စင်္ကာပူမှ မိန်းကလေးတစ်ဦးက မိမိနှင့် လိုက်ဖက်မည့် ချစ်သူရှာဖွေပေးနိုင်သူကို စင်္ကာပူဒေါ်လာ ၂၀၀၀ ဆုကြေးငွေပေးမည်ဟု လူမှုကွန်ရက်တွင် ကြေညာ

စင်္ကာပူမှ မိန်းကလေးတစ်ဦးသည် လူမှုကွန်ရက်၏အားကိုးဖြင့် တမူထူးသောနည်းလမ်းသုံးကာ အချစ်ကို ရှာဖွေလာသည်။

မိန်းကလေး၏ အမည်မှာ ဘယ်လာဒိုင်းဖြစ်ပြီး အသက် ၂၉ နှစ်အရွယ်ဖြစ်ကာ ကျန်းမာရေးထုတ်ကုန်နှင့် ဝန်ဆောင်မှု လုပ်ငန်းရှင်တစ်ဦး ဖြစ်သည်။

ဘယ်လာဒိုင်းက မိမိနှင့် လိုက်ဖက်မည့် ဘဝလက်တွဲဖော်နှင့် မိတ်ဆက်ပေးနိုင်သူကို စင်္ကာပူဒေါ်လာ ၂၀၀၀ ဆုငွေပေးမည်ဟု ကြေညာထားသည်။

Dating App များ၏ ကြိုတင်မမှန်းဆနိုင်သော သဘောသဘာဝကို စိတ်ပျက်သည့် ဘယ်လာဒိုင်းက သူ၏ လူမှုကွန်ရက်မှ friend များ၏ အကူအညီဖြင့် ရှာဖွေခြင်းမှာ Dating App ထက် မိမိနှင့် ရှေ့သွားနောက်လိုက် ပိုမို လိုက်ဖက်ညီမည့်သူကို ရှာတွေ့နိုင်ကြောင်း ယုံကြည်ထားသည်။

ဘယ်လာဒိုင်းသည် သူ၏ အင်စတာဂရမ်အကောင့်မှတဆင့် ဖေဖော်ဝါရီလအတွင်း ချစ်သူရှာဖွေမှုကို ကြေညာခဲ့ခြင်းဖြစ်သည်။

ဘယ်လာဒိုင်းက ၎င်းလိုချင်သည့် ချစ်သူအမျိုးသား၏ ပုံစံကို စည်းကမ်းသတ်မှတ်ချက်များလည်း ဖော်ပြထားသည်။

((ချစ်သူ စံနှုန်း))

ချစ်သူအမျိုးသားသည် စင်္ကာပူတွင် အခြေချနေထိုင်သူဖြစ်ရမည်ဖြစ်ပြီး အသက် ၂၅ မှ ၄၂ နှစ်ကြားတွင် ရှိသူဖြစ်ရမည် ဖြစ်သည်။

သို့သော် အသက်အရွယ်နှင့် နေရာဒေသတို့ထက် ချစ်သူအမျိုးသားတွင် ရှိရမည့် အရည်အသွေးများကို ပိုမိုအလေးထားကြောင်းလည်း ဘယ်လာဒိုင်းက ပြောသည်။

● မိမိလုပ်ကိုင်သောအလုပ်တွင် ကျွမ်းကျင်သူ ။ အာရုံစူးစိုက်မှုရှိပြီး စည်းကမ်းရှိသူ ● ကျန်းမာရေးအထူးလိုက်စားသူ ● ခက်ခဲစွာ ပြောဆိုဆွေးနွေးမှုများ လုပ်ဆောင်ရဲသည့် သတ္တိရှိသူ ● ဘာသာရေး၊ ကိုးကွယ်ယုံကြည်မှုနှင့် ပတ်သက်ပြီး တံခါးဖွင့်ထားသော စိတ်နှလုံးရှိသူ သို့သော် ဆုငွေနှင့် ပတ်သက်ပြီး သတိပြုရမည့် အချက်တစ်ခုရှိနေသည်။

အချစ်ရေးသက်တမ်း အနည်းဆုံး ၆ လကြာမြင့်မှသာ ဆုငွေပေးမည်ဟု ဆိုသည်။

((လုပ်ငန်းခွင်မှ နည်းလမ်းကို အချစ်ရေးတွင် အသုံးပြုခြင်း))

ဘယ်လာဒိုင်းသည် တရုတ်ပြည်၊ ချန်ဒူးမြို့ဇာတိဖြစ်ပြီး အသက် ၁၅ နှစ်အရွယ်ကတည်းက စင်္ကာပူတွင် အခြေချနေထိုင်နေခြင်းဖြစ်ကာ ယခုအခါ အမြဲအခြေချနေထိုင်သူ ဖြစ်လာခဲ့ပြီ ဖြစ်သည်။

ယခင်က စက်မှုလုပ်ငန်း ဒီဇိုင်နာတစ်ဦးအဖြစ် လုပ်ကိုင်ခဲ့သည်။ နောက်ပိုင်းတွင် ကျန်းမာရေး နည်းပြဆရာမတစ်ဦး ဖြစ်လာသည်။

သူငယ်ချင်းတစ်ဦးနှင့် စကားစမြည်ပြောရင်း လုပ်ငန်းခွင်မှ နည်းဗျူဟာများကို အချစ်ရေးတွင် အသုံးပြုရန် ဘယ်လာဒိုင်းက ဆုံးဖြတ်ခဲ့သည်။

“ချစ်သူတွဲဖို့အတွက် အခက်ဆုံးအပိုင်းက ရှာဖွေတဲ့အပိုင်းဖြစ်တယ်ဆိုတာ သုံးသပ်မိပါတယ်။ ကျွန်မသူငယ်ချင်းတွေ ဘယ်သူမှ dating app တွေ မသုံးပါဘူး။ ဘာကြောင့်လဲဆိုတော့ ဒီ App သုံးသူတွေရဲ့ ရည်ရွယ်ချက်ကို မခန့်မှန်းနိုင်လို့ပါ” ဟု ဘယ်လာဒိုင်းက ရှင်းပြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Singapore Woman Offers RM6.6K Bounty To Anyone Who Can Find Her A Life Partner