ချက်သမ္မတနိုင်ငံတွင် တောအုပ်တစ်ခုအတွင်း ခြေလျင်ခရီးသွားသူ ၂ ဦး ဒေါ်လာ ၃၄၀,၀၀၀ တန်ကြေးရှိ ရွှေဒင်္ဂါးများနှင့် လက်ဝတ်ရတနာများ ကောက်ရ၊ နှစ်ပေါင်းရာချီ သက်တမ်းရှိ ရတနာပစ္စည်းများဖြစ်

ချက်သမ္မတနိုင်ငံတွင် တောအုပ်တစ်နေရာတွင် ခြေလျင်ခရီးသွားနေသော ခရီးသည် ၂ ဦးမှာ ကန်ဒေါ်လာ ၃၄၀၀၀၀ တန်ကြေးရှိ ရတနာပစ္စည်းများ ကောက်ရခဲ့ကြောင်း

အဆိုပါရတနာပစ္စည်းများကို ထိန်းသိမ်းပိုင်ဆိုင်မှု ရယူခဲ့သည့် ပြတိုက်မှ ထုတ်ပြန်သည်။

ရတနာပစ္စည်းများ ထိန်းသိမ်းရယူခဲ့သော Museum of East Bohemia ၏ ထုတ်ပြန်ချက်တွင် ခြေလျင်ခရီးသွား သူတို့သည် ရွှေဒင်္ဂါးများ၊ လက်ဝတ်ရတနာများနှင့် ဆေးရွက်ကြီးအိတ်များ ရှာဖွေတွေ့ရှိခဲ့ကြောင်း ဖော်ပြသည်။

ရတနာပစ္စည်းများကို လူတို့ ပြုလုပ်ထားသည့် ကျောက်တုံးနံရံတစ်ခုအတွင်း ပုံး ၂ ခုထဲတွင် တွေ့ရှိခဲ့ခြင်း ဖြစ်သည်။

ပစ္စည်းများ၏ အလေးချိန်မှာ ၁၅ ပေါင်ခန့်ရှိကြောင်း အဆိုပါပြတိုက်က လူမှုကွန်ရက်စာမျက်နှာတွင် ဖော်ပြသည်။

ခြေလျင်ခရီးသွား ၂ ဦး ပထမဆုံး ကောက်ရသည်မှာ အဝတ်မည်းဖြင့် ပတ်ထားသည့် အလူမီနီယံဘူးတစ်ခု အတွင်း ထည့်ထားသော ရွှေဒင်္ဂါး ၅၉၈ ပြား ဖြစ်သည်။

ချက်ပြည်တွင်းသတင်းမီဒီယာတို့၏ ဖော်ပြချက်အရ ရတနာတို့၏ တန်ကြေးမှာ ချက် ကရောင်းငွေ ၇ ဒသမ ၅ သန်း (ကန်ဒေါ်လာ ၃၄၁,၀၀၀) ခန့် ရှိသည်ဟု ဆိုသည်။

(ချက်သမ္မတနိုင်ငံတွင် ခြေလျင်ခရီးသွားတို့က ရွှေဒင်္ဂါးပြားများ ကောက်ရခဲ့သည်။ ဓာတ်ပုံ Credit- Museum of East Bohemia)

ရွှေဒင်္ဂါးဘူးတွေ့သောနေရာမှာ ၃ ပေခန့်အကွာတွင် ဆေးရွက်ကြီး ၁၆ အိတ်၊ လက်ကောက် ၁၀ ကွင်း၊ ဇကာသားအိတ်တစ်လုံး၊ ဘီးတစ်ခုနှင့် သော့တစ်ချောင်းပါသော သော့ချိတ်တစ်ခုတို့ တွေ့ရှိခဲ့ကြသည်။

ထိုပစ္စည်းများမှာမူ အဝါရောင်သတ္တုတစ်မျိုးဖြင့် ပြုလုပ်ထားပြီး သတ္တုသေတ္တာတစ်ခုအတွင်း တွေ့ရှိခြင်းဖြစ်ကြောင်း ပြတိုက်၏ ထုတ်ပြန်ချက်တွင် ဖော်ပြသည်။

ရွှေဒင်္ဂါးများမှာ မြေအောက်တွင် မြှုပ်နှံထားသည်မှာ နှစ်ရာချီ သက်တမ်းရှိနိုင်ပြီး ၁၈၀၈ ခုနှစ်မှ ၁၉ ရာစုအစောပိုင်းကာလအကြားဖြစ်နိုင်ကြောင်း ပြတိုက်မှ ကျွမ်းကျင်ပညာရှင်တစ်ဦးက ပြောသည်။

ချက် ပြည်တွင်းသတင်းမီဒီယာတို့၏ ဖော်ပြချက်အရ ရွှေဒင်္ဂါးများကို ၁၉၂၁ ခုနှစ် နောက်ပိုင်းတွင် မြေမြှုပ်ခဲ့ခြင်း ဖြစ်နိုင်ကြောင်း၊ ပြင်သစ်၊ ဘယ်လ်ဂျီယံ၊ အော်တိုမင် အင်ပိုင်ယာနှင့် သြစထရီးယား-ဟန်ဂေရီအင်ပိုင်ယာ ခေတ်တို့မှ ငွေကြေးများ ပါဝင်နေကြောင်း ဖော်ပြသည်။

အချို့ဒင်္ဂါးများမှ အမှတ်အသားများအရ ၁၉၁၈ ခုနှစ်မှ ၁၉၉၂ ခုနှစ်အထိ တည်ရှိခဲ့ဖူးသော ယူဂိုစလားဗီးယားနိုင်ငံတွင် အသုံးပြုခဲ့ကြောင်း သိရသည်။

(▲ ချက်သမ္မတနိုင်ငံတွင် တွေ့ရှိခဲ့သော အဝါရောင်သတ္တု အပိုင်းအစများ။ ဓာတ်ပုံ Credit- Museum of East Bohemia)

အခြားပစ္စည်းများ၏ ဇာစ်မြစ်ကိုမူ ကျွမ်းကျင်ပညာရှင်တို့က ဆက်လက်အဖြေရှာနေသည်။

အချို့သော ပစ္စည်းများကို ပြုလုပ်ရာတွင် သုံးစွဲထားသည့် အဝါရောင်သတ္တုမှာ မည်သည့်သတ္တုဖြစ်သည် ကိုလည်း ဆက်လက်လေ့လာနေသည်။

ပြတိုက်၏ ရှေးဟောင်းသုတေသနဌာန အကြီးအကဲ မီရိုဆလက်ဗ် နိုဗက်၏ ပြောကြားချက်အရ ယခုတွေ့ရှိမှုမှာ တမူထူးကြောင်း၊ ရတနာများကို မြေအောက်တွင် မြှုပ်နှံသိုဝှက်ကြခြင်းမှာ ရှေးအခါက လုပ်ရိုးလုပ်စဉ်တစ်ခု ဖြစ်ကြောင်း ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Hidden trove of gold treasure worth over $340,000 found by hikers Photo Credit- Museum of East Bohemia