သေတမ်းစာဖြင့် အိမ်မြေအမွေပေးမည်ဆိုလျှင်

““သေတမ်းစာရေးပြီး၊ ပစ္စည်း ပေးခဲ့ရင် ပိုင်ဆိုင်ခွင့်ချက်ချင်းရပါသလား””ဟု ငယ်သူငယ်ချင်းတစ်ဦးက စာရေးသူထံ လာရောက် မေးမြန်းဆွေးနွေးပါသည်။

““သေတမ်းစာရေးသားခဲ့တယ် ဆိုတော့ ပေးကမ်းသူကွယ်လွန်မှ ပိုင်ဆိုင် ခွင့်ရမှာလေ””

““တို့မြန်မာဓလေ့ထုံးတမ်းဥပဒေ အရတော့ ပိုင်ရှင်ဖြစ်သူက တစ်စုံတစ် ယောက်ကို မေတ္တာနဲ့ပေးကမ်းရင် ချက်ချင်း ပိုင်ဆိုင်ခွင့်ရတာမဟုတ်လား””

““အေး၊ ဟုတ်တယ်လေ၊ မြန်မာ့ ဓလေ့ထုံးတမ်းဥပဒေအရမေတ္တာနဲ့ ပေးကမ်းခြင်းဆိုတာ ပိုင်ရှင်ရဲ့သားသမီး မြေး မြစ် စတဲ့ဆွေးမျိုးတော်စပ်သူ အချင်းချင်း ပေးကမ်းတာဖြစ်တယ်။ သေတမ်းစာဆို တာကတော့ မိမိပိုင်ပစ်္စည်းကို ဆွေမျိုးတော် စပ်သည်ဖြစ်စေ၊ တစ်စိမ်းတစ်ယောက်ကို ဖြစ်စေ၊ ပေးကမ်းကြောင်းဖော်ပြရေးသားထားတဲ့ စာဖြစ်တယ်။ သေတမ်းစာဖြစ်လို့ ပေးကမ်းသူကွယ်လွန်မှ ပိုင်ဆိုင်ခွင့်ရမယ်””

““မြေအိမ်ဆိုပါတော့ သူငယ်ချင်း၊ မြန်မာ့ဓလေ့ထုံးတမ်းဥပဒေအရတော့ ပေးကမ်းစာချုပ်ကို မှတ်ပုံတင်ရတယ်မဟုတ် လား။ သေတမ်းစာက စာချုပ် စာတမ်းရုံး မှာ မှတ်ပုံတင်မှ တရားဝင်တာလား””

““၂၀၀၈ ခုနှစ် စာချုပ်စာတမ်း များ မှတ်ပုံတင်ဥပဒေအရ ပုဒ်မ(၁၇)မှာ သေတမ်းစာကို မှတ်ပုံတင်ဥပဒေအရ မှတ်ပုံတင်လိုက တင်နိုင်သော စာချုပ်စာ တမ်းအမျိုးအစားအဖြစ် သတ်မှတ်ထား ပါတယ်””

““ဒါဆိုရင် သေတမ်းစာက မှတ် ပုံ မတင်လည်း တရားဝင်တဲ့သဘောပေါ့””

““ဟုတ်ပါတယ်။ မှတ်ပုံမတင်၊ မနေရစာရွက်စာတမ်းအဖြစ် သတ်မှတ် ချက်ထဲမပါတဲ့အတွက် သေတမ်းစာကို မှတ်ပုံတင်စာချုပ်စာတမ်းအဖြစ် မပြုလုပ် သော်လည်း ဥပဒေအရ တရားဝင်မှာဖြစ် ပါတယ်””

““သေတမ်းစာကို တင်ပြပြီး မြေ အိမ်တို့မှာ အမည်ပြောင်း တိုက်ရိုက် လျှောက်လို့ရပါသလား””

““အစောက သူငယ်ချင်းပြော သလို မြန်မာ့ဓလေ့ထုံးတမ်းဥပဒေအရ မေတ်္တာနဲ့ ပေးကမ်းခြင်းစာချုပ်ကို စာချုပ်စာ တမ်း မှတ်ပုံတင်ဥပဒေအရ မှတ်ပုံမတင် မနေရ ပြုလုပ်ဆောင်ရွက်ရမှာဖြစ်ကြောင်း ယင်း ဥပဒေပုဒ်မ(၁၆)မှာ အတိအလင်း ပြဋ္ဌာန်း ထားတယ်။ ဒါကြောင့် အပိုင်ပေးစာ ချုပ်တွေကို မှတ်ပုံတင်စာချုပ်အဖြစ် မှတ်ပုံ တင်မှ တရားဝင်တယ်။ မှတ်ပုံတင်ချုပ်ဆို ပြီးရင်တော့ သက်ဆိုင်ရာ မြေယာဌာနမှာ အိမ်၊ မြေ အမည်ပေါက်ပြောင်းဖို့လျှောက် ထားနိုင်တယ်။ ဒါပေမယ့် သေတမ်းစာ ကတော့ တိုက်ရိုက်ပိုင်ဆိုင်ခွင့်မရသေး။ တရားရုံးမှာ သေတမ်းစာကို အတည်ပြု ပေးဖို့ လျှောက်ထားရတယ်””

““အင်း ...အဲဒါကိုသိချင်လို့ တရားရုံးမှာ လျှောက်ထားရတယ်ဆိုတာ ဘယ်လိုလုပ်ဆောင်ရတာလဲ””

““ဘာဖြစ်လို့လဲ။ သူငယ်ချင်း အမျိုးထဲမှာ ခရစ်ယာန်ဘာသာဝင်ရှိလို့ လား””

““ကိုယ့်သားရဲ့ဇနီးသည်ဘက်က ခရစ်ယာန်ဘာသာဝင်တွေဖြစ်တယ်”” ““ဒါဆို သူငယ်ချင်းရဲ့ချွေးမက ခရစ်ယာန်ဘာသာ ကိုးကွယ်တာပေါ့””

““ဆိုပါတော့ သူငယ်ချင်းရယ်။ သူ့မိဘတွေက ခရစ်ယာန်ဘာသာဝင်၊ ကရင်လူမျိုးစပ်တယ်။ ဒါကြောင့် အခုသူ တို့နေတဲ့ အိမ်နဲ့မြေကို သမီးဖြစ်သူကို သေ တမ်းစာ ရေးပြီးပေးခဲ့ချင်တယ်ပြောလို့ ဘယ်လိုဆောင်ရွက်ရတယ်ဆိုတာ သိချင် တယ်””

““နားလည်အောင်ရှင်းပြရရင် သေတမ်းစာမှာ နှစ်မျိုးရေးသားလို့ရတယ်””

““သေတမ်းစာရေးသားတဲ့ပုံစံ (၂) မျိုးရှိတယ်ပေါ့””

““ပထမတစ်မျိုးက သေတမ်းစာ မှာ မိမိပစ္စည်းကို မည်သူ့ကိုအပိုင်ပေး မယ်ဆို တာ ဖော်ပြရတယ်။ တစ်ဆက်တည်း သေတမ်းစာကို အတည်ပြုဆောင်ရွက် ရမယ်။ အတည်ပြုသူတစ်ဦးတစ်ယောက် ကို ခန့်ထားကြောင်း ဖော်ပြပါရှိမယ်””

““သေတမ်းစာအတည်ပြုသူဆို တာက ပစ္စည်းပေးကမ်းပစ္စည်းလက်ခံသူ ကိုပဲ ခန့်ထားရတာလား”” ““မဟုတ်ဘူး။ ကြားလူကိုခန့် ထားရတယ်။ သူက တရားရုံးမှာ သေတမ်း စာပါအတိုင်း ဆောင်ရွက်နိုင်ရန် အတည် ပြု လက်မှတ်လျှောက်ထားရပါတယ်””

““သေတမ်းစာအတည်ပြု လက် မှတ်ကို တရားရုံးက ထုတ်ပေးတာနဲ့ ပိုင် ဆိုင်ခွင့် ရပြီပေါ့””

““ပိုင်ဆိုင်ခွင့်မရသေးဘူး။ အဲဒီ အတည်ပြုလက်မှတ်ရသူက သေတမ်းစာ ပါ အပိုင်ပေးကမ်းခံရသူကို အပိုင်ပေး စာချုပ် ချုပ်ဆိုဖို့ တရားရုံးမှာ ခွင့်ပြုချက် လျှောက်ထားရတယ်။ အဲဒီခွင့်ပြုချက်အရ အမွေ ဆက်ခံခွင့်ရသူနဲ့ သေတမ်းစာ အတည်ပြု လက်မှတ်ရသူတို့ မှတ်ပုံတင် အပိုင်ပေးစာချုပ် ချုပ်ဆိုရပါတယ်။ အဲဒီ မှတ်ပုံတင်စာချုပ်ရမှသာ ပိုင်ဆိုင်ခွင့်ရှိ မှာ ဖြစ်ပါတယ်””

““နောက် သေတမ်းစာတစ်မျိုး က ဘယ်လိုချုပ်ဆိုရသလဲ””

““အဲဒါကတော့ သေတမ်းစာ အတည်ပြုသူကို သီးခြားခန့်ထားတာမရှိ ဘဲ အမွေဆက်ခံခွင့်ရသူအမည်ကိုသာ ဖော်ပြပြီး ပစ်္စည်းစာရင်းအရ သေတမ်း စာဖြင့် အပိုင်ပေးကမ်းတယ်လို့ ဖော်ပြ ရေးသားတဲ့ သေတမ်းစာဖြစ်တယ်။ ပစ္စည်း ပိုင်ရှင်သေတမ်း စာရေးသူရဲ့အမည်၊ ပစ်္စည်း စာရင်းနဲ့၊ သေတမ်းစာအရ အမွေရရှိသူ တို့ရဲ့အမည်သာ ပါလေ့ရှိတယ်””

““အဲဒါမျိုးလည်း တရားရုံးမှာ သေတမ်းစာ အတည်ပြုလက်မှတ်လျှောက် ထားရတာပဲလား””

““တရားရုံးမှာတော့ အတည်ပြု ပေးဖို့ လျှောက်ထားရတာတော့ မှန်တယ်။ ဒါပေမယ့် အကြောင်းအရာပုံစံမတူဘူး။ ပထမသေတမ်းစာမျိုးက သေတမ်းစာ အတည်ပြုသူကို အမည်နှင့်တကွ ခန့်ထား တဲ့အတွက် ထိုသူက တရားရုံးမှာ သေတမ်း စာအတည်ပြု လက်မှတ်ထုတ်ပေးဖို့ လျှောက် ထားရတယ်””

““ဒုတိယပုံစံ သေတမ်းစာကြ တော့ တရားရုံးမှာ ဘယ်သူကလျှောက် ရမှာလဲ””

““ဒုတိယပုံစံ သေတမ်းစာမှာ သေတမ်းစာအတည်ပြုသူကို ခန့်ထားခြင်း မရှိလို့ အမွေပေးခြင်းခံရသူကိုယ်တိုင်က သေတမ်းစာပူးတွဲပါရှိသည့် အမွေထိန်းစာ အဖြစ် လျှောက်ထားရမှာဖြစ်တယ်။ ဒါနဲ့ ပတ်သက်လို့ တရားရုံးချုပ်က ဆုံးဖြတ် ထားတဲ့အမှုရှိတယ်””

““ဗဟုသုတအဖြစ် ပြောပြပါဦး””

““တရားရုံးချုပ်က ဆုံးဖြတ်ထား တဲ့ ဦးစိန်းမောင်ပါ ၅ ဦးနှင့် ဒေါ်ခင်မြယု ခေါ် ဒေါ်ခင်မမကြီး ၂၀၀၇ ခုနှစ် တရား စီရင်ထုံး စာမျက်နှာ ၁၅ မှာ ဒေါ်ခင်မြယု က အဘွားဖြစ်သူမှ မိမိအားပေးခဲ့သော ပစ္စည်းများကို စီမံခန့်ခွဲနိုင်ရန် သေတမ်းစာ အတည်ပြုလက်မှတ်ထုတ်ပေးရန် လျှောက် ထားခဲ့သည်။ သေတမ်းစာအရ သေတမ်းစာ အတည်ပြုသူအဖြစ် ဒေါ်ခင်မြယုကို သော် လည်းကောင်း၊ အခြားတစ်ဦးတစ် ယောက် ကိုသော်လည်းကောင်း ခန့်ထား ခြင်းမရှိသဖြင့် ဒေါ်ခင်မြယုအား သေတမ်း စာ အတည် ပြုလက်မှတ်ထုတ်မပေးနိုင် ဟု ဆုံးဖြတ်ခဲ့ပါတယ်””

““ဒါဆိုရင် အသေတမ်းစာပူးတွဲ ပါရှိတဲ့ အမွေထိန်းစာလျှောက်ရမှာပေါ့””

““မှန်ပါတယ်။ ဒေါ်ခင်မြယုက သေတမ်းစာပူးတွဲပါရှိသည့် အမွေထိန်းစာ လျှောက်ရပါမယ်””

““ဒါဆိုရင် သူက ပိုင်ဆိုင်ခွင့်မရ ဘဲ အမွေထိန်းသာဖြစ်နေတော့မှာပေါ့””

““ဟုတ်ပါတယ်။ ဒါပေမယ့် သေ တမ်းစာပူးတွဲပါရှိသည့် အမွေထိန်းစာရသူ က အဲဒီပစ္စည်းကို မိမိသဘောအလျောက် ရောင်းချခြင်း၊ ပေးကမ်းခြင်း၊ ပေါင်နှံခြင်း စတာတွေကို တရားရုံးရဲ့ခွင့်ပြုချက်ကို ရယူပြီး လုပ်ပိုင်ခွင့်ရှိမှာဖြစ်တယ်။ ကိုယ် တိုင်တော့ အိမ် မြေအမည်ပေါက်မရဘူး ပေါ့””

““ပထမသေတမ်းစာပုံစံမျိုးက တော့ သေတမ်းစာအတည်ပြုသူက ဆောင်ရွက်ပေးရတာပေါ့နော်””

““မှန်ပါတယ်။ ဒါကြောင့် သေတမ်း စာအတည်ပြုသူကို ခန့်ထားတဲ့အခါ သမာသမတ်ရှိပြီး ယုံကြည်စိတ်ချရသူကို ခန့်ထားကြတာဖြစ်တယ်။ မိသားစုထဲက ဖြစ်ချင်ဖြစ်မယ်။ အထူးသဖြင့်တော့ ရှေ့နေ တွေကို ခန့်ထားတတ်တယ်””

““ပိုကောင်းတာပေါ့။ သူကိုယ် တိုင် ချုပ်ဆိုပေးတဲ့ စာချုပ်ဆိုတော့ ရှေ့နေ ကို သေတမ်းစာ အတည်ပြုသူခန့်တာက အဆင်ပြေနိုင်တယ်””

““ဒါကတော့ ယုံကြည်ထိုက်တဲ့ သူ ဖြစ်ဖို့တော့ လိုတာပေါ့။ တစ်ခါတစ်ရံ မှာ သေတမ်းစာအတည်ပြုသူအဖြစ် ခန့် ထားခံရသူက ဆောင်ရွက်မပေးလို့ အဆင် မပြေတာတွေလည်း ရှိကြတယ်။ ဒီတော့ သေချာ စဉ်းစားဆောင်ရွက်ပါလို့ပဲ အကြံ ပေးချင်တယ် သူငယ်ချင်း””ဟု ဆွေးနွေး လိုက်ပါသည်။

ထီယု(ဥပဒေအတိုင်ပင်ခံ) ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com