အာရှ-ပစိဖိတ်ဒေသကြီးတွင် ကူးသန်းရောင်းဝယ်ရေးဆိုင်ရာ အိမ်ခြံမြေကဏ္ဍ ရင်းနှီးမြှုပ်နှံမှုမှာ ကန်ဒေါ်လာ ၄၅ ဘီလီယံအထိ ရှိခဲ့ရာ သမိုင်းတစ်လျှောက် အမြင့်မားဆုံးပမာဏဖြစ်

အာရှ-ပစိဖိတ်ဒေသကြီးတွင် ကူးသန်းရောင်းဝယ်ရေးဆိုင်ရာ အိမ်ခြံမြေကဏ္ဍ ရင်းနှီးမြှုပ်နှံမှုမှာ ၂၀၁၉ ခုနှစ် ၊ ဇန်နဝါရီလမှ မတ်လအကြား ပထမ ၃ လပတ် ကာလအတွင်း ကန်ဒေါ်လာ ၄၅ ဘီလီယံအထိ ရှိခဲ့ရာ သမိုင်းတစ်လျှောက် အမြင့်မားဆုံးပမာဏ ဖြစ်ကြောင်း အိမ်ခြံမြေအတိုင်ပင်ခံ ကုမ္ပဏီကြီး JLL ၏ ထုတ်ပြန်ချက်တွင် ဖော်ပြသည်။

အဆိုပါပမာဏမှာ ပြီးခဲ့သော ၂၀၁၈ ခုနှစ် အလားတူကာလနှင့် နှိုင်းယှဉ်လျှင် ၁၄ ရာခိုင်နှုန်းမြင့်တက်လာခြင်းဖြစ်သည်ဟု ဆိုသည်။

အာရှ-ပစိဖိတ်ဒေသကြီး ထိုကဲ့သို့ ရင်းနှီးမြှုပ်နှံမှုများ မြင့်တက်လာခြင်းမှာ အဓိကအားဖြင့် တရုတ်ပြည်တွင်း အရောင်းအဝယ်ပမာဏ မြင့်တက်လာခြင်းကြောင့်ဖြစ်ပြီး တရုတ်ဈေးကွက် အရောင်းအဝယ်ဖြစ်မှု ပမာဏသည် အာရှ-ပစိဖိတ်ဒေသတစ်ခုလုံး၏ ၄၀ ရာခိုင်နှုန်း ရှိနေသည်။

အာရှ-ပစိဖိတ်၏ အဆိုပါအခြေအနေမှာ လက်ရှိကမ္ဘာ့အခြေအနေများနှင့် ချိန်ထိုးသုံးသပ်လျှင် အံ့အားသင့်ဖွယ် ဖြစ်နေသည်။

တစ်ကမ္ဘာလုံးအတိုင်းအတာကြည့်မည်ဆိုလျှင် ၂၀၁၉ ခုနှစ်၊ ပထမ ၃ လပတ်အတွင်း အိမ်ခြံမြေကဏ္ဍရင်းနှီးမြှုပ်နှံမှု ပမာဏ ၈ ရာခိုင်နှုန်း ကျဆင်းသွားပြီး တန်ဖိုးအားဖြင့် ကန်ဒေါ်လာ ၁၅၆ ဘီလီယံဖိုးသာ ရှိခဲ့သည်။

JLL ၏ ခန့်မှန်းချက်အရ ၂၀၁၉ ခုနှစ်အတွင်း ကမ္ဘာလုံးဆိုင်ရာ အိမ်ခြံမြေကဏ္ဍ ရင်းနှီးမြှုပ်နှံမှုမှာ ၅ ရာခိုင်နှုန်းမှ ၁၀ ရာခိုင်နှုန်းအထိ ကျဆင်းသွားဖွယ်ရှိပြီး အကြမ်းဖျင်းအားဖြင့် ကန်ဒေါ်လာ ၆၉၀ ဘီလီယံဖိုးခန့်ဖြစ်ကြောင်း ခန့်မှန်းထားသည်။

အာရှ-ပစိဖိတ်၏ ကျဆင်းမှုသည် အမေရိကန်နှင့် EMEA region ဒေသကြီးတို့အပေါ်တွင်လည်း သက်ရောက်မှုများ ရှိလာနိုင်ပြီး အထူးသဖြင့် လက်လီနှင့် ရုံးခန်းကဏ္ဍများတွင် ဖြစ်သည်ဟု ဆိုသည်။

တရုတ်ပြည်အခြေအနေကို ကြည့်လျှင်မူ ယခုနှစ် ဇန်နဝါရီမှ မတ်လအတွင်း စုစုပေါင်း အိမ်ခြံမြေအရောင်းအဝယ်ဖြစ်မှု ပမာဏ ကန်ဒေါ်လာ ၁၇ ဘီလီယံဖိုးရှိပြီး ၂၀၁၈ ခုနှစ် ပထမ ၃ လပတ်နှင့် နှိုင်းယှဉ်လျှင် ၂ ဆ မြင့်တက်လာသည်ကို တွေ့နေရသည်။

တရုတ်ပြည်တွင် ပြီးခဲ့သော ၂၀၁၈ ခုနှစ်အတွင်း ကန်ဒေါ်လာ ၁ ဒသမ ၆ ဘီလီယံတန်ကြေးရှိသည့် ကြီးမားသော အရောင်းအဝယ်ကြီး များ ပေါ်ပေါက်ခဲ့သည့်နည်းတူ အွန်လိုင်းလက်လီအရောင်းဝက်ဘ်ဆိုက် JD.com နှင့် စင်္ကာပူ အစိုးရ၏ GIC တို့အကြား အငှားချထားမှု စာချုပ်ချုပ်ဆိုခြင်းများလည်း ပေါ်ပေါက်ခဲ့သည်။

ထို့အပြင် Dinghao ပလာဇာကို ဥရောပ ကုမ္ပဏီကြီး Partners Group က ကန်ဒေါ်လာ ၁ ဒသမ ၃ ဘီလီယံဖြင့် ဝယ်ယူမှုလည်း ဖြစ်ပေါ်ခဲ့သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)