ဖိလစ်ပိုင်လူနေအိမ်ခြံမြေ ၂၀၁၉ တွင် ဖွံ့ဖြိုးမည်

ဖိလစ်ပိုင်လူနေအိမ်ခြံမြေကဏ္ဍသည် ပြည်တွင်းပြည်ပအိမ်ခြံမြေရှာဖွေသူများ၏ အဆင့်မြင့်အလယ်အလတ်တန်းမှသည် ဇိမ်ခံအိမ်များအထိ လူနေအိမ်ခြံမြေများအား ဝယ်လိုအားကောင်းမှုကြောင့် ၂၀၁၉ ခုနှစ်တွင် ဖွံ့ဖြိုးမည်ဟု ခန့်မှန်းရကြောင်း JLL Philippines အိမ်ခြံမြေအတိုင်ပင်ခံလုပ်ငန်းက Inquirer.net မှတစ်ဆင့် ထုတ်ပြန်ခဲ့သည်။

လူနေအိမ်ခြံမြေဖွံ့ဖြိုးမှု၏ ၈၀ ရာခိုင်နှုန်းအထက်မှာ ကြိုပွိုင့်အိမ်ခန်းများဖြစ်ကြောင်း လည်း JLL Phillipines က ထုတ်ပြန်ခဲ့သည်။

ယမန်နှစ်က ဖိလစ်ပိုင်တွင် ကွန်ဒိုရောင်းလိုအား ၃၅,၀၀၀ ခန့် ရှိခဲ့သည်။ ရောင်းလိုအားအများဆုံးမှာ Quezon မြို့မှဖြစ်ပြီး Makati နှင့် Taguig မြို့တို့က ဒုတိယနှင့် တတိယအများဆုံးဖြစ်သည်။ Makati နှင့် Bonifacio Global City (BGC) ရှိ အဆင့်မြင့်အလယ်အလတ်တန်းမှသည် ဇိမ်ခံအိမ်ဈေးကွက်ရှိ အသစ်တည်ဆောက်ပြီးစီးသောနေအိမ်များနှင့် ဖော်ဆောင်ဆဲအိမ်များက ရောင်းလိုအားအထူးကောင်းမွန်ခဲ့သည်။

ပြည်တွင်းဝယ်လိုအားနှင့် နိုင်ငံခြားသူဌေးအရေအတွက်မြင့်မားမှုတို့ကလည်း လူနေအိမ်ခြံမြေဝယ်လိုအားကို အားကောင်းစေခဲ့ကြောင်းလည်း JLL က ထုတ်ပြန်ခဲ့သည်။ ဖိလစ်ပိုင်ဗဟိုဘဏ်ကလည်း ၂၀၁၈ တတိယသုံးလပတ်တွင် မနီလာရှိ ကွန်ဒိုဈေးများ ၂၀၁၇ တတိယပတ်ထက် ၆ ဒသမ ၄ ရာခိုင်နှုန်း မြင့်တက်ခဲ့ကြောင်း ထုတ်ပြန်ထားသည်။

အငှားဈေးကွက်နှင့်ပတ်သက်၍လည်း ဘီပီအိုကုမ္ပဏီများနှင့် အွန်လိုင်းဂိမ်းကုမ္ပဏီများမှ ရုံးခန်းငှားလိုအားက Makati နှင့် BGC ရှိ လူနေအိမ်ငှားဈေးကွက်ကို သာလွန်မည်ဟု ခန့်မှန်းရသည်။ ကွန်ဒိုအငှားများသည် နိုင်ငံခြားသားဝန်ထမ်းအများအပြားရှိသည့် ဖိလစ်ပိုင်အိမ်ခြံမြေဈေးကွက်များတွင် ရေပန်းစားနေသည်။

Makati နှင့် Taguig တွင် တစ်လငှားရမ်းခသည် ၁ စတုရန်းမီတာလျှင် ဖိလစ်ပိုင်ပီဆို ၁၈၀၀ နှင့် ၁၉၀၀ (အမေရိကန်ဒေါ်လာ ၃၄-၃၆) ပင် ရှိနေပြီဖြစ်သည်။ ဖိလစ်ပိုင်တွင် အမြင့်ဆုံးဈေးဖြစ်သည်။ ဖိလစ်ပိုင်မြို့တော် မနီလာတွင်လည်း ငှားရမ်းခမြင့်မားမှုများ တွေ့ခဲ့ရသည်။ အထူးသဖြင့် တရုတ်မှ အွန်လိုင်းဂိမ်းကုမ္ပဏီများအလွန်များပြားလာသည့် Pasay နှင့် Paranaque မြို့တို့တွင် ဖြစ်ကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com