ႏိုင္ငံျခားသားမ်ား ေနထိုင္ရန္ အာရွ၏သတၱမေျမာက္ေဈးအႀကီးဆံုးၿမိဳ႕အျဖစ္ စကၤာပူေဖာ္ျပခံရ

### Zawgyi Version ###

ECA International မွ မၾကာေသးမီက ထုတ္ျပန္လိုက္သည့္ The Cost of Living စစ္တမ္းတြင္ စကၤာပူသည္ ႏိုင္ငံျခားသားမ်ား ေနထိုင္ရန္ အာရွ၏သတၱမေျမာက္ေဈးအႀကီးဆုံးၿမိဳ႕အျဖစ္ႏွင့္ ကမာၻ႔အဆင့္တြင္ ၁၃ ခုေျမာက္ ေဈးအႀကီးဆုံးၿမိဳ႕အျဖစ္ရပ္တည္ခဲ့ၾကာင္း Singapore Business Review သတင္းစာက ေဖာ္ျပခဲ့သည္။

အဓိကအားျဖင့္ စကၤာပူေဒၚလာေဈးမာမႈေၾကာင့္ စကၤာပူသည္ ၂၀၁၈ ခုႏွစ္စာရင္းႏွင့္ယွဥ္လွ်င္ အာရွအဆင့္တြင္ႏွစ္ေနရာႏွင့္ ကမာၻ႔အဆင့္တြင္ငါးေနရာျမင့္တက္ခဲ့သည္။

“ကုန္ေဈးႏႈန္းေဖာင္းပြမႈႏႈန္းနိမ့္ၿပီး ကမာၻ႔ကုန္သြယ္ေရးဖြံ႕ၿဖိဳးမႈအားနည္းေနေပမဲ့လည္း စကၤာပူေဒၚလာေဈးဆက္လက္မာခဲ့တာေၾကာင့္ စကၤာပူဟာကမာၻ႔အဆင့္မွာ ငါးေနရာျမင့္တက္ၿပီး ၁၃ ေနရာမွာ ေဖာ္ျပခံခဲ့ရပါတယ္။ အခုဆို စကၤာပူဟာႏိုင္ငံျခားသားေတြအတြက္ ဆိုးလ္နဲ႔ ရွန္ဟိုင္းထက္ (ပိုၿပီးအကုန္အက်မ်ား) ပိုၿပီးေဈးႀကီးေနပါၿပီ။” ဟု ECA International ၏ အာရွေဒသဆိုင္ရာဒါ႐ိုက္တာ လီကြမ္းက ေျပာၾကားခဲ့သည္။

တာ့ခ္မန္နစၥတန္၏ၿမိဳ႕ေတာ္ အက္ရွ္ဂါဘတ္၊ ဂ်ပန္ၿမိဳ႕မ်ားျဖစ္သည့္ တိုက်ိဳ၊ ေဟာင္ေကာင္၊ နာဂိုယာ၊ အိုဆာကာႏွင့္ ယိုကိုဟားမားတို႔သည္လည္း စကၤာပူထက္ပိုမိုေဈးႀကီးၾကသည္။

အက္ရွ္ဂါဘတ္သည္ ႏိုင္ငံျခားသားမ်ားအတြက္ ကမာၻ႔ေဈးအႀကီးဆုံးတည္ေနရာအျဖစ္ ရပ္တည္လာခဲ့သည္။ အက္ရွ္ဂါဘတ္သည္ ၂၀၁၇ ခုႏွစ္တြင္ အဆင့္ ၁၄၆ တြင္ ရပ္တည္ခဲ့ရာမွ တရားဝင္ေငြလဲႏႈန္းထက္ အေတာ္ေလးပိုမိုအားေပ်ာ့ေသာ ေမွာင္ခိုေဈးကြက္ေငြလဲႏႈန္းႏွင့္ ကုန္ေဈးႏႈန္းေဖာင္းပြမႈျမင့္မားျခင္းတို႔ေၾကာင့္ ထိုသို႔တစ္ဟုန္ထိုးျမင့္တက္ခဲ့ျခင္းျဖစ္သည္။

တိုက်ိဳက ကမာၻ႔အဆင့္တြင္ ဒုတိယေဈးအႀကီးၿမိဳ႕ျဖစ္ခဲ့ၿပီး တိုက်ိဳေနာက္မွ ဇူးရစ္ခ်္၊ ဂ်ီနီဗာႏွင့္ ဘာဆဲလ္ဟူသည့္ ဆြစ္ဇာလန္ၿမိဳ႕သုံးၿမိဳ႕က အသီးသီးရပ္တည္ခဲ့ကာ ေဟာင္ေကာင္က နံပါတ္ ၆ ေနရာ၌ ဆက္လက္ရပ္တည္ခဲ့သည္။

ယခုႏွစ္စာရင္းတြင္ ေဟာင္ေကာင္ထက္တိုက်ိဳသာလြန္ခဲ့ျခင္းမွာ ဂ်ပန္ယန္းေငြေဈးအလြန္မာခဲ့ျခင္းေၾကာင့္ ျဖစ္သည္။တ႐ုတ္ျပည္မႀကီးရွိ ၿမိဳ႕ျပအမ်ားစုသည္ ယခုႏွစ္စာရင္းတြင္ အဆင့္မ်ားက်ဆင္းခဲ့သည္။ ယြမ္ေငြေဈး အားေပ်ာ့ခဲ့မႈေၾကာင့္ျဖစ္သည္။

တိုင္ေပက အဆင့္ ၃၁ တြင္ ဆက္လက္ရပ္တည္ခဲ့ၿပီး မကာအိုကမူ ၂၀၁၈ စာရင္းတြင္ အဆင့္ ၂၅ ၌ ရွိခဲ့ရာမွ ယခုႏွစ္တြင္ အဆင့္ ၁၈ သို႔ ျမင့္တက္လာခဲ့ေၾကာင္း သိရသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ECA International မှ မကြာသေးမီက ထုတ်ပြန်လိုက်သည့် The Cost of Living စစ်တမ်းတွင် စင်္ကာပူသည် နိုင်ငံခြားသားများ နေထိုင်ရန် အာရှ၏သတ္တမမြောက်ဈေးအကြီးဆုံးမြို့အဖြစ်နှင့် ကမ္ဘာ့အဆင့်တွင် ၁၃ ခုမြောက် ဈေးအကြီးဆုံးမြို့အဖြစ်ရပ်တည်ခဲ့ကြာင်း Singapore Business Review သတင်းစာက ဖော်ပြခဲ့သည်။

အဓိကအားဖြင့် စင်္ကာပူဒေါ်လာဈေးမာမှုကြောင့် စင်္ကာပူသည် ၂၀၁၈ ခုနှစ်စာရင်းနှင့်ယှဉ်လျှင် အာရှအဆင့်တွင်နှစ်နေရာနှင့် ကမ္ဘာ့အဆင့်တွင်ငါးနေရာမြင့်တက်ခဲ့သည်။

“ကုန်ဈေးနှုန်းဖောင်းပွမှုနှုန်းနိမ့်ပြီး ကမ္ဘာ့ကုန်သွယ်ရေးဖွံ့ဖြိုးမှုအားနည်းနေပေမဲ့လည်း စင်္ကာပူဒေါ်လာဈေးဆက်လက်မာခဲ့တာကြောင့် စင်္ကာပူဟာ ကမ္ဘာ့အဆင့်မှာ ငါးနေရာမြင့်တက်ပြီး ၁၃ နေရာမှာ ဖော်ပြခံခဲ့ရပါတယ်။ အခုဆို စင်္ကာပူဟာနိုင်ငံခြားသားတွေအတွက် ဆိုးလ်နဲ့ ရှန်ဟိုင်းထက် (ပိုပြီးအကုန်အကျများ) ပိုပြီးဈေးကြီးနေပါပြီ။” ဟု ECA International ၏ အာရှဒေသဆိုင်ရာဒါရိုက်တာ လီကွမ်းက ပြောကြားခဲ့သည်။

တာ့ခ်မန်နစ္စတန်၏မြို့တော် အက်ရှ်ဂါဘတ်၊ ဂျပန်မြို့များဖြစ်သည့် တိုကျို၊ ဟောင်ကောင်၊ နာဂိုယာ၊ အိုဆာကာနှင့် ယိုကိုဟားမားတို့သည်လည်း စင်္ကာပူထက်ပိုမိုဈေးကြီးကြသည်။

အက်ရှ်ဂါဘတ်သည် နိုင်ငံခြားသားများအတွက် ကမ္ဘာ့ဈေးအကြီးဆုံးတည်နေရာအဖြစ် ရပ်တည်လာခဲ့သည်။ အက်ရှ်ဂါဘတ်သည် ၂၀၁၇ ခုနှစ်တွင် အဆင့် ၁၄၆ တွင် ရပ်တည်ခဲ့ရာမှ တရားဝင်ငွေလဲနှုန်းထက် အတော်လေးပိုမိုအားပျော့သော မှောင်ခိုဈေးကွက်ငွေလဲနှုန်းနှင့် ကုန်ဈေးနှုန်းဖောင်းပွမှုမြင့်မားခြင်းတို့ကြောင့် ထိုသို့တစ်ဟုန်ထိုးမြင့်တက်ခဲ့ခြင်းဖြစ်သည်။

တိုကျိုက ကမ္ဘာ့အဆင့်တွင် ဒုတိယဈေးအကြီးမြို့ဖြစ်ခဲ့ပြီး တိုကျိုနောက်မှ ဇူးရစ်ချ်၊ ဂျီနီဗာနှင့် ဘာဆဲလ်ဟူသည့် ဆွစ်ဇာလန်မြို့သုံးမြို့က အသီးသီးရပ်တည်ခဲ့ကာ ဟောင်ကောင်က နံပါတ် ၆ နေရာ၌ ဆက်လက်ရပ်တည်ခဲ့သည်။

ယခုနှစ်စာရင်းတွင် ဟောင်ကောင်ထက် တိုကျိုသာလွန်ခဲ့ခြင်းမှာ ဂျပန်ယန်းငွေဈေးအလွန်မာခဲ့ခြင်းကြောင့် ဖြစ်သည်။တရုတ်ပြည်မကြီးရှိ မြို့ပြအများစုသည် ယခုနှစ်စာရင်းတွင် အဆင့်များကျဆင်းခဲ့သည်။ ယွမ်ငွေဈေး အားပျော့ခဲ့မှုကြောင့်ဖြစ်သည်။

တိုင်ပေက အဆင့် ၃၁ တွင် ဆက်လက်ရပ်တည်ခဲ့ပြီး မကာအိုကမူ ၂၀၁၈ စာရင်းတွင် အဆင့် ၂၅ ၌ ရှိခဲ့ရာမှ ယခုနှစ်တွင် အဆင့် ၁၈ သို့ မြင့်တက်လာခဲ့ကြောင်း သိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)