ပြည်တွင်းဆောက်လုပ်ရေးလုပ်ငန်းများ လုပ်ကိုင် လျက်ရှိသော ဇေကမ္ဘာကုမ္ပဏီသည် မလေးရှား
နိုင်ငံအခြေစိုက် ဆောက်လုပ်ရေးကုမ္ပဏီ Ho Hup နှင့် ပူးပေါင်းကာ အမေရိကန်ဒေါ်လာ သန်း
၂၀၀ ရင်းနှီးမြှုပ်နှံမည့် ဇီး ဗီလာစ် (Z Villas) အိမ်ရာစီမံကိန်းကို မင်္ဂလာဒုံမြို့နယ်တွင် အကောင်
အထည်ဖော် တည်ဆောက်သွားမည်ဖြစ်ကြောင်း ဇေကမ္ဘာကုမ္ပဏီ၏ ဒုဥက္ကဋ္ဌ ဦးဇေသီဟက
ပြောသည်။
အဆိုပါအိမ်ရာစီမံကိန်းကို ဧက ၅၀ ကျယ်ဝန်းသော မင်္ဂလာဒုံ ဥယျာဉ်မြို့တော်အတွင်း အချိန်
ငါးနှစ်ကြာတည်ဆောက်သွား မည်ဖြစ်ကာ ရင်းနှီးမြှုပ်နှံမှု ပမာဏ အမေရိကန်ဒေါ်လာ သန်း
၂၀၀ ရှိကြောင်း ဟိုဟပ်မြန်မာ (Ho Hup Myanmar) ၏ ဥက္ကဋ္ဌလည်းဖြစ်သူ ဦးဇေသီဟက
ပြောသည်။
"ဇီး ဗီလာစ်စီမံကိန်းအတွက် ရင်းနှီးမြှုပ်နှံ မှုက အမေရိကန်ဒေါ်လာ သန်း ၂၀၀ ပါ။ တည်ဆောက်
ချိန်ကို ငါးနှစ် မှန်းထားပါတယ်။ ကျွန်တော်တို့ အခုမှစဆောက်မှာပါ။ ပထမ အဆင့် ဆောက်လုပ်
ရေးအတွက် နှစ်နှစ်ကြာ မယ်။ အဲဒီအတွက် အမေရိကန်ဒေါ်လာ သန်း ၅၀ ကျော်သုံးပါမယ်" ဟု
၎င်းက ပြောသည်။ လုံးချင်းအိမ်များကို ၁၈ လ အရစ်ကျဖြင့် ၀ယ်ယူနိုင်ပြီး ပထမဆုံး အရစ်အတွက်
တန်ဖိုး၏ ၁၀ ရာခိုင်နှုန်းကို ဦးစွာပေးသွင်း ရမည်ဖြစ်ကာ ကျန်လများမှ စတင်ကာ ငါးရာ ခိုင်နှုန်းဖြင့်
ပေးချေနိုင်ကြောင်း၊ နောက်ဆုံး အရစ် ၁၀ ရာခိုင်နှုန်းကို ၀ယ်ယူသူထံ အိမ် အပ်သည့်အချိန်တွင်
ပေးသွင်းရမည်ဖြစ်ကြောင်း၎င်းက ပြောသည်။
ဇီး ဗီလာစ်ကို ၀တီ၊ ရတီနှင့် မဒီဟု အမည် ပေးထားသော စီမံကိန်းအဆင့်သုံးဆင့်ဖြင့် အကောင်
အထည်ဖော် သွားမည်ဖြစ်ကြောင်း ဟိုဟပ် ဈေးကွက်နှင့် အရောင်းဌာန စီနီယာမန်နေဂျာ
Mr. Dato' Andrew Peris က ပြောသည်။
ပထမအဆင့် ၀တီတွင် အိမ်ယူနစ် ပေါင်း ၆၃ ခု၊ ဒုတိယအဆင့် ရတီတွင် အိမ် ယူနစ်ပေါင်း ၇၂ ခုနှင့်
တတိယ အဆင့် မဒီတွင် အိမ်ယူနစ်ပေါင်း ၅၄ ခု အသီးသီးရှိကြ မည်ဖြစ်သည်။
"ဒီနေ့ကတော့ ကျွန်တော်တို့ ပထမအဆင့် ဖြစ်တဲ့ '၀တီ' ကို စတင်ဆောင်ရွက်မယ့်အကြောင်းပါ။
ဝတီမှာ ဗီလာ သဇင်၊ ဗီလာ စံပယ်နဲ့ ဗီလာ နှင်းဆီဆိုပြီး အမျိုးအစားသုံးခု ပါဝင်ပါမယ်။ ၀ယ်ယူသူ
တွေအနေနဲ့ သူတို့ စိတ်ကူးရည်မှန်းထားတဲ့ အိမ်လေးတွေကို လှပပြီး ကွဲပြားတဲ့ ဒီဇိုင်း သုံးမျိုးထဲက
ရွေးချယ် နိုင်မှာပါ" ဟု ၎င်းက ပြောသည်။ ဗီလာသဇင်တွင်ရှိမည့် သဇင်အိမ်များမှာ ကိုလိုနီခေတ်
အပြင်အဆင်နှင့် ခေတ်သစ်လက်ရာကို ပေါင်းစပ်ထားသော ဟန်ဖြစ်ပြီး ဗီလာစံပယ်မှ စံပယ်အိမ်
ဒီဇိုင်းမှာ ကျေးလက် ရိုးရာ၏ လွှမ်းမိုးမှုဖြင့် ရိုးရာအငွေ့အသက်များနှင့် ဒေသန္တရ ရာသီဥတုနှင့်
ကိုက်ညီအောင် ဆောက်လုပ်မည်ဖြစ်ပြီး နှင်းဆီအိမ် မှာမူ ခေတ်သစ်အမြင်ဖြင့် အိမ်အတွင်း
သဘာဝအလင်းရောင်ကောင်းစွာဝင်ရောက် နိုင်ပြီး အိမ်၏ ရှုထောင့်မျိုးစုံက မြင်ကွင်းပိုမိုကောင်းမွန်
စေရန် စီမံထားကြောင်း ၎င်းက ဆိုသည်။ အိမ်တစ်လုံးလျှင် စတုရန်းပေ ၇,၀၀၀ ၀န်းကျင် ကျယ်ဝန်း
မည်ဖြစ်ပြီး ရောင်းဈေးမှာ ကျပ်သိန်း ၁၀,၀၀၀ ခန့်ဖြစ်ကြောင်း သိရ သည်။
"မြန်မာနိုင်ငံရဲ့ စီးပွားရေးက အလျင်အမြန် ကျယ်ပြန့်လာပြီး ဒါကို အထောက်အကူဖြစ်ဖို့အတွက်
အခြေခံအဆောက်အအုံနဲ့ အိမ်ရာမြေဘက်မှာလည်း လိုအပ်ချက်က မြင့် တက်လာနေပါတယ်။
ကျွန်တော်တို့ရဲ့ ဟိုဟပ်ကုမ္ပဏီက ဇေကမ္ဘာနဲ့ လွန်ခဲ့တဲ့ နှစ်လကပဲ ဖက်စပ်ကုမ္ပဏီတည်ထောင်
ခဲ့ပြီး ယူနစ်ပေါင်း ၁၈၉ ခုရှိမယ့် ဇီး ဗီလာစ်ကို မင်္ဂလာဒုံမြို့နယ်မှာ တည်ဆောက်ဖို့အတွက် ဖြစ်ပါ
တယ်။ အခု ဒီအိမ်တွေအတွက် ကြိုတင် မှာကြားတာတွေကို စတင်လက်ခံနေပါပြီ" ဟု ဟိုဟပ်
ဆောက်လုပ်ရေးကုမ္ပဏီ အမှုဆောင် အရာရှိချုပ် Mr. Derek Wong ကပြော သည်။
Credit: mmtimes
