ပြည်ပ အိမ်ခြံမြေ သတင်း | Posted by အေးမြတ်သူ
စင်္ကာပူတွင် ရွှေ့ပြောင်းလုပ်သားတစ်ဦးမှာ မိုးရွာထဲတွင် လမ်းဘေး ရေမြောင်းဘေးစားသောက်နေရပုံကို တစုံတဦးက ဗွီဒီယိုရိုက်ကာ လူမှုကွန်ရက်တွင် တင်ခဲ့ရာ ပျံ့နှံ့ကျော်ကြားနေသည်။
TikTok လူမှုကွန်ရက်တွင် ဇူလိုင် ၄ ရက်က တင်ခဲ့သော ဗွီဒီယိုဖိုင်ဖြစ်ပြီး အမျိုးသားတစ်ဦးမှာ မိုးရွာထဲတွင် ရေမြောင်းဘေး ရေစိုမြက်ခင်းပေါ်ထိုင်နေသည်ကို တွေ့ရသည်။
၎င်းက လူသွားလမ်းပေါ်တွင် အညိုရောင်စက္ကူပေါ်၌ စားသောက်စရာများ ချခင်းထားသည်။
၎င်း၏ဘေးတွင် အဝါရောင်ပစ္စည်းတစ်ခုလည်း တွေ့ရရာ ဦးထုပ်အမာတစ်လုံးဖြစ်ဖွယ်ရာရှိသည်။
အဆိုပါဗွီဒီယိုအပေါ် TikTok သုံးစွဲသူတို့က စာနာသနားမိကြောင်း မှတ်ချက်ပေးကြသည်။
“ ဒီအခြေအနေကို သူ့မိသားစုသာ မြင်သွားမယ်ဆိုရင်…..” ဟု လူမှုကွန်ရက်သုံးစွဲသူတစ်ဦးက မှတ်ချက်ပေးသည်။
အခြားတစ်ဦးကလည်း “ဒါက စင်္ကာပူမှာ အလုပ်လာလုပ်ရတဲ့ နိုင်ငံခြားအလုပ်သမားတစ်ယောက်ရဲ့ဘဝပါ” ဟု မှတ်ချက်ပြုသည်။
အခြားသူတို့ကမူ အနီးဝန်းကျင်တွင် အမိုးတစ်ခုခုအောက်လို စားသောက်စရာ အခြားနေရာ ရှိ၊ မရှိ မေးခွန်းထုတ်ကြသည်။
“အနားမှာ အမိုးအကာရှိတဲ့နေရာ မရှိဘူးလား။ သူက ရေမြောင်းဘေး မိုးရွာထဲမှာ ထိုင်စားနေတယ်” ဟု TikTok သုံးစွဲသူတစ်ဦးက မှတ်ချက်ပေးသည်။
၂၀၁၆ ခုနှစ်အတွင်းကလည်း ပြည်ပလုပ်သားတစ်ဦး ရေစိုမြေကြီးပေါ် ထိုင်ကာ စားသောက်နေပုံ နာမည်ကြီးခဲ့သေးသည်။
ထိုသူ၏ ဘေးဖက် မြေကြီးပေါ်တွင် ဦးထုပ်အမာတစ်လုံး တွေ့ရသည်။
အနီးတွင် ဘတ်စ်ကားဂိတ်ရှိသော်လည်း ကားဂိတ်မှ ထိုင်ခုံများ ညစ်ပေသွားမည်စိုးရိမ်သောကြောင့် မြေကြီးပေါ်တွင် ထိုင်စားနေခြင်း ဖြစ်နိုင်သည်။
ထိုသူ၏ ဓာတ်ပုံနှင့် ပတ်သက်၍လည်း စာနာသည့် မှတ်ချက်ပြုမှု များစွာရှိခဲ့သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Migrant worker in S'pore eats on wet grass in rain beside drain (mothership)
