ေျမကြက္ ေလွ်ာက္ထားသူ ေတြထဲကဝယ္ယူခြင့္ရရွိသူစာရင္းဒုတိယအႀကိမ္ထုတ္ျပန္

### Zawgyi Version ###

ရန္ကုန္တိုင္းေဒသႀကီး အစိုးရက လူေနထိုင္ရန္ေရာင္းခ်မည့္ ေျမကြက္မ်ားအား ဝယ္ယူ ခြင့္ရရွိသူ ၂၅၀ ေက်ာ္စာရင္းကို ဇန္နဝါရီ ၂၂ ရက္တြင္ထုတ္ျပန္သည္။

ရန္ကုန္တိုင္းေဒသႀကီး အစိုးရသည္ လႈိင္သာယာ ၊ ေ႐ႊျပည္သာ ႏွင့္ ဒဂုံၿမိဳ႕သစ္ေလးၿမိဳ႕နယ္ရွိ ေျမကြက္ ၅၀၀ ေက်ာ္ထဲမွ ဝယ္ယူရန္ေလွ်ာက္ထားသူမ်ားကို စိစစ္ၿပီးေနာက္ ဝယ္ယူခြင့္ရရွိသူ ၂၆၅ ဦးကို ထုတ္ျပန္ျခင္းျဖစ္သည္။

ထိုသို႔ ရန္ကုန္တိုင္းေဒသၾကီးအစိုးရက ျပန္လည္ေရာင္းခ်မည့္ ေျမကြက္မ်ားမွာ အနည္းဆုံး ေပ ၄၀× ၆၀ မွ ေပ ၁၀၀ ပတ္လည္အက်ယ္ရွိသည္။

အဆိုပါေျမကြက္မ်ားတြင္ အက်ယ္ဆုံးျဖစ္သည့္ ဒဂုံၿမိဳ႕သစ္ဆိပ္ကမ္းၿမိဳ႕နယ္ရွိ ေပ ၁၀၀ ပတ္လည္ေျမကြက္ကို ဦးဇာနည္ေအာင္ဆိုသူက က်ပ္သိန္း ၁,၁၀၀ ျဖင့္ ဝယ္ယူခြင့္ရရွိသည္။

ေပ ၄၀×၆၀ ေျမကြက္မ်ားကို အနည္းဆုံးက်ပ္သိန္း ၅၀ မွ အမ်ားဆုံး ၂၂၅ သိန္းႏႈန္းျဖင့္ ဝယ္ယူခြင့္ရရွိခဲ့ေၾကာင္းထုတ္ျပန္ခ်က္စာရင္းတြင္ ေဖာ္ျပထားသည္။

ဒဂုံၿမိဳ႕သစ္ဆိပ္ကမ္းၿမိဳ႕နယ္ ေျမတိုင္းရပ္ကြက္အမွတ္ (၁၆၈ /၃) ရွိ ေပ ၄၀×၆၀ အား က်ပ္ သိန္း ၅၀ ျဖင့္ ဦးၿဖိဳးကိုကိုဆိုသူက ဝယ္ယူခြင့္ရရွိျခင္းျဖစ္သည္။

‘‘က်န္တဲ့ေျမကြက္ဝယ္ယူ ခြင့္ရရွိသူေတြကိုလည္းထပ္ၿပီး ထုတ္ျပန္ဖို႔ရွိတယ္’’ဟု ရန္ကုန္တိုင္းေဒသႀကီးအစိုးရအဖြဲ႕႐ုံးမွ တာဝန္ရွိသူတစ္ဦးက ေျပာသည္။

ရန္ကုန္တိုင္းေဒသႀကီး အစိုးရသည္ စက္မႈေျမကြက္မ်ားဝယ္ယူခြင့္ရရွိသူ ၁၉ ဦးစာရင္းကို ဇန္နဝါရီ ၁၆ ရက္က ထုတ္ျပန္ခဲ့ၿပီး ယခုဒုတိယေျမာက္အျဖစ္ လူေနထိုင္ခြင့္၊ ေျမဝယ္ယူခြင့္ရရွိသူစာရင္းကို ထုတ္ျပန္ျခင္းျဖစ္သည္။

အဆိုပါေျမကြက္ဝယ္ယူခြင့္ ေလွ်ာက္လႊာကို ၂၀၁၉ ေအာက္တိုဘာတြင္ စတင္လက္ခံခဲ့ၿပီး ေလွ်ာက္ထားသူမ်ားမွဝယ္ယူလိုသည့္ ေျမကြက္အားကာလတန္ဖိုးေပၚ အေျခခံ၍ အဆိုျပဳေဈးႏႈန္းသတ္မွတ္ေလွ်ာက္ထားေစခဲ့ျခင္းျဖစ္သည္။

ယင္းေျမကြက္မ်ား ဝယ္ယူ ခြင့္ရရွိသူမ်ားအေနျဖင့္ ရန္ကုန္ၿမိဳ႕ေတာ္စည္ပင္သာယာေရးေကာ္မတီထံ ဇန္နဝါရီ ၂၂ ရက္ ကစ၍ ဆက္သြယ္ႏိုင္ၿပီး ႏွစ္လအ တြင္း ေငြေပးသြင္းရန္ ေၾကညာခ်က္တြင္ ေဖာ္ျပထားသည္။

ေနးရွင္းျမန္မာ မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

 ### Unicode Version ###

ရန်ကုန်တိုင်းဒေသကြီး အစိုးရက လူနေထိုင်ရန်ရောင်းချမည့် မြေကွက်များအား ဝယ်ယူ ခွင့်ရရှိသူ ၂၅၀ ကျော်စာရင်းကို ဇန်နဝါရီ ၂၂ ရက်တွင်ထုတ်ပြန်သည်။

ရန်ကုန်တိုင်းဒေသကြီး အစိုးရသည် လှိုင်သာယာ၊ ရွှေပြည်သာနှင့် ဒဂုံမြို့သစ်လေးမြို့နယ်ရှိ မြေကွက် ၅၀၀ ကျော်ထဲမှ ဝယ်ယူရန်လျှောက်ထားသူများကို စိစစ်ပြီးနောက် ဝယ်ယူခွင့်ရရှိသူ ၂၆၅ ဦးကို ထုတ်ပြန်ခြင်းဖြစ်သည်။

ထိုသို့ ရန်ကုန်တိုင်းဒေသကြီးအစိုးရက ပြန်လည်ရောင်းချမည့် မြေကွက်များမှာ အနည်းဆုံး ပေ ၄၀× ၆၀ မှ ပေ ၁၀၀ ပတ်လည်အကျယ်ရှိသည်။

အဆိုပါမြေကွက်များတွင် အကျယ်ဆုံးဖြစ်သည့် ဒဂုံမြို့သစ်ဆိပ်ကမ်းမြို့နယ်ရှိ ပေ ၁၀၀ ပတ်လည်မြေကွက်ကို ဦးဇာနည်အောင်ဆိုသူက ကျပ်သိန်း ၁,၁၀၀ ဖြင့် ဝယ်ယူခွင့်ရရှိသည်။

ပေ ၄၀×၆၀ မြေကွက်များကို အနည်းဆုံးကျပ်သိန်း ၅၀ မှ အများဆုံး ၂၂၅ သိန်းနှုန်းဖြင့် ဝယ်ယူခွင့်ရရှိခဲ့ကြောင်းထုတ်ပြန်ချက်စာရင်းတွင် ဖော်ပြထားသည်။

ဒဂုံမြို့သစ်ဆိပ်ကမ်းမြို့နယ် မြေတိုင်းရပ်ကွက်အမှတ် (၁၆၈ /၃) ရှိ ပေ ၄၀×၆၀ အား ကျပ် သိန်း ၅၀ ဖြင့် ဦးဖြိုးကိုကိုဆိုသူက ဝယ်ယူခွင့်ရရှိခြင်းဖြစ်သည်။

‘‘ကျန်တဲ့မြေကွက်ဝယ်ယူ ခွင့်ရရှိသူတွေကိုလည်းထပ်ပြီး ထုတ်ပြန်ဖို့ရှိတယ်’’ဟု ရန်ကုန်တိုင်းဒေသကြီးအစိုးရအဖွဲ့ရုံးမှ တာဝန်ရှိသူတစ်ဦးက ပြောသည်။ ရန်ကုန်တိုင်းဒေသကြီး အစိုးရသည် စက်မှုမြေကွက်များဝယ်ယူခွင့်ရရှိသူ ၁၉ ဦးစာရင်းကို ဇန်နဝါရီ ၁၆ ရက်က ထုတ်ပြန်ခဲ့ပြီး ယခုဒုတိယမြောက်အဖြစ် လူနေထိုင်ခွင့်၊ မြေဝယ်ယူခွင့်ရရှိသူစာရင်းကို ထုတ်ပြန်ခြင်းဖြစ်သည်။

အဆိုပါမြေကွက်ဝယ်ယူခွင့် လျှောက်လွှာကို ၂၀၁၉ အောက်တိုဘာတွင် စတင်လက်ခံခဲ့ပြီး လျှောက်ထားသူများမှဝယ်ယူလိုသည့် မြေကွက်အားကာလတန်ဖိုးပေါ် အခြေခံ၍ အဆိုပြုဈေးနှုန်းသတ်မှတ်လျှောက်ထားစေခဲ့ခြင်းဖြစ်သည်။

ယင်းမြေကွက်များ ဝယ်ယူ ခွင့်ရရှိသူများအနေဖြင့် ရန်ကုန်မြို့တော်စည်ပင်သာယာရေးကော်မတီထံ ဇန်နဝါရီ ၂၂ ရက် ကစ၍ ဆက်သွယ်နိုင်ပြီး နှစ်လအ တွင်း ငွေပေးသွင်းရန် ကြေညာချက်တွင် ဖော်ပြထားသည်။

နေးရှင်းမြန်မာ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com