ရုပ်ရှင်သမိုင်း၏ အထင်ရှားဆုံး ကြယ်ပွင့်များတွင် ပါဝင်သည်။

ဆန်ဂျိ ကူးမားရ်သည် ရိုက်ကူးရန် လက်ခံပြီးမှ ဆက်လက်မရိုက်ကူးပေးတော့သောကြောင့် ဒါရိုက်တာမှာ ပုံအောရင်းနှီးထားသမျှ အရှုံးပေါ်ကာ မွဲတေသွားခဲ့သည်။

ထို့နောက် အရက်သမားလုံးလုံးဖြစ်သွားပြီး အရက်ကျေးကျွန်ဖြစ်ကာ ကွယ်လွန်သွားခဲ့ရသည်။

အဆိုပါ ဒါရိုက်တာမှာ မည်သူနည်း။

သူသည် ၁၉၆၀ မှ ၁၉၇၀ ပြည့်လွန်ကာလများအကြား ရုပ်ရှင်သရုပ်ဆောင်၊ စတန့်သမားတစ်ဦးအဖြစ် လုပ်ကိုင်ခဲ့သူ ကမ်ရန်ခန်းဖြစ်ပြီး နောက်ပိုင်းတွင် ဒါရိုက်တာဘဝသို့ ကူးပြောင်းကာ အနိမ့်တန်း ရုပ်ရှင်ကားများ ရိုက်ကူးခဲ့သည်။

သို့သော် ဒုတိယကလေး ထွန်းကားလာချိန်တွင် တန်းဝင်ရုပ်ရှင်တစ်ကားရိုက်ကူးကာ mainstream သို့ ဝင်ရန် ဆုံးဖြတ်ခဲ့သည်။

ရုပ်ရှင်ရိုက်ကူးရန်အတွက် တစ်ဘဝလုံး စုဆောင်းထားသမျှငွေအားလုံးအပြင် ပိုင်ဆိုင်သမျှ အားလုံးပေါင်နှံကာ ပုံအောရင်းနှီးခဲ့ပြီး ဒိတ်ဒိတ်ကြဲမင်းသား ဆန်ဂျိ ကူးမားကို ကမ်းလှမ်းကာ ရုပ်ရှင်ရိုက်ကူးရန် စာချုပ်ချုပ်ဆ်ိုခဲ့သည်။

သို့သော် ရုပ်ရှင်ရိုက်ကူးနေရင်းတန်းလန်းတွင်ပင် ဆန်ဂျိကူးမားမှာ ဆက်မရိုက်ကူးပေးတော့သောကြောင့် ခမ်ရန်မှာ ရူပီးသိန်းပေါင်းများစွာ အကြွေးတင်ကျန်ရစ်ခဲ့သည်။

နေ့ချင်းညချင်း ပိုင်ဆိုင်သမျှ ဆုံးရှုံးသွားသောကြောင့် ခမ်ရန်မှာ အကြီးအကျယ် စိတ်ဓာတ်ကျကာ အရက်သမားဖြစ်သွားသည်။

ယင်းနောက် ခမ်ရန်သည် ၁၀ နှစ်ကျော် မည်သည့်အလုပ်မှ မလုပ်တော့။ နောက်ဆုံးတွင် ဆင်းဆင်းရဲရဲဘဝဖြင့် သေဆုံးသွားခဲ့ရသည်။

ကျန်ရစ်သူ မိသားစုမှာ ခမ်ရန်အတွက် နာရေးစရိတ်ပင် မရှိချေ။

ထို့ကြောင့် ခမ်ရန်၏ အရင်းနှီးဆုံးမိတ်ဆွေဖြစ်သူ စာရေးဆရာ စလင်းခန်ထံမှ ငွေအနည်းငယ်ချေးရသည်။

ထိုအချိန်က ခမ်ရန်၏ သားသမီး ၂ ဦးမှာ ဆယ်ကျော်သက်အရွယ်သာ ရှိသေးသည်။

သို့သော် ကလေးများမှာ ဖခင်ကြီး၏ ကြွေးမြီများ ပေးဆပ်ရန် ငွေရှာရတော့သည်။

ခမ်ရန်၏ ကလေး ၂ ဦးမှာ ဖာရာခန်းနှင့် စဂျစ်ခန်းတို့ ဖြစ်သည်။

“ကျွန်မ အဖေအကြောင်း သိတဲ့သူ ရှိမယ်မထင်ပါဘူး။ ဘာကြောင့်လဲဆိုတော့ သူက အောက်ကားတွေပဲ ရိုက်ခဲ့တာပါ။ ရုပ်ရှင်မင်းသား Dara Singh နဲ့ ရိုက်ခဲ့တာ။ သူတို့တွေဟာ ဘုံဘေမှာ မြို့ပေါ်ရောက်လာတဲ့ တာဇံတွေလိုပါပဲ။ အဲဒီနောက်ပိုင်း အဖေက နေအိမ်အပါအဝင် သူ့ပိုင်ဆိုင်မှုတွေအားလုံးကို ရုပ်ရှင်တစ်ကားထဲမှာ ပုံအောရင်းနှီးလိုက်ပြီး တက်တက်ပြောင်သွားခဲ့တယ်။ အဲဒီနောက်ပိုင်း ၁၃ နှစ်၊ ၁၄ နှစ်လောက် အဖေက ဘာအလုပ်မှ မလုပ်တော့ဘူး။ အိမ်ထဲကနေ အပြင်တောင်မထွက်တော့ပါဘူး” ဟု သမီးဖြစ်သူ ဖာရာခန်းက ပြောပြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Bollywood director lost entire life’s savings after one flop; daughter was forced to dance, son performed for money at beach to repay debts