Mariah Carey တစ်လလျှင် ဒေါ်လာ ၇၅,၀၀၀ ဖြင့် ငှားရမ်းနေထိုင်ခဲ့သောစံအိမ် အရောင်းဈေးကွက်ဝင်လာ

Mariah Carey ကဲ့သို့ နေထိုင်မည်ဆိုလျှင် မည်မျှ ကုန်ကျမည်နည်း။

အကုန်အကျ နည်းလှမည်မဟုတ်သည်မှာ ပြောစရာပင် မလိုချေ။

ဂရမ်မီ ၅ ဆုရှင် Mariah Carey သည် အမေရိကန်ပြည်၊ ကွန်နက်တီကပ်ပြည်နယ်မှ စံအိမ်တစ်လုံးတွင် ၂၀၂၃ ခုနှစ်၊ ဇူလိုင်လမှ စတင်ကာ တစ်လလျှင် ဒေါ်လာ ၇၅၀၀၀ ပေးကာ ၂ နှစ်နီးပါး ငှားရမ်းနေထိုင်ခဲ့သည်။

ယခုအခါ ထိုအိမ်မှာ ကန်ဒေါ်လာ ၁၃ ဒသမ ၉ သန်းဖြင့် အရောင်းဈေးကွက်ဝင်လာခြင်း ဖြစ်သည်။

၂၀၂၂ ခုနှစ်အတွင်း ကန်ဒေါ်လာ ၁၆ ဒသမ ၉ သန်းဖြင့် အရောင်းဈေးကွက်တင်ခဲ့ဖူးသည်။

(▲ Mariah Carey ။ ဓာတ်ပုံ-Greg Allen/ Invision/ AP)

(▲ ၁၉၂၉ ခုနှစ်တွင် ဆောက်လုပ်ခဲ့ခြင်း ဖြစ်သည်။ ဓာတ်ပုံ-Global Extreme LLC)

(▲ မြင့်မားလှသော ခန်းမကြီး အထက်ဆီတွင်ရှိသော ထပ်ခိုးနေရာ။ ဓာတ်ပုံ-Global Extreme LLC)

(▲ အမိုးခုံး ပြတင်းများမှတဆင့် အလင်းရောင်များ ဆောင်ကြဉ်းပေးသည်။ ဓာတ်ပုံ-Global Extreme LLC)

Orchard’s End ဟု အမည်ရသော စံအိမ်၏ ခြံဝန်းအကျယ်မှာ ၆ ဒသမ ၂၅ ဧက ရှိသည်။

အမှတ် ၅၄၄၊ Oenoke Ridge လမ်းတွင် တည်ရှိကာ တူးဒေါ်ဗိသုကာဟန်ဖြင့် ၁၉၂၉ ခုနှစ်တွင် ဆောက်လုပ်ခဲ့ခြင်းဖြစ်ပြီး ပင်မစံအိမ်ကို အုတ်၊ ထုံးကျောက်တို့ အသုံးပြုကာ ဆောက်လုပ်ထားသည်။

တချိန်က ပိုင်ဆိုင်ခဲ့သူမှာ Carlos Hank Gonzalez ဖြစ်သည်။

စီးပွားရေးသမားတစ်ဦးဖြစ်သည့်အပြင် မက္ကဆီကို စီးတီး၏ မြို့တော်ဝန်အဖြစ် ၁၉၇၆ ခုနှစ်တွင် တာဝန်ထမ်းဆောင်ခဲ့သည်။

အမြင့် ၉ ပေ၊ ထု ၂ ပေနှင့် အလျား ပေ ၁၅၀၀ ရှိသော ကျောက်နံရံကြီးတစ်ခုကို privacy နှင့် လုံခြုံရေးအတွက် ခြံကြီးတွင် ဆောက်လုပ်ခဲ့သည်။

ယနေ့ကာလမျိုးတွင် ဆောက်လုပ်နိုင်ဖွယ်မရှိသော အရာတစ်ခု ဖြစ်ကြောင်း အရောင်းဈေးကွက်တင်ပေးသည့် Serhant အိမ်ခြံမြေကုမ္ပဏီမှ Danielle Malloy က ပြောသည်။ Malloy က ယခုစံအိမ်ကို Serhant မှ အခြားအကျိုးဆောင်တစ်ဦးဖြစ်သူ Jessica Lane နှင့်အတူ ပူးတွဲ ကိုင်တွယ်ထားသည်။

Gonzalez က ၁၉၈၀ ပြည့်နှစ်တွင် ကန်ဒေါ်လာ ၈၇၅၀၀၀ ဖြင့် ဝယ်ယူခဲ့ခြင်းဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။

(▲ ထုတ်တန်းဖော် မျက်နှာကြက်များ။ ဓာတ်ပုံ-Global Extreme LLC)

(▲ ရုပ်ရှင်ခန်း။ ဓာတ်ပုံ-Global Extreme LLC)

Mariah Carey က ယခုစံအိမ်ကို အလွန်နှစ်သက်ပြီး ငှားရမ်းနေထိုင်စဉ်ကာလအတွင်း အသံဖမ်းစတူဒီယို တစ်ခုပင် ဆောက်လုပ်ခဲ့သေးသည်။

နောက်ပိုင်းတွင် အဆိုပါစတူဒီယိုခန်းကို ယောဂစတူဒီယိုအဖြစ် ပြောင်းလဲခဲ့သည်။ လက်ရှိ ရောင်းချသူတို့က ဤစံအိမ်ကို ၂၀၁၄ ခုနှစ်တွင် ကန်ဒေါ်လာ ၆ ဒသမ ၅ သန်းဖြင့် ဝယ်ယူခဲ့ခြင်း ဖြစ်သည်။ 

(▲ ဧည့်သည်များကို ဧည့်ခံဖျော်ဖြေရန် အကောင်းဆုံးနေရာ။ ဓာတ်ပုံ-Global Extreme LLC)

(▲ ၁၉၂၉ ခုနှစ်က ဆောက်လုပ်ခဲ့ပြီး ခြံဝန်းမှာ ကျယ်ကျယ်ဝန်းဝန်းရှိသည်။ ဓာတ်ပုံ-Global Extreme LLC)

(▲ ခြံဝန်းတစ်ခုလုံး အလွန်သာယာလှပသည်။ ဓာတ်ပုံ-Global Extreme LLC)

(ဆက်စပ်သတင်း)

Mariah Carey မှာ ခွေးများအတွက် လစဉ် spa ပို့ပေးရသည့်စရိတ် ဒေါ်လာ ၄၅၀၀၀ ၊ တန်ဖိုးကြီး ပန်းများအတွက် တစ်လလျှင် ဒေါ်လာ ၁၀၀,၀၀၀၊ ဆံပင်နှင့် မိတ်ကပ်အလှပြင်မှုအတွက် တစ်ကြိမ်လျှင် ၁၀၀၀၀ တို့ အပါအဝင် အသုံးစရိတ်ကြီးမားလှပြီး အိမ်ပေါင်ထားရ

https://www.imyanmarhouse.com/news/read/1124977

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Mariah Carey rented this Connecticut mansion for $75K/month and built a recording studio there — and now it’s for sale

Photo Credit- Global Extreme LLC