အစီအစဥ္ :

ဒဂုံမြို့သစ် ဆိပ်ကမ်းမြို့နယ်ရှိရောင်းရန်လုံးချင်းအိမ်များ

ဒဂုံဆိပ်ကမ်းမြို့နယ်

ရန်ကုန်မြို့၏ တိုးချဲဲ့မြို့နယ်များထဲတွင်တစ်ခုအပါဝင်ဖြစ်သည့် ဒဂုံဆိပ်ကမ်းမြို့နယ်သည် မြောက်ဘက်တွင် လှည်းကူးမြို့နယ် ၊ အနောက်ဘက်တွင် တောင်ဒဂုံမြို့နယ် ၊ အနောက်တောင်ဘက်တွင် သာကေတမြို့နယ် ၊ အရှေ့နှင့် အရှေ့တောင်ဘက်တွင် သံလျင်မြို့နယ်တို့တည်ရှိသည် ။ ရန်ကုန်မြို့၏ အရှေ့အလယ်ပိုင်းတွင် တည်ရှိသော ဒဂုံမြို့သစ်ဆိပ်ကမ်းသည် ၈၅.၄ ကီလိုမီတာကျယ်ဝန်းပြီး မူလတန်းကျောင်း (၁၀) ကျောင်း ၊ အလယ်တန်းကျောင်း (၂) ကျောင်း နှင့် အထက်တန်းကျောင်း (၁) ကျောင်းတို့တည်ရှိသည် ။ ရန်ကုန်မြို့၏ တက္ကသိုလ်များထဲက တစ်ခုဖြစ်သည့် “ ပြည်ထောင်စုတိုင်းရင်းသားလူငယ်များ စွမ်းရည်ဖွံ့ဖြိုးရေးဒီဂရီကောလိပ် “ သည်ဒဂုံဆိပ်ကမ်းမြို့နယ်တွင်တည် ရှိသည် ။ တိုးချဲ့မြို့နယ်ဖြစ်သည်နှင့်အညီစက်မှုဇုန်လုပ်ကွက်များ ၊ တိုးချဲ့အိမ်ရာများ အများအပြားတည်ရှိသည် ။ မြို့ချဲ့စ လူနေကျဲပါးပေမယ့် ယခုအခါ တစ်စတစ်စ လူနေထူထပ်လာပြီး မြေကွက်လွတ်များလည်း ကျန်ရှိနေသေး သည့်မြို့နယ်ဖြစ်သည် ။ လမ်းပန်းဆက်သွယ်ရေး တိုးတက်ကောင်းမွန်လာပြီး သန်လျင်မြို့နယ်ကို ချိတ်ဆိတ်သွားလာ လွယ်ကူစေရန် အတွက် ၂၀၀၇ ခုနှစ်ကဖွင့်လှစ်လိုက်သည့် ဒဂုံတံတား သည်လည်း အရေးပါးသည့် လမ်းပန်းဆက်သွယ်ရေး တစ်ခုဖြစ်လာသည် ။ အဆိုပါ ဒဂုံတံတားသည် ဒဂုံဆိပ်ကမ်းမြို့နယ်ကို ဖြတ်သန်းစီးဆင်းသည့် ပဲခူးမြစ်ပေါ်တွင် တည်ဆောက်ထားပြီး ရန်ကုန်မြို့ရှိ ပဲခူးမြစ်ကို ဖြတ်ထိုးသော ဒုတိယမြောက်တံတားတစ်စင်း ဖြစ်သည် ။ အချုပ်အားဖြင့်ဆိုသော် ဒဂုံဆိပ်ကမ်းမြို့နယ်သည် မြေကွက် အလွတ်များ ၊ လူနေထိုင်ရန်သင့်လျော်သော လုံးချင်းအိမ်များ တည်ရှိသေးသည့်အပြင် သွားလာရန်ကောင်းသောမြို့နယ်တစ်ခုဖြစ်ပေသည် ။