ဇွန်လအတွင်း ဗဟိုဘဏ်က ပုဂ္ဂလိက ဘဏ်များမှ ဒေါ်လာ ၁၀ သန်း ၀ယ်ယူ

ယခုလအတွင်း ဗဟိုဘဏ်က ပုဂ္ဂလိကဘဏ်များထံမှ ကန်ဒေါ်လာ ၁၀ သန်းကိုဈေးကွက် ပေါက်ဈေးဖြင့် ၀ယ်ယူသည်။

ဗဟိုဘဏ်တွင် နိုင်ငံခြားအရန်ငွေဒေါ်လာ လိုအပ်ချက်ရှိ ခြင်းကြောင့် ယင်းသို့ဝယ်ယူခြင်းဖြစ်နိုင်ကြောင်း ဘဏ်လုပ်ငန်း ကျွမ်းကျင်သူအချို့က ခန့်မှန်းသည်။ ပြည်တွင်း၌ ဒေါ်လာတန်ဖိုး အတက်၊ အကျ အနည်းငယ်ဖြင့် ပုံမှန်အခြေအနေရှိနေချိန်တွင် ဗဟိုဘဏ်က ဈေးကွက်ပေါက်ဈေးနီးပါးဖြင့် ဒေါ်လာဝယ်ယူနေခြင်းက နိုင်ငံခြားအရန်ငွေ လိုအပ်ချက်ကို ဖြည့်ဆည်းလိုခြင်း ကြောင့် ဖြစ်နိုင်သည်ဟု နေပြည်တော်စည်ပင်ဘဏ်ဥက္ကဋ္ဌ ဦးရဲမင်းဦးက ပြောသည်။

‘‘အခု တစ်ခါ ဗဟိုဘဏ် ၀ယ်တဲ့ပုံစံက လိုအပ်ချက်အတွက် ပုံမှန်ဝယ်တဲ့ ပုံစံမျိုးပါပဲ။ ဈေးကွက်ကို လှုပ်လှုပ်ရှားရှားဖြစ်အောင် သူဝင်မလုပ်သေးပါဘူး’’ ဟု ဦးရဲမင်းဦးက ပြောသည်။

ဗဟိုဘဏ်က ၂၀၁၈ နှစ် ကုန်ပိုင်းတွင် ပုဂ္ဂလိကဘဏ်များ ထံမှ ဒေါ်လာကို ဈေးကွက်ပေါက်ဈေးထက် ပိုပေးပြီး ၀ယ်ယူခြင်းကြောင့် စီးပွားရေး လောကအတွင်း ဝေဖန်မှုများ ရှိခဲ့သည်။

ထို့ကြောင့် ဗဟိုဘဏ်က ပုဂ္ဂလိကဘဏ်များထံမှ ဒေါ်လာဝယ်ယူခြင်းကို စီးပွားရေးလုပ်ငန်းရှင်အချို့က စောင့်ကြည့်နေသည်။ အမေရိကန်-တရုတ် ကုန်သွယ်ရေး စစ်ပွဲနှင့်ဆက်စပ်ပြီး ဒေါ်လာ နှင့် ယွမ်ငွေတန်ဖိုး ကျဆင်းမှုကို နိုင်ငံတကာတွင် ကြုံတွေ့နေရသည်။ ထို့ကြောင့် နိုင်ငံတကာ ငွေကြေးဈေးကွက်၌ ရွှေဈေးမြင့်တက်ပြီး ဒေါ်လာတန်ဖိုးကျဆင်းနေသည်။

သို့သော် ပြည်တွင်းငွေကြေးဈေးကွက်တွင် ဇွန်လအတွင်း ဒေါ်လာတန်ဖိုး ၁,၅၃၅ ကျပ်အထိ မြင့်တက်ပြီး ဇွန်လ ၂၄ ရက်တွင် ကျပ် ၁,၅၂၀ ခန့်ဖြင့် ဈေးတည် ငြိမ်နေသည်။

သို့သော် ပြည်တွင်းရွှေဈေးနှုန်းက စံချိန်တင်မြင့်တက်ပြီး ဇွန် လ ၂၄ ရက်တွင် အခေါက်ရွှေတစ်ကျပ်သားလျှင် ကျပ် ၁၁ သိန်း ကျော် ဈေးရှိသည်။

Credit: 7Daydaily