အင်းစိန်မြို့နယ်ရှိရောင်းရန်တိုက်ခန်းများ

အင်းစိန်မြို့နယ်

အင်းစိန်မြို့နယ်သည် ရန်ကုန်မြို့၏ မြောက်ဘက်တွင်တည်ရှိသော မြို့နယ်ဖြစ်သည် ။ မြို့နယ်၏ မြောက်ဘက်တွင် ရွှေပြည်သာမြို့နယ် ၊ အနောက်ဘက်တွင် လှိုင်သာယာမြို့နယ် ၊ အရှေ့ဘက်နှင့်တောင်ဘက်တွင် မင်္ဂလာဒုံမြို့နယ်တို့တည်ရှိသည် ။ အင်းစိန်မြို့နယ်သည် အကျယ်အဝန်း ၃၅ ကီလိုမီတာရှိပြီး ရပ်ကွက်ပေါင်း ၂၁ ခု ၊ မူလတန်းကျောင်း ၃၃ ကျောင်း ၊ အလယ်တန်းကျောင်း ၁၀ ကျောင်း နှင့် အထက်တန်းကျောင်း ၅ ကျောင်း ရှိသည် ။ ကိုလိုနီခေတ် ဗြိတိသျှအစိုးရ ဆောက်လုပ်ခဲ့သည့် နာမည်ကြီး အင်းစိန်အကျဉ်းထောင်နှင့် မြန်မာနိုင်ငံ၏ ဉာဏ်တော်အမြင့်ဆုံး စကျင်ကျောက် ဆင်းတုတော် ကျောက်တော်ကြီး ဘုရားတည်ရှိသည့်မြို့နယ်လည်းဖြစ်သည် ။ ကရင်တိုင်းရင်းသားများကို အင်းစိန်မြို့နယ်တွင် အများဆုံးမြင်တွေ့နိုင်ပြီး ခရစ်ယာန် ဓမ္မတက္ကသိုလ် လည်းတည်ရှိသည် ။ မြန်မာနိုင်ငံ ဓမ္မတက္ကသိုလ် ၊ ရန်ကုန်ဆေးဘက်ဆိုင်ရာနည်းပညာတက္ကသိုလ် ၊ ရန်ကုန်နည်းပညာတက္ကသိုလ် ၊ တိရိစ္ဆာန်မွေးမြူရေးနှင့်ဆေးကုသရေးတက္ကသိုလ်ဌာနချုပ် ၊ မှုခင်းစုံစမ်းရေးဌာန ၊ အင်းစိန်မြို့မဈေး အစရှိသည့် အထင်ကရ အဆောက်အဦးများသည် အင်းစိန်မြို့နယ်တွင်း လူသိများသည့် နေရာဖြစ်သည် ။ အင်းစိန်ရွာမ အနောက်ရပ်ကွက်တွင်ရှိသော ရွာမပရိယ္တိ စာသင်တိုက်သည် ရန်ကုန်မြို့တွင် လူသိများထင်ရှားပြီး နိုင်ငံတစ်ဝန်းမှ သာသနာ့အာဇာနည်များကို နှစ်စဉ်မွေးထုတ်လျက်ရှိသည် ။ ကရင်ရိုးရွာပွဲများကိုလည်း နှစ်စဉ်ကျင်းပလေ့ရှိသည့်မြို့နယ်လည်းဖြစ်ပြီး အင်းစိန်မြို့နယ်တွင်း ရပ်ကွက် တော်တော်များများသည် “ ကုန်း “ အမည် အများအပြားပါဝင်သည် ။ မြို့နယ်တွင်း ထင်ရှားသော “ ကုန်း (၉) ကုန်း “ ဖြစ်သည့် ဒညင်းကုန်း ၊ ဘိုကုန်း ၊ တောင်သူကုန်း ၊ ရှမ်းကုန်း ၊ ဈေးကုန်း ၊ ဇီးအုံ့ကုန်း ၊ နံံ့သာကုန်း ၊ စော်ဘွာကြီးကုန်း နှင့် ကြို့ကုန်း ဟူ၍ရှိကြသည် ။ လူနေထူထပ်သောမြို့နယ်ဖြစ်ပြီး တိုက်ခန်းများ ၊ ဈေးခန်း ၊ ဆိုင်ခန်းများ ၊ လုံးချင်းအိမ်များ အများအပြားကျန်ရှိနေသေးသောမြို့နယ်တစ်ခုဖြစ်ပေသည် ။